Jeremaia 11:4 - Vakavakadewa Vou kei na iVola tale eso

⁴ O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Ai Vola Tabu (Vakadewa Makawa Vakavoutaki 2021)

⁴ ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou. Dou na yaco kina mo dou noqu tamata, ia koi au ka'u na yaco me'u nomudou Kalou,

AI VOLA TABU

⁴ a va kaʼu a vakarota vei ira na nomudou qase o na siga kaʼu a kauti ira kina mai na vanua ko Ijipita, mai na lovo aironi, ka kaya, Dou vakarogoca na domoqu, ka cakava me vaka na ka kecega kaʼu sa vakarota vei kemudou: dou na yaco kina me noqu tamata, ia koi au kaʼu na yaco me nomudou Kalou:

Vakavakadewa Makawa

⁴ ka'u a vakarota vei ira na nomudou qase e na siga ka'u a kauti ira kina mai na vanua ko Ijipita, mai na lovo kaukamea, ka kaya, Dou vakarogoca na noqu vosa, ka muria me vaka na ka kecega ka'u sa vakarota vei kemudou: dou na yaco kina mo dou noqu tamata, ia koi au ka'u na yaco me'u nomudou Kalou:

Ai Vola Tabu Ena Vakavakadewa Vou

⁴ O koya ka'u a vakarota vei ira na nodra qase ena gauna au a kauti ira tani kina mai Ijipita, na vanua sa vaka na lovo kaukamea vei ira. Au a tukuna vei ira me ra muria na noqu vosa ka cakava na ka kecega au a vakarota vei ira me ra cakava. O ni na qai yaco mo ni noqu tamata, ka'u na qai nomuni Kalou.

Jeremaia 11:4 Iomraidhean Croise

Vakatekivu 17:8

Au na solia vei iko, kei ira na nomu kawa na vanua o tiko vakavulagi voli kina oqo. Ena nomu na vanua taucoko o Kenani ka tawa mudu, ka'u na nodra Kalou.”

1 Tui 8:51

Ni ra sa nomuni tamata, kei na nomuni i votavota, o ni a kauta tani mai Ijipita ena loma ni lovo ni vakawaicalataki kaukamea.

2 Tui 18:6

A sa tudei tikoga vei Jiova ka sega sara ni beca na nona lewa, ia sa dau qarauna vinaka me muria na veivakaro kece sara sa vakarota o Jiova vei Mosese.

Lako Yani 20:6

Ia au sa vakatakila na noqu loloma ki na udolu na i tabatamata era sa lomani au ka muria na noqu lewa.

Aisea 30:6

Oqo na i tukutuku ni Kalou baleti ira na manumanu yava i va, Ena vanua dravuisiga ena ceva: Era sa lako yani na mata ena loma ni vanua rerevaki, Na vanua era tu kina na laione, Na gata gaga kei na gata vuka. Era sa vakavodoka na nodra asa kei na kameli, Ena i loloma voli dredre me nona e dua na matanitu, Sa sega ni cakava rawa vei ira e dua na veivuke.

Aisea 48:10

Au a vakatovolei kemuni ena buka ni veivakararawataki Me vaka na siliva sa vakavoui ena lovo katakata.

Jeremaia 11:7

Ena gauna au a kauti ira tani mai kina na nomuni qase mai Ijipita, au a vakaroti ira matua sara me ra muria na noqu vosa; au sa vunauci ira tikoga na tamata oqo me yacova edaidai me ra talairawarawa ki na noqu vosa.

Jeremaia 24:7

Au na solia vei ira na Yaloqu me ra kila ni sai au o Jiova, era na qai noqu tamata, ka'u na qai nodra Kalou, ni ra sa na lesu tale mai vei au, ena vu ni yalodra dina.”

Jeremaia 26:13

O koya oqo mo ni na veisautaka na nomuni vakarau kei na nomuni tovo ka muria na nona vosa na Turaga na nomuni Kalou. Ena qai veisautaka na lomana o Jiova ka na sega ni vakayacora na veivakarusai sa tukuna me yaco vei kemuni.

Jeremaia 30:22

Era na qai noqu tamata Ka'u na nodra Kalou. Sa i au ga o Jiova sa kaya vakaoqo.”

Jeremaia 32:28

Ia oqo, au sa na solia na koro oqo vei Nepukanesa na tui Papiloni kei na nona mataivalu, ka sa na samuta.

Jeremaia 38:20

A qai kaya o Jeremaia, “O ni na sega ni soli vei ira. Au vakamasuti kemuni mo ni muria na vosa i Jiova me vaka au a tukuna oti vei kemuni; ena qai lako vakavinaka na veika kece vei kemuni ka na maroroi na nomuni bula.

