Jeremaia 10:7 - Vakavakadewa Vou kei na iVola tale eso

⁷ O cei me sega ni rerevaki kemuni Na tui ni veimatanitu? Sa dodonu mo ni rerevaki ka rokovi. Sa sega e dua sa tautauvata kei kemuni Vei ira na tamata vuku ni veimatanitu.

Ai Vola Tabu (Vakadewa Makawa Vakavoutaki 2021)

⁷ Ko cei me na sega ni rerevaki kemuni na Tui ni veimatanitu? Ni sa kilikili kei kemuni; io vei ira kece na vuku e na veivanua, kei na nodra veimatanitu kecega, sa sega e dua me vakataki kemuni.

AI VOLA TABU

⁷ o cei me na sega ni rerevaki iko, na Tui ni veimatanitu? ni sa kilikili kei iko: io vei ira kece na vuku e na veivanua, kei na nodra veimatanitu kecega, sa sega e dua me vakataki iko.

Vakavakadewa Makawa

⁷ ko cei me na sega ni rerevaki kemuni na Tui ni veimatanitu? ni sa kilikili kei kemuni: io vei ira kece na vuku e na veivanua, kei na nodra veimatanitu kecega, sa sega e dua me vakataki kemuni.

Ai Vola Tabu Ena Vakavakadewa Vou

⁷ O cei me sega ni rerevaki kemuni Na tui ni veimatanitu? Sa dodonu mo ni rerevaki ka rokovi. Sa sega e dua sa tautauvata kei kemuni Vei ira na tamata vuku ni veimatanitu.

Jeremaia 10:7 Iomraidhean Croise

2 Tui 17:39

Mo ni talairawarawa vei au, oi au o Jiova na nomuni Kalou, ka'u na vakabulai kemuni mai vei ira na kemuni meca.”

1 Veigauna 16:25

Ni sa cecere o Jiova, ka sa dodonu me vakacerecerei vakalevu; Sa dodonu me rokovi vakalevu cake mai vei ira na kalou kecega.

Esiteri 1:13

A qai qara i vakasala vei ira na tamata vuku na tui era kila na ka me caka ena leqa vakaoqo, ni sa nona i vakarau tudei na tui me dau qara i vakasala vei ira era kila vakavinaka na veika vakalawa kei na veika ni veiliutaki.

NA SAME 147:5

Sa cecere ka qaqa na noda Turaga; Sa sega ni kilai rawa na nona vuku.

NA SAME 22:28

Sa i Jiova na Tui, Ka sa lewa na veimatanitu kecega.

NA SAME 47:3

Sa solia vei keda me da qaqa vei ira na tamata; Ka sa qisi keda me da liutaka na veimatanitu.

NA SAME 72:11

Era na cuva kece vua na tui, Ka ra na qaravi koya kece na veimatanitu.

NA SAME 76:7

Ia, o ni sa rokovi ga ka rerevaki, oi kemuni Jiova. O cei ena tu rawa e matamuni ni o ni sa cudru?

NA SAME 86:8

Sa sega tale ni dua na kalou me vakataki kemuni Jiova, Ka sega e dua me cakava rawa na ka o ni sa vakayacora oti.

NA SAME 86:9

Na veimatanitu kece o ni a bulia Era na lako mai ka mai cuva vei kemuni. Era na vakacaucautaka na nomuni cecere,

NA SAME 89:6

E sega ni dua mai lomalagi me vakataki kemuni Jiova Ka sega talega ni dua vei ira na kalou me vakataki kemuni.

Lako Yani 8:10

A sauma o koya ka kaya, “Ni mataka.” A sa kaya o Mosese, “Me vaka o ni a kaya! Me na rawa kina vei kemuni mo ni kila ni sa sega tale e dua e tautauvata kei Jiova na neimami Kalou.

Lako Yani 9:14

Ia oqo au na tala kece yani na noqu mate rerevaki vei iko, kei ira na nomu vakailesilesi kei na nomu tamata, mo ni kila kina ni sa sega tale ni dua keirau tautauvata ena vuravura oqo.

