Jeremaia 11:7 - Vakavakadewa Vou kei na iVola tale eso

⁷ Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Ai Vola Tabu (Vakadewa Makawa Vakavoutaki 2021)

⁷ Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

AI VOLA TABU

⁷ Niʼu a vakadinadina sara vei ira na nomudou qase e na siga kaʼu a kauti ira cake kina mai na vanua ko Ijipita, ka yacova na siga o qo, kaʼu sa sou e na sabogibogi ka vakadinadina, ka kaya, Dou vakarogoca na domoqu.

Vakavakadewa Makawa

⁷ Ni'u a vakadreta sara vei ira na nomudou qase e na siga ka'u a kauti ira cake kina mai na vanua ko Ijipita, ka yacova na siga oqo, ka'u sa sou e na mataka ka vakadreta ka kaya, Dou vakarogoca na noqu vosa.

Ai Vola Tabu Ena Vakavakadewa Vou

⁷ Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 11:7 Iomraidhean Croise

2 Tui 17:13

A sa talai ira yani na nona tamata kei na parofita o Jiova me ra vakaroti ira na Isireli kei ira na Juta matua, ni a kaya, “Mo ni gole tani mai na nomuni valavala ca, ka vakabauta na noqu i vunau kei na noqu i lesilesi, me vaka na vunau kece ka'u a vakarota vei ira na nomuni qase, ka'u a tukuna tale vei kemuni ena gusudra na parofita na noqu tamata.”

2 Veigauna 36:15

A talatala vagumatua vei ira o Jiova, na Kalou ni nodra qase, baleta ni a yalo loloma vei ira na nona tamata o koya, kei na vanua a dau tiko kina;

Lako Yani 15:26

A sa kaya, “Kevaka o ni na vakarorogo vakavinaka vei Jiova na nomuni Kalou, ka cakava na ka e dodonu e matana, ka vakayacora na nona i vunau ka muria na nona i vakaro, au na sega ni totogitaki kemuni ena mate ca au a vakatauva vei ira na kai Ijipita; Ni sai au o Jiova rafa.”

Jeremaia 11:4

O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Jeremaia 25:3

Ena loma ni ruasagavulu katolu na yabaki, mai na i katini katolu ni yabaki sa tui kina e Juta o Josaia na luve i Amoni me yacova na siga edaidai e a vosa kina vei au o Jiova, ka'u sa ia tikoga na tukuna vei kemuni na nona vosa. Ia o ni a sega sara ni bau kauwaitaka.

Jeremaia 25:4

O ni sega ni via vakarorogo se kauwaitaka, veitalia ga na nona talai ira mai vei kemuni na nona parofita na Turaga.

Jeremaia 31:32

Ena sega ni vakakina na veiyalayalati au a cakava kei ira na nodra qase ena gauna au a kauti ira tani kina mai Ijipita, e dua na veiyalayalati era a voroka, ka dina ga ni'u a watidra tagane.

Jeremaia 32:23

Ia ni ra sa lako mai ki na vanua oqo ka ra mani taukena, era sa sega ni muria na nomuni vakaro se talairawarawa ki na nomuni vakavuvuli; era sa sega ni vakayacora e dua na ka o ni sa vakarota me ra cakava. O koya oqo o ni sa kauta mai kina na veivakarusai kece oqo vei ira.

Jeremaia 34:14

Ni oti e yavitu na yabaki me ra qai sereki ira na Iperiu yadua e a volitaki vei ira ka qaravi ira ena ono na yabaki. Ia era a sega ni vakarorogo vei au na nomuni qase se muria na noqu vosa.

Jeremaia 35:14

O ira na kawa i Jonatapi era a muria na nona i vakaro me ra kakua ni gunu waini, a sega sara ni dua vei ira a bau gunu waini me yacova na siga edaidai, baleta ni ra muria na i vakaro ni nodra qase. Ia oi au, au a vosa tikoga vei kemuni, o ni a sega sara ni vakarorogo vei au.