Isikeli 11:20

me ra muria na noqu vunau, ka vakabauta na noqu lewa, ka cakava. Era na qai noqu tamata, ka'u na qai nodra Kalou oi au.

Isikeli 14:11

me kakua tale ni lako sese mai vei au na mataqali i Isireli, se me ra vakadukadukalitaki ira tale ena nodra talaidredre kecega; ia me ra yaco mada ga me ra noqu tamata, ka me'u yaco talega me'u nodra Kalou, sa kaya o Jiova.”

Isikeli 36:28

O ni na la'ki tiko talega ena vanua ka'u a solia vei ira na nomuni qase; o ni sa na noqu tamata, ia oi au ka'u na yaco me'u nomuni Kalou.

Isikeli 37:23

Era na sega ni vakadukadukalitaki ira tale ena matakau, kei na nodra veika vakasisila, se dua ga vei ira na nodra talaidredre: ia ka'u na vakabulai ira mai na veibuki vere, era sai valavala ca kina, ka na vakasavasavataki ira; ka ra na vakabau me ra noqu tamata, ia oi au talega ka'u na yaco me'u nodra Kalou.

Isikeli 37:27

Ena tu vata talega kei ira na noqu i tikotiko; ia ka'u na yaco me nodra Kalou, o ira talega era na vakabau me ra noqu tamata.

Taniela 3:26

Sa qai toro voleka ki na gusu ni lovo bukawaqa o Nepukanesa, ka kaci yani: I Setareki! Mesake! Apeteniko! Kemudou na tamata ni Kalou Cecere! Dou lako mai ki tautuba!” E ratou a qai lako mai ki tautuba.

Vunau ni Soro 26:12

Au na lako vata voli kei kemuni; ka'u na nomuni Kalou, ka o ni na noqu tamata.

Vunau ni Soro 26:3

Kevaka o ni sa talairawarawa ki na veika au sa vakarota vei kemuni, ka muria na noqu lawa,

Sakaraia 13:9

Au na qai vakatovolei ira na dua na i katolu ni tamata sa vo, ka vakavoui ira me vaka na vakabutari ni siliva mai na bukawaqa. Au na vakatovolei ira me vaka na vakatovolei ni koula. Era na masu vei au ka'u na sauma na nodra masu. Au na tukuna vei ira ni ra sa noqu tamata, ka ra na vakadinadinataka ni'u sa nodra Kalou.”

Sakaraia 6:15

Era na qai lako mai o ira era sa tu vakayawa me ra mai veivuke ena tara vou tale ni Valenisoro i Jiova. Ia ni sa tara oti, o ni sa na qai kila kina ni a talai au yani vei kemuni o Jiova ni lewevuqa Ena yaco dina na ka kecega oqo kevaka e taucoko sara ga na nomuni talairawarawa ki na i vakaro kecega i Jiova na nomuni Kalou.

Sakaraia 8:8

ka vakalesui ira tale mai na tokalau kei na ra ni vanua me ra mai tiko e Jerusalemi. Era na noqu tamata, ka'u na nodra Kalou, ena yalodina kei na yalododonu.

Maciu 28:20

ka vakavulici ira me ra talairawarawa ki na veika kecega ka'u sa vakarota vei kemudou. Ka mo dou nanuma ni'u sa tiko vata kei kemudou ena veigauna kece, me yacova na i vakataotioti kei vuravura.”

2 Korinica 6:16

A cava e rau tautauvata kina na Vale ni Kalou kei na veimatakau? Ni sai keda ga na vale tabu ni Kalou. Me vaka e kaya na Kalou: “Au na tiko ena lomadra ka lako voli kina; Au na nodra Kalou ka ra na noqu tamata.

Vakarua 11:27

Ena yaco vei kemuni na kalougata kevaka o ni talairawarawa ki na i vunau kece i Jiova na nomuni Kalou au sa solia vei kemuni edaidai.

Vakarua 4:20

Ia oi kemuni na matatamata a kauti kemuni tani o Jiova mai na lovo ni vakawaicalataki kaukamea o ya o Ijipita, me mai qisi kemuni mo ni nona tamata digitaki me vaka ena siga edaidai.

Vakarua 5:6

“Oi au o Jiova na nomuni Kalou ka kauti kemuni tani mai Ijipita na vanua o ni a vakabobulataki tu kina;

Iperiu 5:9

Ni sa vakayacori oti o koya me vinaka taucoko sara, a sa yaco me vu ni bula tawamudu vei ira kecega sa talairawarawa vua,

1 Samuela 15:22

A sa kaya o Samuela, “A cava li e vinakata o Jiova: na talairawarawa se na i madrali kei na vakacaboisoro? Sa uasivi cake na talairawarawa mai na kena cabori vua na sipi digitaki.