Jeremaia 10:6 - Vakavakadewa Vou kei na iVola tale eso

⁶ Kemuni Jiova, Sa sega e dua me vakataki kemuni: Sa levu ga oi kemuni, Ka sa cecere na yacamuni ka kaukauwa.

Ai Vola Tabu (Vakadewa Makawa Vakavoutaki 2021)

⁶ Ni sa sega e dua me vakataki kemuni, Jiova; sa levu koi kemuni, ka sa levu na yacamuni e na kaukauwa.

AI VOLA TABU

⁶ E na vuku ni sa sega e dua me vakataki iko, Jiova; sa levu ko iko, a sa levu na yacamu e na kaukauwa:

Vakavakadewa Makawa

⁶ Ni sa sega e dua me vakataki kemuni, Jiova; sa levu koi kemuni, ka sa levu na yacamuni e na kaukauwa:

Ai Vola Tabu Ena Vakavakadewa Vou

⁶ Kemuni Jiova, Sa sega e dua me vakataki kemuni: Sa levu ga oi kemuni, Ka sa cecere na yacamuni ka kaukauwa.

Jeremaia 10:6 Iomraidhean Croise

2 Samuela 7:22

I Jiova na Kalou levu, o ni sa rui levu ka dokai! Sa sega tale ni dua me tautauvata kei kemuni; io keimami sa kila ni o kemuni duadua ga sa Kalou.

1 Veigauna 16:25

Ni sa cecere o Jiova, ka sa dodonu me vakacerecerei vakalevu; Sa dodonu me rokovi vakalevu cake mai vei ira na kalou kecega.

Niemaia 4:14

Au a raica rawa ni ra sa lomaleqa na tamata, ka'u mani kaya kina vakaoqo vei ira kei na nodra i liuliu vata kei ira na vakailesilesi, “Ni kakua ni rerevaki ira. Mo ni nanumi Jiova ga, ni sa levu ka rerevaki o koya, ia ni vala ena vukudra na wekamuni, na luvemuni, na watimuni, kei na nomuni vuvale.”

Niemaia 9:32

‘O koya oqo, kemuni na neimami Kalou, na Kalou levu, qaqa ka rerevaki, o koya sa vakayacora na nona yalayala kei na nona loloma tudei, me kakua mada ni rairai lailai vei kemuni na veika rarawa sa yacovi keimami oti, kei ira na neimami tui, na neimami turaga, na neimami bete, na neimami parofita, na neimami qase kei ira kecega na nomuni tamata, me tekivu mai na nodra gauna na tui Asiria ka yacova na siga oqo.

NA SAME 145:3

Sa cecere o Jiova ka sa dodonu me vakacaucautaki vakalevu sara; Sa sega ni yacova rawa na noda vakasama na nona cecere.

NA SAME 147:5

Sa cecere ka qaqa na noda Turaga; Sa sega ni kilai rawa na nona vuku.

NA SAME 35:10

Au na kaya vei Jiova ena yaloqu taucoko, “Sa sega tale ni dua me vakataki kemuni! O ni sa taqomaki koya sa malumalumu mai vua sa kaukauwa, Io na dravudravua kei na luveniyali mai vua sa vakacacani koya!”

NA SAME 48:1

Sa Cecere ga o Jiova ka dodonu me vakacaucautaki vakalevu Ena koro ni nodra Kalou, ena nona ulunivanua tabu.

NA SAME 96:4

Sa cecere o Jiova ka sa dodonu me vakacaucautaki vakalevu; Sa dodonu me rerevaki vakalevu mai vei ira na kalou kecega.

Lako Yani 15:11

“I Jiova, o cei vei ira na kalou sa tautauvata kei kemuni? O cei sa vakataki kemuni, me vakaiukuuku ena savasava? O cei ena rawa ni vakayacora na veika lelevu ka veivakurabuitaki me vakataki kemuni?

Lako Yani 8:10

A sauma o koya ka kaya, “Ni mataka.” A sa kaya o Mosese, “Me vaka o ni a kaya! Me na rawa kina vei kemuni mo ni kila ni sa sega tale e dua e tautauvata kei Jiova na neimami Kalou.

Lako Yani 9:14

Ia oqo au na tala kece yani na noqu mate rerevaki vei iko, kei ira na nomu vakailesilesi kei na nomu tamata, mo ni kila kina ni sa sega tale ni dua keirau tautauvata ena vuravura oqo.

Aisea 12:6

Kemuni kece mai Saioni, ni kaila ena masu! Sa cecere na nodra Kalou savasava na Isireli, Ka tiko voli kei ira na nona tamata.”

Aisea 40:18

O cei me vakatautauvatataki rawa kei na Kalou Se me vakatauvatani kei na cava o koya?

Aisea 40:25

O cei me vakatautauvatataki kei na Kalou Yalo Savasava? E dua li e rawa ni rau vakatauvatani kaya?

Aisea 46:5

“O cei o ni na vakatautauvatataka kei au? E bau dua tale tiko li e keirau tautauvata kaya?

Aisea 46:9

Ni nanuma mada na veika e a yaco ena gauna e liu; Ni kila ni sai au taudua ga na Kalou, Ka sa sega tale ni dua me tautauvata kei au.

Jeremaia 10:16

Sa sega ni vaka o ya na Kalou i Jekope; Sa i koya sa bulia na ka kecega, Ka sa digitaki Isireli me ra nona tamata. Na Kalou Kaukauwa sai koya na yacana.

Jeremaia 32:18

O ni sa vakaraitaka na nomuni loloma tawa yalani vei ira e udolu vakaudolu, ia o ni sa totogitaki ira talega na tamata ena vuku ni nodra i valavala ca na tamadra. Sa i kemuni na Kalou levu qaqa; ka sa yacamuni o Jiova ni lewevuqa.

Taniela 4:3

Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:34

“Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Malakai 1:11

Era dokai au na tamata mai na dua na yasa i vuravura ki na yasana kadua. Era vakama na ka boi vinaka vei au mai na veivanua kece, ka ra vakacabora na i madrali vivinaka. Era sa dokai au kece sara!

1 Korinica 8:6

Ia vei keda sa duabau ga na Kalou, na Tamada, o koya sa vu mai vua na ka kecega, ka da sa bula tiko ena vukuna; sa duabau ga na Turaga, o Jisu Karisito, ka sa vu mai vua na ka kecega, ka da sa bula tiko ena vukuna.

Vakarua 32:31

Era sa kila na nodra meca ni ra kalou malumalumu na nodra veikalou, sa sega ni kaukauwa me vakataka na Kalou ni Isireli.

Vakarua 33:26

Kemuni na Isireli, sa sega na kalou me tautauvata kei na nomuni Kalou, sa vodo takosova na maliwa lala ena lagilagi, ka vodo e dela ni o me vukei kemuni.