Jeremaia 12:11 - Vakavakadewa Vou kei na iVola tale eso

¹¹ Era sa cakava na vanua me tawa yaga; Sa davo vakaloloma koto e mataqu. Sa yaco na vanua taucoko me vanua dravuisiga, Ka sega ni dua me kauwaitaka.

Ai Vola Tabu (Vakadewa Makawa Vakavoutaki 2021)

¹¹ Era sa cakava me tikina rusa; ia ni sa lala, sa tagi mai vei au. Sa lala mai na vanua taucoko, ni sa sega na tamata sa nanuma kina.

AI VOLA TABU

¹¹ era sa cakava me tikina rusa, ia ni sa lala, sa tagi mai vei au; sa lala mai na vanua taucoko, ni sa sega na tamata sa vakasara ki lomana:

Vakavakadewa Makawa

¹¹ era sa cakava me tikina rusa, ia ni sa lala, sa tagi mai vei au; sa lala mai na vanua taucoko, ni sa sega na tamata sa nanuma kina:

Ai Vola Tabu Ena Vakavakadewa Vou

¹¹ Era sa cakava na vanua me tawa yaga; Sa davo vakaloloma koto e mataqu. Sa yaco na vanua taucoko me vanua dravuisiga, Ka sega ni dua me kauwaitaka.

Jeremaia 12:11 Iomraidhean Croise

Dauvunau 7:2

Sa uasivi cake me da lako ki na dua na vale e caka tiko kina na vakaloloku, mai na vale e caka tiko kina na kana magiti baleta ni na rawa me ra vakasamataka kina na tamata era bula tiko ni sa waraki keda kece tu ga na mate.

Aisea 42:25

Ia sa cakava me da kila na kaukauwa ni nona cudru, Kei na katakata ni nona i valu. A sa waqa na nona cudru Me vaka na buka sa roboti Isireli. Ia eda a sega ga ni kila na ka e yaco tiko; Sa sega sara ni vulica rawa kina e dua na ka.

Aisea 57:1

Era sa mate na tamata yalosavasava Ka sa sega ni bau dua me kauwaitaki ira. Era sa kau tani na tamata yalodina Ka sa sega ni bau dua e kauwai kina. Era sa kau tani yani na tamata yalosavasava ni ra sa mate Ka sa na sega ni yacovi ira rawa tale e dua na leqa.

Jeremaia 10:22

Ni rogoca! E dua na rorogo sa lako tiko mai Sa dua na matanitu mai cake, Vaka ki na vualiku. Na kena mataivalu ena vakavuna Na veikoro e Juta me vanua lala, Ka me nodra i tikotiko na koli.

Jeremaia 10:25

Ni sovaraka na nomuni cudru Ki na veimatanitu Sa sega ni cuva vei kemuni, Kei ira sa sega ni ciqomi kemuni. Era sa vakamatei ira na nomuni tamata; Era sa vakarusai keimami vakadua sara Ka vakaleqa vakadua na neimami vanua.”

Jeremaia 14:2

“Sa ra ia na tagi yaso na Juta, Era sa mate na kena veikoro, Era sa davo ena qele na lewena ena rarawa; Ka sa tagica yani na veivuke o Jerusalemi.

Jeremaia 19:8

Au na kauta mai e dua na veivakarusai vakarerevaki ena koro oqo, ka ra na kurabui ka kidacala o ira kecega era curu kina.

Jeremaia 23:10

Sa sinai na vanua Vei ira na tamata sega ni yalodina vei Jiova; Era sa vakayacora na veika ca, Ka vakayagataka cala na nodra kaukauwa. Sa tagi na vanua baleta na cudru ni Turaga Ka sa malai sara mai na veico.

Jeremaia 25:11

Na vanua taucoko oqo ena rusa ka lala tu. Era na la'ki qaravi tui Papiloni na veimatanitu oqo me vitusagavulu na yabaki.

Jeremaia 4:20

Sa yaco veitarataravi na veika ca Ka sa rusa vakadua na vanua taucoko. Sa vakacacani vakasauri Na noqu valelaca, Ka kakadresudresu vakamatailalai Na kena i latilati.

Jeremaia 4:27

A sa kaya o Jiova, “Ena lala na vuravura taucoko Ia ena sega ni vakarusa taucoko sara vakadua.”

Jeremaia 4:28

“Ena tagi yaso na vuravura, Ka na loaloa mai na lomalagi” Sa i Jiova ga sa kaya vakaoqo. Ena sega ni veisautaki na lomana Sa vakatauca oti na nona lewa, Ka na sega ni veisautaka tale.

Jeremaia 6:8

Ni rogoca mada na i vakasala na lewe i Jerusalemi, de'u na qai biuti kemuni; Au na vukica nomuni koro me dua na vanua dravuisiga, ka na sega e dua e bula rawa kina.”

Jeremaia 9:10

A sa kaya o Jeremaia, “Au na tagicaka na veiulunivanua, Ka tagicaka na veico; Baleta ni ra sa dravuisiga, Ka sega me lako ena kedra maliwa. Sa sega ni bau rogo kina Na domo ni bulumakau; Era sa dro ga ka lako Na manumanu vuka kei ira na ka kila.”

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Jeremaia 9:9

Me'u kakua li ni totogitaki ira Ena ka oqo? Me'u kakua li ni sauma lesu Ki na dua na vanua vakaoqo, Na nodra i valavala ca? Oi au, o Jiova, ka'u sa kaya oqo.”

Joeli 1:10

Sa dravuisiga na veivanua, Sa tagi ni vakaloloku na qele Baleta ni sa vakacacani na sila. Sa mamaca vakadua na waini, Ka sa malai na vuniolive.

Vunau ni Soro 26:32

Au na vaqeyavutaka na vanua, ka ra na kurabui kina na kemuni meca ka na la'ki tiko kina.

Sakaraia 7:5

A sa kaya o koya, “Mo tukuna vei ira na lewenivanua kei ira na bete ni sa sega ni'u dau vakarokorokotaki oi au ena nodra a daulolo ka vakaloloku ena i kalima kei na i kavitu ni vula ena vitusagavulu na yabaki sa oti.

Malakai 2:2

E dodonu mo ni dau vakarokorokotaki au ena veika o ni sa vakayacora. Kevaka o ni sa sega ni vakarorogo ki na veika au sa tukuna, au na cudruvi kemuni. Au na vagolea na noqu cudru ki na veika o ni sa dau vakararavi kina. Ia na kena dina, o ya ni'u sa cudruva oti na veika oqori, baleta ni o ni sa dau taura tu ga vakamamada na noqu i vakaro.

Roma 8:22

Eda sa kila tu me yacova mai na gauna oqo ni ra sa vutugu kece tu na veika buli ena rarawa, io me vaka na rarawa ni vakasucu gone.