Jeremaia 10:10 - Vakavakadewa Vou kei na iVola tale eso

¹⁰ Ia o Jiova Sa i koya na Kalou dina, Sa i koya na Kalou bula, Kei na tui tawa mudu. Ni sa cudru Sa sautaninini na vuravura; Ka na sega ni vosota rawa na veimatanitu Na nona cudru.

Ai Vola Tabu (Vakadewa Makawa Vakavoutaki 2021)

¹⁰ Ia ko Jiova ga na Kalou dina ko koya; na Kalou bula kei na Tui sa sega ni mudu. Ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

AI VOLA TABU

¹⁰ ia ko Jiova ga na Kalou dina ko koya, na Kalou bula, kei na tui tawa mudu: ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

Vakavakadewa Makawa

¹⁰ ia ko Jiova ga na Kalou dina ko koya, na Kalou bula, kei na tui sa sega ni mudu: ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

Ai Vola Tabu Ena Vakavakadewa Vou

¹⁰ Ia ko Jiova Sa i koya na Kalou dina, Sa i koya na Kalou bula, Kei na tui tawa mudu. Ni sa cudru Sa sautaninini na vuravura; Ka na sega ni vosota rawa na veimatanitu Na nona cudru.

Jeremaia 10:10 Iomraidhean Croise

Vakatekivu 21:33

Sa qai tea o Epara-ama e dua na kau mai Perisepa ka masuta kina na yaca i Jiova na Kalou sa tawa mudu.

1 Tui 18:39

Ia ni ra sa raica oqo na tamata kecega, era sa cuva vakatoboicu, ka kaya, “Sa Kalou dina ga o Jiova.”

1 Tui 8:60

o koya oqo me ra kila kina na veimatanitu e vuravura taucoko ni sa Kalou o Jiova, ka sa sega tale e dua.

1 Veigauna 29:11

O ni sa cecere ka kaukauwa, o ni sa lagilagi ka uasivi, o ni sa vakaturaga. Sa nomuni na veika kecega e lomalagi kei vuravura, o ni sa kena tui, o ni sai liuliu cecere ni veika kecega.

2 Veigauna 15:3

Sa dua na gauna balavu sara oqo ni sa yali vakadede tiko vei Isireli na Kalou dina, ka sega na bete me veivakatavulici, ka sega talega na kena lawa.

Jope 9:6

Na Kalou sa tala mai na uneune levu me kureitaka na vanua; Sa yavalata na i vakadei kei vuravura.

NA SAME 10:16

Sa Tui na Turaga ka tawa mudu, Ka ra sa takali yani na veimatanitu mai na nona vanua.

NA SAME 100:3

Ni kakua ni guilecava ni sa Kalou o Jiova! Sa buli keda o koya ka da sa nona qele ni sipi.

NA SAME 100:5

Ni sa yalovinaka o Jiova, Ka sa sega ni mudu na nona loloma tudei, Kei na nona yalodina ki vei ira na veitabatamata kecega. A nei Tevita. A Same.

NA SAME 104:32

A sa raica na vuravura, ka sa sautaninini; Sa tara na veiulunivanua o koya ka sa kubou mai.

NA SAME 114:7

Mo sautaninini na vuravura ni sa lako mai na Turaga, Ena mata ni Kalou i Jekope,

NA SAME 145:13

Sa sega ni yalani na nomuni matanitu, Ka o ni na tui tikoga ka sega ni mudu.

NA SAME 146:6

O koya sa bulia na lomalagi, na vuravura kei na wasawasa kei na veika kecega sa tu kina. Sa dau vakayacora ga o koya na veika sa yalataka;

NA SAME 18:7

Ia sa qai uneune ka yavala na vuravura; Sa yavala ka veitosoyaki na yavu ni veiulunivanua, Baleta ni sa cudru na Kalou

NA SAME 29:10

Sa lewa o Jiova na veiwai titobu Ka sa lewa tiko me vaka na tui ka sega ni mudu.

NA SAME 31:5

Au sa laiva tu na noqu bula ki na nomuni veitaqomaki, O ni sa vakabulai au Jiova Sa i kemuni na Kalou yalodina.

NA SAME 42:2

Au sa karamacataki kemuni, na Kalou bula; Me'u lako beka ena gauna cava ka cuva e matamuni?

NA SAME 68:11

Sa solia na i vakaro na Turaga, Ka ra lewe vuqa sara era sa kauta yani na kena i tukutuku.

NA SAME 68:8

A sa yavavala o vuravura, ka vakatauca o lomalagi na uca, Ena mata ni Kalou, na Kalou ni Saineai, Ena mata ni Kalou, na Kalou ni Isireli.

