Jeremaia 13:12 - Vakavakadewa Vou kei na iVola tale eso

¹² Jeremaia, tukuna vei ira na Isireli, sa tukuna mai o Jiova na nodra Kalou: Me tawa na saqa ni waini taucoko sara ena waini. Era na kaya vei iko ni ra sa kila ni dodonu me tawa kece sara na saqa ni waini ena waini.

Ai Vola Tabu (Vakadewa Makawa Vakavoutaki 2021)

¹² “Ia mo tukuna vei ira na vosa oqo, ‘Sa kaya vakaoqo ko Jiova na nodra Kalou na Isireli, “A tavaya kece ena vakasinaiti ga e na waini.” ’ Ka ra na kaya vei iko, ‘Keimami sa sega beka ni kila ni na vakasinaiti na tavaya kecega ena waini?’

AI VOLA TABU

¹² Ia mo tukuna vei ira na vosa o qo, Sa vosa vakaoqo ko Jiova na nodra Kalou na Isireli, A tavaya kece ena vakasinaiti ga e na waini: a ra na kaya vei iko, Se keimami sa lecava beka ni na vakasinaiti na tavaya kecega e na waini?

Vakavakadewa Makawa

¹² Ia mo tukuna vei ira na vosa oqo, Sa kaya vakaoqo ko Jiova na nodra Kalou na Isireli, A tavaya kece ena vakasinaiti ga e na waini: ka ra na kaya vei iko, Keimami sa sega beka ni kila ni na vakasinaiti na tavaya kecega ena waini?

Ai Vola Tabu Ena Vakavakadewa Vou

¹² Jeremaia, tukuna vei ira na Isireli, sa tukuna mai ko Jiova na nodra Kalou: Me tawa na saqa ni waini taucoko sara ena waini. Era na kaya vei iko ni ra sa kila ni dodonu me tawa kece sara na saqa ni waini ena waini.

Jeremaia 13:12 Iomraidhean Croise

Jeremaia 13:11

Me vaka na kena qaqaco vinaka na beleti ena tolona e dua na tamata, sa vakakina na noqu nanuma me baleti ira kece na lewe i Isireli kei na lewe i Juta, me ra kabi matua vei au,” a kaya o Jiova. Au na cakava na ka oqo me ra yaco kina me ra noqu tamata, me dokai ka vakarokorokotaki kina na yacaqu, ia era sa sega ni via vakarorogo.”

Jeremaia 13:13

Tukuna vei ira ni sa kaya o Jiova, Au na vakasinaiti ira kece sara na lewe ni vanua oqo ena waini me yacova ni ra sa mateni: o ira na tui era kawa i Tevita, o ira na bete, o ira na parofita kei ira kece na lewe i Jerusalemi.

Jeremaia 25:16

Ena gauna era sa na gunuva kina, era sa na qai yamekemeke, ka na yali na yalodra ena vuku ni valu au sa tala yani vei ira.

Isikeli 24:19

Era a kaya vei au o ira na tamata, “O na sega beka li ni tukuna se cava na kena i balebale vei keimami na veika oqo?”