Jeremaia 12:1 - Vakavakadewa Vou kei na iVola tale eso

¹ Kemuni na Turaga Kevaka au veileti kei kemuni, O ni sa dodonu ga. Ia sa dodonu me'u tarogi kemuni mada ga Baleta na lewa dodonu. A cava era toso cake kina na tamata ca? A cava era tiko vinaka kina na dauveivakaisini?

Ai Vola Tabu (Vakadewa Makawa Vakavoutaki 2021)

¹ Sa yalododonu koi kemuni, Jiova, ni daru sa veilewai kei kemuni; ia me'u vosa mada vei kemuni e na vuku ni nomuni lewa. A cava era sa dauyaco kina ko ira na tamata ca, ka sa tiko vinaka ko ira kecega era ia vakalevu na veivakaisini?

AI VOLA TABU

¹ SA yalododonu ko iko, Jiova, ni dara sa veilewai kei iko: ia meʼu vosa mada vei iko e na vuku ni nomu lewa: A nodrai valavala na tamata ca, a cava sa dauyaco kina, ka ra tiko vinaka kecega era ia vakalevu na veivakaisini?

Vakavakadewa Makawa

¹ Sa yalododonu koi kemuni, Jiova, ni daru sa veilewai kei kemuni: ia me'u vosa mada vei kemuni e na vuku ni nomuni lewa: A cava era sa dauyaco kina ko ira na tamata ca, ka sa tiko vinaka ko ira kecega era ia vakalevu na veivakaisini?

Ai Vola Tabu Ena Vakavakadewa Vou

¹ Kemuni na Turaga Kevaka au veileti kei kemuni, O ni sa dodonu ga. Ia sa dodonu me'u tarogi kemuni mada ga Baleta na lewa dodonu. A cava era toso cake kina na tamata ca? A cava era tiko vinaka kina na dauveivakaisini?

Jeremaia 12:1 Iomraidhean Croise

Vakatekivu 18:25

Ena sega ni rawa mo ni vakarusai ira na yalododonu vata kei ira na i valavala ca; o ni na sega sara ni cakava rawa na ka o ya. Me ra rusa vata li na yalododonu kei na i valavala ca? Ena sega li ni vakadavora vakadodonu na nona lewa o Koya sa lewai vuravura taucoko?”

Esera 9:15

Kemuni Jiova, na Kalou ni Isireli, o ni sa rui yalododonu. Ia sai keimami oqo na vo-ni-bula, ni o ni sa ia ga na veivakabulai. Keimami sa kerea na nomuni veivosoti ena vuku ni neimami cala, ni sa sega sara ni kilikili kei keimami me keimami tu e matamuni.”

Niemaia 9:33

O ni sa dodonu ena veika kece sara a yaco oti vei keimami baleta ni o ni a vakayaco ka ena yalodina; ia o keimami ga keimami sai valavala dukadukali.

Jope 12:6

Ia o ira na daubutako kei ira na lecava na Kalou Era tu vinaka sara tu ga, Ka nodra kalou duadua wale sara ga na nodra kaukauwa.

Jope 13:3

Sa gadreva na yaloqu me'u vosa vei Koya sa Kaukauwa, Ka veiletitaka na noqu kisi kei na Kalou.

Jope 24:12

Ena voqa mai loma ni koro na nodra tagi na mavoa kei ira era sa vakarau ciba, Ia na Kalou sa sega ni malele ki na nodra masu.

Jope 24:23

Na Kalou ena rawa ni vakalaivi koya me tiko vinaka mada ka bula sautu, Ia sa wanonova matua ga na veika era cakava.

Jope 8:17

Na wakana talega era sa tete, Ka ra salava na veivatu e loma ni qele.

NA SAME 116:5

Sa yalololoma ka yalovinaka o Jiova; Sa sinai ena yalololoma na noda Kalou.

NA SAME 119:137

I Jiova, o ni sa yalododonu ga, Ka sa dodonu na nomuni vakataulewa.

NA SAME 119:75

Au sa kila, i Jiova, ni sa dodonu na nomuni lewa, Ka o ni sa totogitaki au ena vuku ni nomuni yalodina.

NA SAME 145:17

Sa dodonu o Jiova ena ka kecega e cakava, Ka yalololoma ena nona cakacaka kecega.

NA SAME 37:1

Kakua ni taqaya ena vukudra na tamata ca; Kakua ni vuvutaki ira era daucaka cala;

NA SAME 37:35

Au a dau kila e dua na tamata ca ka i tovo kaukauwa sara, Sa tubu sivisiviti ira kecega me vaka na sitari mai Lepanoni.

NA SAME 51:4

Au sai valavala ca vei kemuni, vei kemuni taudua ga, Ka vakayacora na veika e cala vei kemuni. Sa i koya o ni sa dodonu kina mo ni veilewaitaki au; Ka dodonu talega na nomuni lewa.

NA SAME 51:6

Na ka o ni vinakata sai koya na yalodina kei na cakacaka vakadodonu; Mo ni qai vakasinaita sara au ena yalomatua.

NA SAME 92:7

Era na tubu na tamata ca me vaka na co, Ka toso cake na nodra rawa-ka na tamata i valavala ca; Ia era na qai vakarusai kece vakadua,

Vosavakaibalebale 1:32

Era na mate na tamata ni ra besetaka na yalomatua, ni ra sa vakadonui ira vakai ira ga.

Dauvunau 8:14

Ia sa sega na kena yaga na ka oqo. Raica mada na ka sa yaco tiko e vuravura: ena so na gauna sa tau vei ira na yalododonu na nodra i totogi na tamata ca ka soli na tamata yalododonu. Au sa kaya ni sa sega sara ga na kena yaga.

