Jeremaia 11:16 - Vakavakadewa Vou kei na iVola tale eso

¹⁶ E a vakatoka o Jiova vei kemuni ena dua na gauna mo ni dua na vunivaini vakadrauna bulabula, ka so bi tu ena vuana totoka; ia oqo au na vakama na drauna ka musulaka na tabana ena dua na rorogo vaka na lutu ni yaseyase se kurukuru.

Ai Vola Tabu (Vakadewa Makawa Vakavoutaki 2021)

¹⁶ Sa vakatoka na yacamu ko Jiova ‘na olive bulabula, ka matavinaka, ka vuavuai vinaka’. Ia na rorogo ni ue levu, sa tutuvaka ko koya na buka e delana, ka sa raramusumusu na tabana.

AI VOLA TABU

¹⁶ Na olive bulabula, e matavinaka, ka vua vinaka, sa yacamu ka vakatoka ko Jiova: ni sa ia na domo ni ue levu, sa tutuvaka ko koya na buka e delana, a sa ramusu na tabana.

Vakavakadewa Makawa

¹⁶ Sa vakatoka na yacamu ko Jiova na olive bulabula, ka matavinaka, ka vuavuai vinaka: ia na rorogo ni ue levu, sa tutuvaka ko koya na buka e delana, ka sa raramusumusu na tabana.

Ai Vola Tabu Ena Vakavakadewa Vou

¹⁶ E a vakatoka ko Jiova vei kemuni ena dua na gauna mo ni dua na vunivaini vakadrauna bulabula, ka so bi tu ena vuana totoka; ia oqo au na vakama na drauna ka musulaka na tabana ena dua na rorogo vaka na lutu ni yaseyase se kurukuru.

Jeremaia 11:16 Iomraidhean Croise

Jope 8:16

Na tamata ca sa vaka e dua na vunikau bulabula, Sa tete yani na tabana ka vakaruguta na vanua.

NA SAME 52:8

Ia, au sa vaka ga na vuniolive sa tubu tiko ena vale ni Kalou; Ka'u sa vakadinata ga na nona loloma tudei ka sega ni mudu.

NA SAME 80:16

Era sa vakama na keimami meca ka taya sobu; Ni raici ira ena cudru ka vakarusai ira!

NA SAME 80:17

Ni taqomaki ira ka maroroi ira na tamata o ni a digitaka, Na matanitu o ni a vakatubura me bula kaukauwa!

NA SAME 83:2

Raica, era sa maue na nomuni meca, Ka ra sa veisaqasaqa mai o ira era sa cati kemuni.

Aisea 27:11

Sa madu na kena veitaba ni kau ka ramusu, Ka ra sa mai tomika na marama me buka. Ni sai ira oqo na tamata era sa sega ni yalomatua, Ka sa sega ni lomani ira kina, Se vinakati ira o koya sa buli ira.

Jeremaia 2:21

Au a tei iko me vaka na vaini digitaki, Ka mo vaka talega na sorenikau vinaka sara. Ia raica mada na kemu i rairai! O sa vaka na vaini ni veikau Au sa sega tale ni taleitaka.

Jeremaia 21:14

Ena vakaitotogitaki iko o Jiova me baleta na veika o vakayacora. Au na vakama na nomu vale vakaturaga ka na kama yavu na veika kece sara e tu wavokita.”

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Osea 14:6

Na kena tubucoke sa tete yani, Ka sa totoka me vaka na vuniolive. Na kena i boi ena boi yawa Me vaka na kau sitari ni Lepanoni.

Maciu 3:10

Sa toka sara ga oqo na matau ena veivunikau me tatalaki sobu kina na kau kecega e sega ni vuataka na vua vinaka, ka ra biu ki na buka.

Joni 15:6

Kevaka e sega ni sema tiko vei au e dua na tamata, ena biu laivi me vaka na taba ni vaini ka sa na malai mai; era na qai tomika na tamata ka biuta ki na bukawaqa me kama kina.

Vakarua 28:40

Era na tubu na olive ena nomuni veivanua kecega, ia ena sega ni dua na nomuni waiwai ni olive, baleta ni ra na qeqera kecega na vuana.

Vakatakila 11:4

Oi rau na noqu i vakadinadina oqo sai rau na vuniolive e rua kei na i tutu-ni-cina e rua ka sa tu ena mata ni Turaga kei vuravura.