NA SAME 74:12

Ia o ni sa neimami tui na Kalou mai na i vakatekivu, O ni sa qaqa vakavuqa e vuravura.

NA SAME 76:7

Ia, o ni sa rokovi ga ka rerevaki, oi kemuni Jiova. O cei ena tu rawa e matamuni ni o ni sa cudru?

NA SAME 76:8

O ni sa cakava me kilai na nomuni lewa mai lomalagi; Sa taqaya o vuravura ka tu vakadua ena vakadirorogo,

NA SAME 77:18

Na domo ni nomuni kurukuru ena covulaca, Sa vakararamataka na vuravura na tibi ni livaliva, Sa sautaninini na vuravura.

NA SAME 84:2

Sa guta vakalevu sara na yaloqu na tiko kina! Io, na tiko ena lomanibai ni vale tabu i Jiova. Na noqu bula taucoko sa sere voli ga ena reki vua na Kalou bula.

NA SAME 9:8

Sa lewa tiko na vuravura ena lewa vinaka Ka veilewaitaki ira na tamata ena lewa dodonu.

NA SAME 90:11

O cei li e kila na kaukauwa kece ni nomuni cudru? O cei e rawa ni kila na rere cava e rawa ni kauta mai na nomuni cudru?

NA SAME 90:2

Ni o ni se bera ni bulia na veiulunivanua, Se vakayacora na vuravura me dua na ka, Sa i kemuni ga na Kalou sa sega ni mudu, Io, o ni na Kalou tikoga ka tawamudu.

NA SAME 93:2

Na nomuni i dabedabe vakatui, kemuni Jiova, sa tudei mai na i vakatekivu; Ka o ni a sa bula tu mai ni se bera na i tekitekivu ni gauna.

NA SAME 97:4

Sa vakararamataka na vuravura na nona livaliva; Sa raica na vuravura ka sa sautaninini.

Aisea 37:17

I Jiova ni rogoci keimami ka raici keimami mai ena gauna oqo. Ni rogoca mada na ka e kaya o Senikarivi me vakarogocataki kemuni kina na Kalou bula.

Aisea 37:4

A sa tala mai na nona vakailesilesi liu na tui Asiria me vakarogocataka na Kalou bula. Me qai rogoca mada ga na o Jiova na nomu Kalou na veivakarogorogocataki oqo, ka totogitaki ira era sa tukuna. Ia mo masu ga vua na Kalou ena vukudra na vo-ni-bula era se bula tiko oqo.”

Aisea 40:15

Sa ka wale ga vei Jiova na veimatanitu, Era sa vaka wale ga e dua na turu ni wai mai na dua na vokete; Era sa vaka ga na kuvu ni qele ena i vakarau ni bibi, Ka ra sa mamada na veiyanuyanu yawa me vaka na kuvu.

Aisea 40:28

O sega li ni kila, o sa sega li ni rogoca? Sa tawa mudu o Jiova na Kalou; Sa bulia o koya na vuravura taucoko. E se sega mada ni bau oca se malumalumu. Sa sega ni dua e kila rawa na nona vakasama.

Aisea 57:15

Oi au na Kalou Cecere ka Savasava, O koya sa bula tikoga ka tawa mudu. Au sa tiko ena vanua cecere ka savasava Ia au sa tiko talega kei ira na tamata Era sa yalo malumalumu ka veivutuni; Me'u kauta tale mai na nodra yalo dei kei na vakanuinui.

Aisea 65:16

O koya yadua sa kerea Me vakalougatataki ena vanua oqo, Ena kerea me vakalougatataki koya Na Kalou sa dau yalodina. O koya yadua sa ia na bubului, Ena bubului ga ena yaca ni Kalou Yalodina. Na leqa ni veigauna sa oti ena takali yani Ka guilecavi sara yani.”

Jeremaia 23:36

Ia me ra kakua tale vakadua ni vakayagataka na vosa oqo, ‘na i colacola i Jiova,’ baleta ni kevaka era na kaya tale, au na vakayacora na noqu vosa me dua na i colacola dina vei ira. Era sa vakatanitaka na tamata na vosa ni nodra Kalou, na Kalou bula, o Jiova ni lewevuqa.

Jeremaia 4:2

Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Jeremaia 4:24

Au rai yani ki na veiulunivanua, Ka raica ni ra sa yavavala Ka ra veitosoyaki na veidelana.

Jeremaia 50:46

Ni sa na bale o Papiloni na kena i rogorogo ena uneune kina na vuravura ka ra na rogoca na domo ni tagi na veimatanitu tani.”

