Jeremaia 13:11 - Vakavakadewa Vou kei na iVola tale eso

¹¹ Me vaka na kena qaqaco vinaka na beleti ena tolona e dua na tamata, sa vakakina na noqu nanuma me baleti ira kece na lewe i Isireli kei na lewe i Juta, me ra kabi matua vei au,” a kaya o Jiova. Au na cakava na ka oqo me ra yaco kina me ra noqu tamata, me dokai ka vakarokorokotaki kina na yacaqu, ia era sa sega ni via vakarorogo.”

Ai Vola Tabu (Vakadewa Makawa Vakavoutaki 2021)

¹¹ Me vaka sa kabita na tolo ni tamata nai vau, ka'u sa vakabita vakakina vei au na vale kecega i Isireli kei na vale kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki. Ia era bese ga ni vakarorogo.

AI VOLA TABU

¹¹ ni sa vaka sa kabita nai vau na tolo ni tamata, kaʼu sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, meʼu rogo, ka vakavinavinakataki, ka vakarokorokotaki kina: ia era bese ga ni vakarorogo.

Vakavakadewa Makawa

¹¹ me vaka sa kabita na tolo ni tamata nai vau, ka'u sa vakabita vakakina vei au na mataqali kecega i Isireli kei na mataqali kecega i Juta, sa kaya ko Jiova; me ra yaco me noqu tamata, me'u rogo kina, ka vakavinavinakataki, ka vakarokorokotaki: ia era bese ga ni vakarorogo.

Ai Vola Tabu Ena Vakavakadewa Vou

¹¹ Me vaka na kena qaqaco vinaka na beleti ena tolona e dua na tamata, sa vakakina na noqu nanuma me baleti ira kece na lewe i Isireli kei na lewe i Juta, me ra kabi matua vei au,” a kaya ko Jiova. Au na cakava na ka oqo me ra yaco kina me ra noqu tamata, me dokai ka vakarokorokotaki kina na yacaqu, ia era sa sega ni via vakarorogo.”

Jeremaia 13:11 Iomraidhean Croise

NA SAME 135:4

Sa digitaki Jekope ga o koya me nona, Io, o ira na Isireli me ra nona i yau talei.

NA SAME 147:20

Sa sega ni cakava na ka oqo me baleti ira na veimatanitu tani; Era sa sega ni kila na nona lawa. Ni vakacaucautaki Jiova!

NA SAME 81:11

Ia o ira na noqu tamata era sega ni via vakarorogo vei au; Era sa sega ni via talai rawarawa na Isireli.

Aisea 43:21

Sa i ira na tamata au a buli ira me ra noqu, Ka ra na laga sere ni vakacaucautaki au!”

Aisea 62:12

O ni na vakatokai mo ni Matatamata Tabu ni Kalou Na matatamata sa vakabulai ira o Jiova. Ena vakatokai o Jerusalemi me “Koro sa lomana na Kalou.” “Na koro sa sega ni biuta na Kalou.”

Jeremaia 13:1

A tukuna vei au o Jiova me'u la'ki volia e dua na i beleti lineni ka daramaka sara; ia me'u kakua ni tonia ena wai.

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 13:12

Jeremaia, tukuna vei ira na Isireli, sa tukuna mai o Jiova na nodra Kalou: Me tawa na saqa ni waini taucoko sara ena waini. Era na kaya vei iko ni ra sa kila ni dodonu me tawa kece sara na saqa ni waini ena waini.

Jeremaia 19:15

Ni sa kaya na Turaga o Jiova ni lewevuqa na nodra Kalou na Isireli. “Au na kauta mai ki na koro levu oqo kei na kena veikoro kece na i totogi au a tukuna ni'u na cakava baleta ni o ni sa rui yalo kaukauwa ka sega ni via rogoca na noqu vosa.”

Jeremaia 32:20

Ni a vakaraitaka na veivakatakilakila kei na veika veivakurabuitaki ena vanua o Ijipita kei na vanua o Isireli ena gauna oqo vei ira na mata tamata ka o ni a vakarogoya na yacamuni ka yacova mai na siga edaidai.

Jeremaia 33:9

O Jerusalemi ena vu ni noqu matanitu kecega e vuravura ni ra na rogoca na veika vinaka au na vakayacora vei ira na lewe i Jerusalemi, na toro cake kei na tiko sautu au a cakava ena koro.

Jeremaia 6:17

Au sa lesia eso me ra yadra, ka vakarogoca na domo ni davui. Ia era qai kaya, “Keimami na sega ni via vakarorogo.”

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:23

Ia au a vakaroti ira na gone me ra talairawarawa vei au, ka'u na qai nodra Kalou ka ra na qai yaco me ra noqu tamata. Au a tukuna vei ira me ra muria na veika au a vakarota vei ira me ra na tiko vinaka kina.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Emosi 3:1

Oi kemuni na Isireli, mo ni rogoca na vosa oqo sa tukuna o Jiova me baleti kemuni, na matanitu taucoko sara sa kauta mai o koya mai na vanua o Ijipita:

Luke 10:11

‘Ia na kuvu ni soso ni nomudou koro ka sa kabita mai na yava i keimami, sa keimami qusia laivi tale vei kemuni. Ia mo ni nanuma ga ni sa voleka sara vei kemuni na Matanitu ni Kalou!’

Vakarua 26:18

Edaidai sa ciqoma kina o Jiova na nomuni veivakadonui mo ni sa nona tamata digitaki, me vaka sa yalataka vei kemuni, ka mo ni talairawarawa ki na nona i vunau.

Vakarua 26:19

Ena vakayacori kemuni mo ni cecere mai vei ira na veimatanitu kecega sa vakatubura o koya, ka o ni na vakacerecerei koya, ka vakalagilagia na yacana. O ni na nona tamata vakatabui, me vaka na veika sa yalataka.”

Vakarua 4:7

“Sa sega tale ni dua na matanitu ka veitalia ga na kena levu me dua na nodra kalou me vakataki Jiova na noda Kalou, ni sa dau rogoci keda ena gauna kecega eda kere veivuke kina vua.

1 Pita 2:9

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.