Aisea 2:4

Ena vakatulewa vei ira na veimatanitu o koya. Era na tukitukia na nodra i seleiwau me bati ni siviyara, Kei na nodra moto me i sele ni sasamaki. Era sa na sega tale ni veivaluvaluti na veimatanitu, Se vakavakarau tale ki na i valu.

Jeremaia 10:6

Kemuni Jiova, Sa sega e dua me vakataki kemuni: Sa levu ga oi kemuni, Ka sa cecere na yacamuni ka kaukauwa.

Jeremaia 5:22

Oi au na nomuni Kalou, a cava o ni sega ni rerevaki au kina? A cava o ni sega ni sautaninini kina e mataqu? Au yalana na i yalayala ni waitui ena nuku me sega ni mudu ka na sega ni rawa ni voroki ena vadugu kei na kaukauwa ni ua.

Taniela 2:27

Sa qai sauma o Taniela, ka kaya, “Kemuni na tui, sa sega sara ni dua na vuku, na daucaka mana, na daukilakila, se o ira na dau tukuna na kalougata, e rawa ni tukuna vei kemuni na tadra oqori.

Taniela 2:28

Ia e dua ga na Kalou e tiko mai lomalagi sa dau vakatakila na veika sa vuni tu. Na Kalou ga oqo a vakaraitaka vei kemuni, Nepukanesa na tui, na ka ena yaco ena gauna mai muri. Ia na tadra se raivotu o ni a raica ni o ni a moce koto sa vakaoqo:

Apakuki 3:2

I Jiova, au sa rogoca na nomuni cakacaka, Ka'u sa vakasinaiti ena rere kei na qoroqoro. Ni vakayacora tale mada ena neimami gauna Na cakacaka cecere o ni a dau cakava e liu. Ena nomuni cudru, mo ni yalololoma ga.

Sakaraia 2:11

Era na qai lako mai vei Jiova na veimatanitu ena gauna o ya ka ra yaco me ra nona tamata. Ena bula o koya ena kemuni maliwa, ka o ni na kila ni sa talai au mai o koya kivei kemuni.

Malakai 1:11

Era dokai au na tamata mai na dua na yasa i vuravura ki na yasana kadua. Era vakama na ka boi vinaka vei au mai na veivanua kece, ka ra vakacabora na i madrali vivinaka. Era sa dokai au kece sara!

Luke 12:5

Ia ka'u na vakasalataki kemudou se o cei mo dou rerevaka: dou rerevaki koya ga e tu vua na kaukauwa me biuta na tamata ki eli ni sa vakamatea oti. Dou vakabauti au, ni sai koya ga oqori mo dou rerevaka!

1 Korinica 8:6

Ia vei keda sa duabau ga na Kalou, na Tamada, o koya sa vu mai vua na ka kecega, ka da sa bula tiko ena vukuna; sa duabau ga na Turaga, o Jisu Karisito, ka sa vu mai vua na ka kecega, ka da sa bula tiko ena vukuna.

Josua 4:24

Ena vuku ni ka oqo, era na kila kina na lewe i vuravura kecega na kaukauwa ni liga i Jiova, ka o ni na qai vakarokorokotaka na nomuni Kalou o Jiova ka tawa mudu.”

Vakatakila 11:15

A sa qai uvuca na i kavitu ni agilosi na nona davui, ka sa rogo levu mai lomalagi na veidomo eso, era sa kaya, “Na kaukauwa ni lewa me baleti vuravura sa qai yaco oqo me nona na noda Turaga kei na nona Karisito, ka na veiliutaki tikoga o koya ka sega ni mudu!”

Vakatakila 15:4

Turaga, o cei li me na sega ni rerevaki kemuni? O cei li ena bese ni via vakalagilagia na yacamuni? Ni sai kemuni ga sa yalosavasava. Era na lako kece mai na veimatanitu Ka ra na cuva e matamuni, Ni ra sa raica kecega na tamata na nomuni cakacaka dodonu.”