Aisea 41:21

A sa kaya o Jiova, na nodra tui na Isireli, “Kemuni na kalou ni veimatanitu, Ni vakaraitaka mai na nomuni tukutuku. Ni kauta mai na i le vinaka duadua e tu vei kemuni.

Aisea 48:8

Au sa kila ni o ni na sega ni rawa ni vakadinati, Me tekivu ni o ni a gone O ni a kilai tu me dua na dauveisaqasaqa. Sa i koya oqori na vuna o ni sega ni bau rogoca kina na ka oqo, Se bau rogoca e dua na kena i tukutuku.

Jeremaia 11:20

A qai masu o Jeremaia, “Oi kemuni Jiova ni lewevuqa, kemuni na Turaga ni lewa dodonu; o ni sa dau vakatovolea na lomadra kei na nodra vakasama na tamata. Me'u raica mada ni o ni sa cudruvaki au vei ira na tamata oqo, baleta ni'u sa laiva na noqu bula ki na ligamuni.

Jeremaia 12:6

O ira sara mada ga na tacimu Kei na lewe ni nomu vuvale Era sa cakitaki iko, Era sa wili talega Me ra saqati iko Kakua sara ni vakadinati ira, Veitalia ga Kevaka era vosa vakavinaka vei iko.”

Jeremaia 3:20

Ia me vaka na nona sega ni yalodina E dua na yalewa vakawati, O sa sega ni yalodina vakakina vei au.” Sa kaya ga o Jiova.

Jeremaia 3:7

Au nanuma, ni sa oti na nona cakava na ka kece oqo, sa na lesu dina mai vei au! Ia, sa sega ni lesu mai, ka sa raica na tacina sega ni yalodina o Juta na ka oqo.

Jeremaia 32:16

Ni'u sa solia oti na i vola vakadinadina ni veivoli vei Baruki na luve i Neria, au a mai masu yani.

Jeremaia 5:11

O ira na Isireli kei ira na Juta Era sa cakitaki au vakadua sara ga.” A sa kaya ga oqo o Jiova.

Jeremaia 9:2

Au diva Me dua na vanua Me'u tiko kina Ena vanua dravuisiga Me rawa ni'u lako tani kina Mai vei ira na kai noqu. Era sa sega kecega ni yalodina, E dua na i vavakoso dauveivakaisini.

Lele i Jeremaia 1:18

Sa dodonu tikoga o Jiova, Ni'u sa vuki tani oi au mai na nona vosa; Ia mo ni rogoca na tamata kecega, Ni raica mada na noqu veika rarawa; O ira na noqu goneyalewa kei na cauravou Era sa kau vakabobula.

Isikeli 18:25

“Ia, o ni kaya, ‘Sa sega ni dodonu na lewa i Jiova.’ Ni rogoca mada, oi kemuni na mataqali i Isireli: Sa sega li ni dodonu na noqu lewa?

Taniela 9:14

Oi kemuni, Turaga na neimami Kalou, o ni sa vakarau tu mo ni vakanakuitataki keimami, ka o ni sa vakayacora sara talega, baleta na veika kecega o ni vakayacora sa dodonu; oi keimami ga keimami sega ni vakarorogo vei kemuni.

Taniela 9:7

Oi kemuni na Turaga, o ni sa yalo dodonu, ia oi keimami ga keimami sa dau cakava na ka ni veivakamaduataki ka vaka talega kina o ira era tiko mai Juta kei Jerusalemi, kei ira kecega na Isireli o ni a vakasavi ira me ra talabusese ki na veivanua voleka kei na veivanua yawa ena vuku ni nodra gole tani mai vei kemuni.

Osea 6:7

“Ia ena gauna ga era sa curuma kina na vanua mai Atama, era a qai voroka tale na veiyalayalati ka'u a vakayacora kei ira mai kea.

Apakuki 1:4

Sa malumalumu na lawa ka sa sega na betena. Sa sega ni vakayacori na lewa dodonu. Sa vakavevei na dodonu, ka ra sa vakamalumalumutaki ira na tamata vinaka o ira na tamata ca.

Sefanaia 3:5

Ia sa tiko ga ena loma ni koro o Jiova; sa vakayacora ga o koya na veika dodonu ka sega sara na ka e ca. A sa dau tauca ga na lewa dodonu vei ira na nona tamata ena veimataka kece sara ka sega ni dua na siga me lutu. Ia, o ira na tamata tawa dodonu mai kea era sa ia tikoga na caka cala ka sega ni maduataka.

Malakai 2:17

O ni sa vakaocai Jiova ga ena veika o ni sa dautukuna. Ia o ni a taroga ga, “Keimami sa vakaocai koya vakacava?” O ni sa vakaocai koya ga ena nomuni sa kaya vakaoqo, “Sa nanuma ga o Jiova ni lewevuqa ni ra sa vinaka kecega na tamata i valavala ca; io, sa dau vinakati ira sara talega o koya.” Se ni o ni sa dautaroga, “Sa evei na Kalou ka sa dodonu me daulewa vakadodonu?”

Malakai 3:15

Me vaka eda sa raica tiko oqo, o ira na tamata dokadoka sai ira ga ka sa dau marau voli. Io, sa sega wale ga ni toso vinaka tale tikoga na nodra bula na tamata ca, ia era sa dau vakatovolea ga na yalovinaka i Jiova mai na nodra i tovo ca, ka ra sa sega ni bau cudruvi kina.’ ”

Vakarua 32:4

“Sa nomuni i sasabai kaukauwa o Jiova, ka sa uasivi sara ka dodonu na nona sala kecega; Sa yalodina ka dauvosa vakadodonu na nomuni Kalou, ka sa vakayacora na cakacaka dodonu ka savasava.