Jeremaia 10:9 - Vakavakadewa Vou kei na iVola tale eso

⁹ Sa vakaiukuuku na nodra veimatakau Ena siliva mai Tasisi, Kei na koula mai Ufasi, Era sa cakacaka ni ligadra kecega na matai Kei na dautuki kaukamea. Era sa vakaisulu ena i sulu karakarawa Kei na i sulu lokaloka, Era talia na dautalitali.

Ai Vola Tabu (Vakadewa Makawa Vakavoutaki 2021)

⁹ Nai botani siliva sa kau mai Tasisi, kei na koula mai Ufasi. Era sa cakacaka ni matai, kei na liga i koya na matai ni koula; sa ka karakarawa ka lokaloka na nodra i sulu; era sa nodra cakacaka kecega na tamata vuku.

AI VOLA TABU

⁹ nai botani siliva sa kau mai Tarisisi, kei na koula mai Ufasi, na cakacaka ni matai, kei na liga i koya na matai ni koula: na ka loaloa ka damudamu sa kedrai sulu: na nodra cakacaka kecega na ta mata vuku:

Vakavakadewa Makawa

⁹ nai botani siliva sa kau mai Tasisi, kei na koula mai Ufasi, na cakacaka ni matai, kei na liga i koya na matai ni koula: na ka pelu ka lokaloka sa nodra i sulu: sa nodra cakacaka kecega na tamata vuku:

Ai Vola Tabu Ena Vakavakadewa Vou

⁹ Sa vakaiukuuku na nodra veimatakau Ena siliva mai Tasisi, Kei na koula mai Ufasi, Era sa cakacaka ni ligadra kecega na matai Kei na dautuki kaukamea. Era sa vakaisulu ena i sulu karakarawa Kei na i sulu lokaloka, Era talia na dautalitali.

Jeremaia 10:9 Iomraidhean Croise

1 Tui 10:22

Era a kele tu ena toba mai Tasisi na i binibini waqa ni tui kei na i binibini waqa i Irami na tui Taia. Era dau soko lesu mai na i binibini waqa oqo ni oti e yatolu na yabaki, ka ra usana mai na koula, na siliva, na ivori, na maqe, kei na pikoki.

2 Veigauna 9:21

Era a dau soko ki Tasisi na nona waqa na tui kei ira na tamata mai Irami; era a dau vakaiusana mai na waqa eso mai Tasisi ena veiyabaki tolu ka ra kauta mai na koula, na siliva, na ivori, na maqe eso, kei na pikoki.

NA SAME 115:4

Na nodra Kalou sa caka mai na siliva kei na koula Ka cakava ga na liga ni tamata.

NA SAME 72:10

Era na soli loloma vua na tui Sipeini kei ira na tui mai na veiyanuyanu, Ka rau sa kauta mai na nodra ka ni loloma na tui Arapea kei na tui Eciopea.

Aisea 23:6

Ni lako yani ki Tasisi, Ka mo ni tagi na vakaitikotiko ena baravi.

Aisea 40:19

Sa sega ni vakataka na matakau era taya na matai, Ka ra qai ukutaka ena koula na matai ni kaukamea Ka cakava na kena sinucodo siliva.

Isikeli 27:12

“Sa dauveivoli kei iko na koro o Tasisi, ena vuku ni nomu i yau levu, ena kedra veimataqali kecega; na siliva, na kaukamea, na tini kei na uma, era mai veivoli ka veisautaka kei na nomu i yau.

Isikeli 27:7

Ia na laca mo vakarewataka sai koya na lineni matailalai mai Ijipita; Ka sa nomu drotini ni waqa na i sulu karakarawa ka lokaloka mai na baravi kei Ilaisa, Ka sa nomu i vakaruru talega.

Taniela 10:5

Au a rai cake ka'u raica sara e dua na tamata e vakaisulu tu ena i sulu lineni ka vauci tu na tolona ena dua na kena i vau koula.

Osea 8:6

A sa cakava na matai ni Isireli e dua na matakau, ia na ka oqo sa sega sara ni dua na kalou! Na bulumakau koula sa qaravi mai Samaria ena vorolaki vakalalai!

Jona 1:3

Ia sa qai muria o Jona na sala e veibasai me rawa ni dro tani kina mai vei Jiova. A sa lako sobu i Jopa ka kunea kina e dua na waqa e vakarau soko tiko ki Tasisi mai Sipeini. A la'ki sauma sara na nona i vodovodo ka vodo ki waqa vata kei ira na kai mua me soko yani ki Sipeini, me na tiko yawa sara mai vei Jiova.

Apakuki 2:19

O ni sa vakarusai! O ni sa kaya ki na dua na tiki ni kau, “Mo yadra mai!” se ki na dua na i bulibuli vatu, “Mo tucake!” E rawata beka e dua na matakau me vakatakila vei iko e dua na ka? Raica, sa rawa ni robota tu na i ukuuku siliva kei na koula, ia na bula ga sa sega sara ni tiko kina.