Jeremaia 12:16 - Vakavakadewa Vou kei na iVola tale eso

¹⁶ Ia kevaka era na ciqoma na nodra vakabauta na noqu tamata ena yalodra taucoko, ka bubului, ‘Me vaka sa bula o Jiova’ me vaka na nodra a vakavulici ira na noqu tamata me ra bubului ki na yaca i Peali, era na qai wiliki vata kei ira na noqu tamata.

Ai Vola Tabu (Vakadewa Makawa Vakavoutaki 2021)

¹⁶ Ia kevaka era na gumatua ni vulica nai valavala ni noqu tamata, me ra bubului e na yacaqu, ‘Me vaka sa bula ko Jiova’, me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata.

AI VOLA TABU

¹⁶ Ia ena yaco, kevaka era na gumatua ni vulica nai valavala ni noqu tamata, me vosavavakini e na yacaqu, ka vaka, Sa bula ko Jiova; me vaka ni ra sa dauvakavulici ira na noqu tamata me vosavavakini vei Peali; era na qai vakatataki cake e na kedra maliwa na noqu tamata:

Vakavakadewa Makawa

¹⁶ Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Ai Vola Tabu Ena Vakavakadewa Vou

¹⁶ Ia kevaka era na ciqoma na nodra vakabauta na noqu tamata ena yalodra taucoko, ka bubului, ‘Me vaka sa bula ko Jiova’ me vaka na nodra a vakavulici ira na noqu tamata me ra bubului ki na yaca i Peali, era na qai wiliki vata kei ira na noqu tamata.

Jeremaia 12:16 Iomraidhean Croise

Sere i Solomoni 1:8

O sega beka li ni kila, o iko sa matavinaka vei ira kecega na yalewa? Mo muria na mawe ni yavadra na sipi, Ka vakani ira na nomu luve ni me Volekata na nodra valelaca na i vakatawanisipi.

Aisea 2:3

“Me da cabe cake ki na ulunivanua i Jiova Ki na Valenisoro ni nodra Kalou na Isireli. Me da vulica kina na ka sa vinakata me da cakava, Ka muria na gaunisala sa digitaka. Sa lako mai Jerusalemi na i vakavuvuli i Jiova Ka sa vosa mai Saioni vei ira na nona tamata.”

Aisea 42:6

“Oi au o Jiova, ka'u sa kacivi iko ena dua na i naki vinaka. Au a taura na ligamu ka maroroi iko. Ena vukumu au na cakava kina e dua na veiyalayalati Vata kei ira na tamata kecega, Ka kauta mai na rarama ki na veimatanitu kecega.

Aisea 45:23

Na veika kece au kaya ena yaco dina Ka na sega sara ni veisau. Au sa yalataka ga vakai au. Era na lako kece mai na tamata ka mai cuva vei au Ka yalataka me ra yalodina vei au.

Aisea 49:6

A sa kaya vei au o koya, “Sa tu vei au e dua na i tavi levu mo qarava na noqu dauveiqaravi O na sega wale ga ni vakasuka lesu tale mai Na nodra lagilagi na Isireli era sa bula tiko, Ia au na buli iko talega mo rarama ki na veimatanitu, Me na vakabulai kina na vuravura taucoko.”

Aisea 65:16

O koya yadua sa kerea Me vakalougatataki ena vanua oqo, Ena kerea me vakalougatataki koya Na Kalou sa dau yalodina. O koya yadua sa ia na bubului, Ena bubului ga ena yaca ni Kalou Yalodina. Na leqa ni veigauna sa oti ena takali yani Ka guilecavi sara yani.”

Jeremaia 16:19

Kemuni Jiova o ni sa taqomaki au ka vakaukauwataki au; o ni sa vukei au ena gauna ni leqa. Era sa lako mai vei kemuni na veimatanitu mai na i yalayala kei vuravura ka kaya, “E sega ni bau dina na ka e tu vei ira na neimami qase, na veikalou lasu ga, e sega ni bau dua na ka, na veimatakau tawa yaga.

Jeremaia 18:8

Ia e qai biuta na matanitu o ya na nona i tovo ca, au sa na veisautaka na lomaqu me baleta na ka au a tukuna me'u na cakava.

Jeremaia 3:17

Ia ni sa yaco mai na gauna ena vakatokai kina o Jerusalemi na i tikotiko vakaturaga ni Kalou ka ra na soqoni na veimatanitu kece sara e kea ena yacaqu. Era sa na sega tale ni muria na yalodra ca ka kaukauwa.

Jeremaia 4:2

Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Jeremaia 5:2

E dina ga o ni bubului Ena yaca i Jiova, O ni sa sega ni kauwaitaka Na ka o ni sa tukuna.

Jeremaia 5:7

A sa kaya o Jiova, “A cava me'u vosota kina Na nodra i valavala ca na noqu tamata? Era sa biuti au na luvedra, Ka ra bubului ki na veika sa sega ni kalou. Au a vakani ira na noqu tamata Me yacova ni ra sa mamau, Ia era sa ia na veibutakoci, Ka vakaotia na nodra gauna Vata kei ira na yalewa dautagane.

Jeremaia 6:16

A sa kaya o Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Sefanaia 1:5

Au na vakarusai koya ena cabe ki na delanivale me qarava na matanisiga, na vula, kei na veikalokalo. Au na vakarusai ira talega era sa dauqaravi au ka yalataka vei au na nodra yalodina, ia era sa qai vosa bubului tale ena yaca ni kalou o Moloke.

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”

Sakaraia 2:11

Era na qai lako mai vei Jiova na veimatanitu ena gauna o ya ka ra yaco me ra nona tamata. Ena bula o koya ena kemuni maliwa, ka o ni na kila ni sa talai au mai o koya kivei kemuni.

Roma 11:17

A sa musuki laivi mai na vuni olive sa teivaki eso na tabana, ka sa semati yani kina na taba ni olive ni veikau. Oi kemuni na kai matanitu tani sa vaka na taba ni olive ni veikau oqo, ka o ni sa vakaivotavota talega ena nodra bula vakayalo qaqa na Jiu.

Roma 14:11

Ni sa kaya na i Vola Tabu, “Me vaka ni'u sa bula tiko, sa kaya na Turaga, Ena tekiduru e mataqu na tamata kecega, Ka ra na vakatusa ni'u sa Kalou oi au.”

1 Korinica 3:9

Ni da sa dau cakacaka vata kei na Kalou, ka o ni sa nona i teitei na Kalou. O ni sa vale ni Kalou vakakina.

Josua 23:7

O ni na qai sega ni veilasamaki vata kei ira na tamata tani ka ra sa vo tiko vei kemuni, se cavuta na yaca ni nodra veikalou, ka bubului kina, se qaravi ira, se cuva sobu vei ira.

Ruci 3:13

Mo tiko mada e ke ena vo ni bogi oqo, ka me qai kilai ni mataka se sa na rawa ni qaravi iko na wekamu voleka o ya se sega, ia kevaka e vaka kina, sa daumaka; ia ke mani sega, au sa na bubuluitaka ena mata i Jiova na Kalou bula ni sa noqu i tavi me'u qaravi iko: ia mo tei moce tale mada.”