Jeremaia 35:15

Au a talai ira tikoga mai na noqu dauveiqaravi na parofita vei kemuni ka ra a tukuna vei kemuni mo ni biuta tani na nomuni tovo ca ka cakava na ka dodonu. Era a vunauci kemuni mo ni kakua ni qarava na veikalou tani, mo ni na tikoga kina ena vanua au a solia vei kemuni kei na nomuni qase.

Jeremaia 7:13

O ni sa vakayacora na ka ca kece au sa cavuta oti. E dina ga au sa vosa vei kemuni vakavuqa, o ni sega ni via rogoca, o ni sega talega ni bau rogo mai ni'u kacivi kemuni.

Osea 4:1

Dou rogoca na vosa i Jiova, oi kemudou na Isireli: e dua na ka sa beitaki kemudou kina na lewenivanua o Jiova. Sa sega na loma dina kei na loloma, ka sa sega ni kilai na Kalou ena vanua.

Osea 5:1

“Dou rogoca oqo, oi kemudou na bete! Dou vakarorogo, na mataqali i Isireli! Dou vakatudaliga, na nona mataqali na Tui — me rawa ni vakatauci na lewa ena vukumudou! O ni sa yaco mo ni ka ni veivakatarabetaki e Misipa, kei na lawa ni veicoriti sa tevuki ena dela i Tapori,

Sakaraia 1:4

Ni kakua sara ni vakataki ira na nomuni qase e liu. Era a solia vei ira na noqu i tukutuku o ira na parofita era a bula tu ena gauna makawa sara, ka tukuni kina vei ira me ra sa kakua soti ni bula voli ena i valavala ca. Ia era a sega ni vakarorogo se ra talairawarawa vei au.

Efeso 4:17

O koya oqo ka'u sa kaya kina ena yaca ni Turaga, ka vakarota matua sara mo ni kakua ni qai bula tale tiko me vakataki ira na tawa lotu ena nodra vakanananu tawayaga.

Vakarua 12:32

Mo ni vakayacora na veika kece sara au sa vakarota vei kemuni; ka kakua ni kuria tale, se kauta tani kina e dua na ka.

Vakarua 30:20

Ni lomani Jiova na nomuni Kalou, ni talairawarawa ka yalodina vua me na dede kina na nomuni bula kei ira na nomuni kawa ena vanua ka yalataka o koya vei ira na nomuni qase, vei Epara-ama, Aisake, kei Jekope.

Vakarua 4:6

Ni maroroya ka talairawarawa kina, ena qai vakaraitaka na nomuni vuku kei na nomuni yalomatua ki vei ira na tamata ena veimatanitu tani. Ni ra na rogoca na lawa kece oqo era na qai kaya, “Era sa tamata vuku ka yalomatua na matanitu levu oqo!”

Vakarua 5:29

Kevaka mada ga ena dau vaka tu ga oqo na nodra vakanananu me ra rerevaki au ka talairawarawa ki na noqu vunau me na rawa ni ra vinaka kina kei ira na nodra kawa ka tawa mudu.

Vakarua 6:2

me rawa kina vei kemuni, na luvemuni kei na makubumuni; mo ni rerevaki Jiova na nomuni Kalou, ena veisiga kece ni nomuni bula ka muria na nona lawa kei na nona i vunau kece ka'u sa vakarota vei kemuni me rawa ni dede kina na nomuni bula.

Vakarua 8:6

O koya oqo mo ni muria na vunau i Jiova na nomuni Kalou ena nomuni muria na nona sala ka rerevaki koya.

2 Cesalonaika 3:12

Keitou sa vakaroti ira kina na tamata vakaoqo ka vakauqeti ira ena yaca ni noda Turaga o Jisu Karisito me ra bulataka na bula vakaivakarau ka vakasaqaqara cakacaka me ra bula rawa kina vakai ira.

1 Samuela 8:9

Ena ka oqo, mo qai rogoci ira mada ena veika era tukuna; ia mo vunauci ira vakadodonu, ka vakatakila vei ira na nona i valavala na tui ena lewai ira.”