Jeremaia 13:10 - Vakavakadewa Vou kei na iVola tale eso

¹⁰ Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Ai Vola Tabu (Vakadewa Makawa Vakavoutaki 2021)

¹⁰ Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina.

AI VOLA TABU

¹⁰ A tamata ca o qo, era bese ni rogoca na noqu vosa, era muria na kaukauwa ni lomadra, era muria talega na kalou tani, me qaravi ira, ka soro vei ira, era na vaka ga nai vau o qo, a ya sa sega e dua na ka e yaga kina:

Vakavakadewa Makawa

¹⁰ Ko ira na tamata ca oqo, era bese ni rogoca na noqu vosa, era muria na nodra yalokaukauwa era muria talega na kalou tani, me qaravi ira, ka soro vei ira, era na vaka ga nai vau oqo, sa sega e dua na ka e yaga kina:

Ai Vola Tabu Ena Vakavakadewa Vou

¹⁰ Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 13:10 Iomraidhean Croise

NA SAME 78:8

Me ra na kakua ni vakataki ira na nodra qase E dua na matatamata dauveisaqasaqa ka dautalaidredre, E sega ni dei na nodra vakabauta na Kalou Ka sega ni yalodina tikoga vua.

Dauvunau 11:9

Kemuni na cauravou ni marautaka na nomuni gauna ni cauravou. Mo reki ni o sa cauravou tiko ka cakava na ka o via cakava, ka vakamuria na gagadre ni lomamu. Ia mo nanuma tikoga ni na lewai iko na Kalou ena ka kecega o cakava.

Aisea 3:24

Ena vakaisosomitaki na ka boi vinaka ena ka bona Ena i sosomi ni beleti na dali, Ena i sosomi ni drau ni ulu bula vinaka na ulu cou, Ena i sosomi talega ni sulu balavu voli dredre na taga, Ka i sosomi ni rairai vinaka na madua.

Jeremaia 11:10

Era sa vakayacora tale na nodra i valavala ca na nodra qase, o ira era a sega ni via muria na noqu vosa. Era a cuva ki na veikalou tani ka qaravi ira. E rau sa voroka na veiyalayalati o Isireli kei Juta au a cakava kei ira na nodra qase.

Jeremaia 11:18

A qai vakaraitaka vei au o Jiova na buki vere era sa nakita tiko na kequ meca me baleti au.

Jeremaia 13:7

Ia au a qai lesu tale ki na uciwai na Uferetisi. Au la'ki vakaraica na vanua au a vunitaka kina na beleti ka kunea kina. Au sa raica ni sa ca sara ka sa na sega ni yaga tale ena dua na ka.

Jeremaia 16:12

Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 16:4

Era na mate ena veimate vakarerevaki. Ena sega e tagicaki ira ka ra na sega ni bulu. Era na vakamatei ena i valu, se mate ena viakana, ka me kedra kakana na manumanu vuka kei na manumanu kila na yagodra.”

Jeremaia 20:4

A sa kaya o Jiova, “Au na cakava mo vu ni rere vei iko vakataki iko, kei ira na wekamu, ia o na raica ni ra vakamatei kece ena i seleiwau mai vei ira na kedra meca. Au na soli ira kece sara na lewe i Juta vua na tui Papiloni; ena kauti ira vakabobula eso ki Papiloni, ka so era na vakamatei.

Jeremaia 22:21

A sa vosa vei iko o Jiova Ni o a tiko vinaka Ia o a qai bese ni vakarorogo. Oqo na veika o a dau cakava Mai na gauna o a sa gone kina; O a bese ni muria Na nona vosa o Jiova.

Jeremaia 23:17

Era tukuna tikoga vei ira na tamata era sega ni via rogoca na noqu vosa, ni na vinaka na veika kece ena yacovi ira, ka ra tukuna vei ira kece era dui muria ga na loma kaukauwa ni na sega na ka ca ena yacovi ira.

Jeremaia 3:17

Ia ni sa yaco mai na gauna ena vakatokai kina o Jerusalemi na i tikotiko vakaturaga ni Kalou ka ra na soqoni na veimatanitu kece sara e kea ena yacaqu. Era sa na sega tale ni muria na yalodra ca ka kaukauwa.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 44:16

Ena yaca ni Turaga, “Keimami sega ni via rogoca na ka o tukuna vei keimami se yalataka me keimami cakava.

Jeremaia 44:5

Ia o ni sega ni via rogoca se kauwaitaka. O ni sega ni via biuta na nomuni i tovo ca, na vakacaboisoro ki na veikalou tani.

Jeremaia 5:23

Ia o ira na tamata oqo era sa tamata loma qa ka yalo kaukauwa, era sa dauvuki ka lako tani.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:6

Me kakua na i valavala veivakaisini vei ira na vulagi, na luveniyali kei ira na yada. Me mudu na vakamatei ira na tamata yalo dodonu ena vanua tabu oqo. Me kakua talega na qarava na veikalou tani de'u na qai vakarusai kemuni.

Jeremaia 8:5

Kemuni na noqu tamata, a cava o ni sa gole tani kina; a cava o ni sa gole tani kina vakawasoma mai vei au? O ni sa taura matua na nomuni matakau, ka bese ni lesu mai vei au.

Jeremaia 9:13

A qai kaya o Jiova, “Sa yaco na ka oqo baleta ni ra sa biuta na noqu tamata na noqu i vunau au a solia vei ira. Era sa sega ni talairawarawa vei au se cakava na ka au tukuna vei ira me ra cakava.

Jeremaia 9:14

Era sa muria ga na lomadra ena yalo kaukauwa ka qaravi Peali me vaka era a vakavulici ira kina na nodra qase.”

Jeremaia 9:6

Era sa cakava veitarataravi Na i tovo kaukauwa, Ka cakava veitarataravi Na i tovo veivakaisini. Era vosa vinaka Vua na dui wekadra, Ia e loma Sa biriki kina e dua na dai Me baleti koya.

Tiko mai na Lekutu 14:11

A sa kaya vei Mosese o Jiova, “A cava tale beka na dede ni gauna era na besetaki au tikoga kina o ira na tamata oqo? A cava beka li na kena dede era na bese tikoga kina ni vakabauti au, ka dina ga ni'u sa kitaka oti e vuqa na veicakacaka mana ena kedra maliwa?

Cakacaka 7:51

“Ni yavu tamata yalo kaukauwa! Sa duatani na butobuto ni lomamuni kei na didivara ni daligamuni! O ni sa ucui ira vinaka sara ga na nomuni qase, ena nomuni dau vorata na Yalo Tabu!

Iperiu 12:25

Ni qarauna vinaka mo ni kakua ni besetaka na vakarorogo ki vua sa vosa tiko vei kemuni. O ira vakayadua sa besetaka me ra vakarorogo ki vua sa vakadewataka na i tukutuku vakalou e vuravura era sa sega ni dro bula rawa. O ni sa nanuma li ni rawa mo ni dro bula kevaka o ni bese ni talairawarawa vua sa vosa vei kemuni mai lomalagi?