Jeremaia 11:8 - Vakavakadewa Vou kei na iVola tale eso

⁸ Ia era sa sega ni rogoca se muria. Era sa dui muria ga na yalodra kaukauwa. O koya oqo au sa kauta mai kina vei ira na veitotogi kece sara e vakamacalataki kina.”

Ai Vola Tabu (Vakadewa Makawa Vakavoutaki 2021)

⁸ Ia era sa sega ni vakarorogo, se vakatu daligadra, ka ra sa dui muria kecega na nodra yalokaukauwa. O koya oqo ka'u na vakayacora kina vei ira na vosa kecega ni veiyalayalati oqo, ka'u a vakarota vei ira me ra cakava, ia era sa sega ni muria.”

AI VOLA TABU

⁸ A ra sa sega ni vakarorogo, se vakatu daligadra, era sa dui muria kecega na kaukauwa ni lomadra ca: o koya o qo kaʼu na vakayacora kina vei ira na vosa kecega ni veiyalayalati o qo, a ya kaʼu a vakarota rei ira me cakava; a ra sa sega ni cakava.

Vakavakadewa Makawa

⁸ A ra sa sega ni vakarorogo, se vakatu daligadra, era sa dui muria kecega na nodra yalokaukauwa: o koya oqo ka'u na vakayacora kina vei ira na vosa kecega ni veiyalayalati oqo, ka'u a vakarota vei ira me ra cakava; ka ra sa sega ni muria.

Ai Vola Tabu Ena Vakavakadewa Vou

⁸ Ia era sa sega ni rogoca se muria. Era sa dui muria ga na yalodra kaukauwa. O koya oqo au sa kauta mai kina vei ira na veitotogi kece sara e vakamacalataki kina.”

Jeremaia 11:8 Iomraidhean Croise

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

Niemaia 9:29

O ni a qai vakasalataki ira tale me rawa kina ni ra vakalesui ki na nomuni Lawa. Ia era a viavialevu ga ka sega ni talairawarawa ki na nomuni vakaro ka ra i valavala ca tikoga ki na nomuni lawa - o koya ena bula kina na tamata ke muria vakadodonu. Era a vakaduduile tikoga ka vakadomoqataki ira ka sega sara ni bau talairawarawa.

Jeremaia 13:10

Na noqu vosa era sa bese ni muria na tamata ca oqo era sa muria ga na yalodra kaukauwa; era sa muri ira na veikalou tani me ra sokalou kina ka qaravi ira. O koya oqo era sa na vakakina na beleti oqo, sa na sega ni yaga ena dua na ka.

Jeremaia 3:17

Ia ni sa yaco mai na gauna ena vakatokai kina o Jerusalemi na i tikotiko vakaturaga ni Kalou ka ra na soqoni na veimatanitu kece sara e kea ena yacaqu. Era sa na sega tale ni muria na yalodra ca ka kaukauwa.

Jeremaia 31:32

Ena sega ni vakakina na veiyalayalati au a cakava kei ira na nodra qase ena gauna au a kauti ira tani kina mai Ijipita, e dua na veiyalayalati era a voroka, ka dina ga ni'u a watidra tagane.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 34:14

Ni oti e yavitu na yabaki me ra qai sereki ira na Iperiu yadua e a volitaki vei ira ka qaravi ira ena ono na yabaki. Ia era a sega ni vakarorogo vei au na nomuni qase se muria na noqu vosa.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 35:17

Sa i koya oqo a kaya kina na Turaga Qaqa na nodra Kalou na Isireli, ‘Au sa na kauta mai vei kemuni na lewe i Juta kei Jerusalemi na veivakarusai au a yalataka. Au na cakava na ka oqo baleta ni o ni bese ni vakarorogo ena gauna au a vosa kina vei kemuni, ka bese ni rogo mai ni'u kacivi kemuni.”

Jeremaia 38:20

A qai kaya o Jeremaia, “O ni na sega ni soli vei ira. Au vakamasuti kemuni mo ni muria na vosa i Jiova me vaka au a tukuna oti vei kemuni; ena qai lako vakavinaka na veika kece vei kemuni ka na maroroi na nomuni bula.

Jeremaia 44:16

Ena yaca ni Turaga, “Keimami sega ni via rogoca na ka o tukuna vei keimami se yalataka me keimami cakava.

Jeremaia 44:17

Keimami na vakacaboisoro ki na kalou yalewa ka vakatokai na radini lomalagi ka sova na i soro liviraki vua, me vaka keimami a dau cakava kei ira na neimami qase, ira na neimami tui, ira na neimami i liuliu mai na veikoro e Juta kei na veigaunisala mai Jerusalemi. Ia keimami a sautu kina ena kakana, tiko vinaka ka sega na leqa.

Jeremaia 44:5

Ia o ni sega ni via rogoca se kauwaitaka. O ni sega ni via biuta na nomuni i tovo ca, na vakacaboisoro ki na veikalou tani.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Jeremaia 7:24

Ia era a sega ni talairawarawa se vakarogorogo kina. Era sa vakamuria ga na veika e gadreva na yalodra domoqa me ra cakava, era sa qai toro sobu ga kina ka ra sega ni bau vinaka cake.

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Isikeli 20:8

Ia era sa talaidredre vei au, ka bese ni vakarorogo vei au; era sa sega ni dui biuta tani na tamata kece, na veika vakasisila ka raica na matadra, se me ra biuta na matakau ni Ijipita. Ia au qai nanuma me'u na sovaraka na noqu cudru vei ira, me'u na vakayacora na noqu cudru vei ira ena loma ni vanua o Ijipita.

Sakaraia 1:4

Ni kakua sara ni vakataki ira na nomuni qase e liu. Era a solia vei ira na noqu i tukutuku o ira na parofita era a bula tu ena gauna makawa sara, ka tukuni kina vei ira me ra sa kakua soti ni bula voli ena i valavala ca. Ia era a sega ni vakarorogo se ra talairawarawa vei au.

Sakaraia 7:11

“Ia era sa bese ga ni via vakarorogo na noqu tamata. Era a sogota ga na yalodra