Jeremaia 12:12 - Vakavakadewa Vou kei na iVola tale eso

¹² Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Ai Vola Tabu (Vakadewa Makawa Vakavoutaki 2021)

¹² Era sa lako mai ki na veitikina cecere kecega ni vanua dravuisiga ko ira na dauvakacaca; ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua; ena sega e dua na tamata me tiko vakacegu.

AI VOLA TABU

¹² ki na veitikina cecere kecega mai veikau era sa mai lako kina na dauvakacaca: ia nai seleiwau i Jiova sa kanakana voli mai nai yalayala ni vanua ki nai yalayala ni vanua: ena sega na vakacegu vua e dua na tamata.

Vakavakadewa Makawa

¹² era sa lako mai ki na veitikina cecere kecega mai veikau ko ira na dauvakacaca: ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua: ena sega e dua na tamata me vakacegu.

Ai Vola Tabu Ena Vakavakadewa Vou

¹² Era sa lako mai na dauveivakarusai Mai na veidelana dravuisiga kece. Au sa tala na i valu Me vakarusa na vanua taucoko Ka na sega sara e dua na tamata Me bula vakacegu tikoga.

Jeremaia 12:12 Iomraidhean Croise

Aisea 34:6

Ena ubia na nona i seleiwau na nodra dra kei na uro, Me vaka na dra kei na uro ni sipi kei na me e vakacabori, Sa na vakacabora e dua na i soro o Jiova mai Pasara, Ena cakava na ka oqo Me dua na moku levu mai na vanua o Itomi.

Aisea 57:21

“Sa sega na vakacegu vua sai valavala ca,” Sa kaya o Jiova.

Jeremaia 15:2

Kevaka e tarogi vei iko na vanua me ra lako kina, tukuna vei ira ni'u a sa tukuna oti. Eso era na mate ena mate veitauvi Ka o ya na vanua era na lako kina! Eso tale era na mate ena i valu Ka o ya na vanua era na lako kina! Eso era na mate ena viakana, Ka o ya na vanua era na lako kina! Eso tale ena kau vakabobula Ka o ya na vanua era na lako kina.

Jeremaia 16:5

A sa kaya o Jiova, ‘Mo kakua ni curu ki na dua na vale e caka tiko kina na tagi. Kakua ni tagicaka e dua na tamata, se ia na veivakacegui. Au na sega tale ni vakalougatataki ira ena tiko sautu, se vakaraitaka vei ira na loloma kei na yalo loloma, sa kaya o Jiova.

Jeremaia 25:11

Na vanua taucoko oqo ena rusa ka lala tu. Era na la'ki qaravi tui Papiloni na veimatanitu oqo me vitusagavulu na yabaki.

Jeremaia 3:2

Rai cake mada ki na veidelana. E sega li ni dua na vanua o a sega ni vakayacora kina na i valavala sa vaka na yalewa dautagane? Ni o dau waraki ira o domona ena bati ni gaunisala, me vaka e dua na kai Arapea ena vanua dravuisiga. O sa vakadukadukalitaka na vanua ena nomu i tovo ca ni dautagane.

Jeremaia 3:21

E dua na domo sa rogo ena veidelana; Na domo ni nodra tagi Kei na vakamamasu na Isireli, Baleta ni ra sa kitaka na i valavala ca, Ka guilecavi Jiova na nodra Kalou.

Jeremaia 30:5

“Au sa rogoca e dua na tagi ni domobula, E dua na tagi ni rere ka sega ni tagi ni sautu.

Jeremaia 34:17

O koya oqo a kaya tale kina o Jiova, “O ni sa sega ni solia vei ira na nomuni tokani Iperiu me ra galala. Sa vinaka, au sa na solia vei kemuni na galala; na galala mo ni mate ena i valu, mate ca kei na viakana. Au na cakava me ra rere na veimatanitu kecega e vuravura ena ka kecega au na cakava vei kemuni.

Jeremaia 4:27

A sa kaya o Jiova, “Ena lala na vuravura taucoko Ia ena sega ni vakarusa taucoko sara vakadua.”

Jeremaia 46:10

Sa i koya oqo na siga ni Turaga Na Kalou Kaukauwa: Edaidai sa na saumi kina, Edaidai sa na totogitaki ira kina na kena meca. Na nona i seleiwau Sa na tilomi ira me yacova ni sa sinai Ka gunuva na nona dra me yacova ni sa mamau; Ni sa vakacabora o Jiova na kena meca ena vualiku, Mai na bati ni uciwai na Uferetisi.

Jeremaia 47:6

O iko na i Seleiwau ni Turaga! A cava na kena dede o na qai galu? Lesu tale ki na kemu taga, La'ki tiko kina ka vakacegu!

Jeremaia 48:2

sa takali na lagilagi kei Moapi. Era sa bukivere na meca mai Esiponi, ‘Me da vakarusa na matanitu o Moapi.’ Ena vagalui na koro o Tiponi; Era na vakasavi iko ena i valu.

Jeremaia 8:15

Eda nuitaka na sautu, ia sa sega ni yaco mai e dua na ka vinaka; me dua na gauna ni veivakabulai, ia sa kena i sosomi na rere.

Lele i Jeremaia 3:17

Sa yali e lomaqu na vakacegu; Ka'u sa sega ni kila se na cava na marau.

Isikeli 14:17

“Ia kevaka ka'u sa vakayacora ki na vanua na i seleiwau, ka kaya, Laiva na i seleiwau me lako voli yani ki na loma ni vanua; ka me'u muduka tani mai kina na tamata kei na manumanu;

Isikeli 21:28

“Ia o iko, na luve ni tamata, mo ia na parofisai, ka kaya, Sa kaya vakaoqo na Kalou o Jiova ena vukudra na Amoni kei na nodra vunauci; ka kaya, Sa ucu mai na kena taga na i seleiwau, Io, na i seleiwau me ia kina na veivakamatei. Sa masiraki vinaka me makumakualiliva Ka me tatibi me vaka na livaliva.

Isikeli 21:4

Ena vuku ni noqu a muduki ira vata na yalo dodonu kei ira na tamata ca: ia ni vaka tu oqo, ena ucu kina na noqu i seleiwau mai na kena taga me taya na tamata kecega vaka ki na ceva ka vaka talega kina ki na vualiku;

Isikeli 21:8

A yaco tale vei au na vosa i Jiova, ka vaka:

Isikeli 21:9

“Luve ni tamata, mo parofisai mada ka kaya, ‘Sa vosa vakaoqo o Jiova, mo kaya: A i seleiwau, a i seleiwau sa vagatari tu ka sa vakacalivataki vinaka.

Isikeli 5:2

E dua na kena i katolu mo vakama ena bukawaqa e lomadonu ni koro, ni sa cava na siga ni buku na druadrua. E dua tale na kena i katolu mo taura ka musumusuka ena i seleiwau vakavolivolita na koro. E dua tale na kena i katolu mo qai veibiuyaka ki na mata ni cagi, ia ka'u na ucuna na i seleiwau me muri ira.

Vunau ni Soro 26:33

Au na vakavuna mo ni valuti ka vakasavi kemuni tani yani ki na kedra maliwa na veimatanitu; ia na nomuni vanua ena dravuisiga mai, ka na lala na nomuni veikoro.

Emosi 9:4

Kevaka me ra kau vakabobula vei ira na kedra meca, au na vakarota me ra vakamatei. Au sa vakadeitaka me'u vakarusai ira, ka sega ni vukei ira.”

Sefanaia 2:12

Ena vakamatei ira talega na kai Eciopea o Jiova.

Vakarua 32:42

Na noqu gasau ni dakaititi ena tuturu mai kina na nodra dra kei na noqu i seleiwau ena vakamatei ira kece sa saqati au. Au na sega ni vakabula e dua sa valuti au; o ira mada ga sa mavoa kei na kaivesu era na mate.’

Vakatakila 6:4

A sa qai lako tale mai e dua tale na ose, e roka damudamu. A sa soli vei koya e vodoka tiko me kauta tani mai vuravura na sautu, me ra veivakamatei kina vakai ira na tamata. A sa soli vua na i seleiwau levu.