Jeremaia 51:29

Sa uneune ka yavala na vuravura baleta ni sa vakayacora na nona i naki o Jiova. Ena cakava me dua na vanua lala o Papiloni ka sega na tamata e bula kina.

Taniela 4:3

Sa rui veivakadrukai ka veivakurabuitaki na ka e vakaraitaka vei keda na Kalou! Sa rui kaukauwa na veicakacaka mana a cakava o koya! Sa na tui na Kalou ka sega ni mudu; sa na veiliutaki o koya ena veigauna kecega.

Taniela 4:34

“Oi au o Nepukanesa. Ni sa oti e vitu na yabaki, ni'u a tu ka rai cake ki lomalagi, a qai lesu tale mai vei au na noqu vakasama vakatamata. Au a vakavinavinaka vua na Kalou Cecere ka'u a vakarokoroko vua ka vakalagilagi koya sa bula tikotiko ga ka sega ni mudu. “Sa na tui tikoga o koya ka sega ni mudu, Ka sa na bula tu ga na nona matanitu ena veigauna kecega.

Taniela 6:26

Au sa vakaroti kemuni yani oqo na tamata yadua mai na veiyasana kecega ena noqu matanitu mo ni rerevaka ka rokova na Kalou i Taniela. “A Kalou bula o koya Ka na tui tikoga ka sega ni mudu. Ena sega ni vakarusai rawa na nona matanitu Ka na sega ni oti rawa na nona kaukauwa.

Taniela 6:27

Sa veivakabulai ka veivueti; Sa cakava na veika e veivakurabuitaki kei na cakacaka mana Mai lomalagi kei vuravura. Sa vakabulai Taniela mai na nodra kaukauwa na laione.”

Taniela 7:14

E kea, a sa la'ki soli kina vua na lewa, na dokai kei na kaukauwa vakatui ka rawa kina ni ra qaravi koya o ira na duikaikai kei na duivosavosa mai na veiyasana kecega. Na nona kaukauwa ena sega ni oti rawa, kei na nona matanitu ena bula tikoga ka sega ni mudu.

Joeli 2:11

A sa tabalaka na domona na Kalou Ki vua sa liutaki ira na nona mataivalu; Ni sa vakaitamera na nona mataivalu, O koya sa tu vua na lewa Me vakayacora na nona vosa sa kaukauwa. Ni sa ka levu ka rerevaki na siga i Jiova; O cei ena vosota rawa?

Maika 1:4

Era na qai waicala e rukuna na veiulunivanua Me vaka na dago ni kadrala ena bukawaqa; Era na qai sovaraki sobu ki na veiqakilo Me vaka na tasova sobu ni wai mai na delana.

Neumi 1:5

Era sakure na veiulunivanua ena vuku i Jiova, Ka waicala na veidelana e matana. Sa uneune na vanua ni sa basika o Jiova; Sa sautaninini ga o vuravura kei ira kece sa tiko kina.

Neumi 1:6

O cei ena bula rawa ni sa cudru o Jiova? O cei ena dro bula mai na nona cudru waqawaqa? Sa sovaraka yani o koya na nona cudru katakata; Sa kakavuruvuru ga e matana na veivatu.

Apakuki 3:10

Ni rai yani na veiulunivanua, sa sautaninini; Sa tau mai lomalagi na uca bi. E vadugu na wai ena ruku i vuravura, Ka rewa-i-cake na kena veibiau.

Apakuki 3:6

Ni sa tu vakadua, sa yavavala o vuravura; Ni sa rai yani, sa sautaninini na veivanua. Era sa karusa na veiulunivanua tawa mudu; Sa dromu sobu na veidelana makawa, O ya na veidelana sa daulako voli kina e liu.

Malakai 3:2

Ia o cei na tamata ena yalodei rawa ena siga sa lako mai kina? O cei ena tudei rawa e matana ni sa rairai mai o koya? Ena vakataka e dua na sovu kaukauwa o koya, ka vaka na bukawaqa sa dauvakasavasavataka na kaukamea.

Maciu 16:16

Sa qai sauma o Saimoni Pita, ka kaya, “Sa i kemuni na Mesaia, na Luve ni Kalou bula.”

Maciu 26:63

Sa galu tu ga o Jisu. Sa qai kaya vua na Bete Levu, “Ena yaca ni Kalou bula au sa vakarota vei iko mo tukuna mai vei keimami se o iko na Mesaia na Luve ni Kalou bula, se segai.”

Joni 17:3

Sa i koya oqo na bula tawamudu, me ra kilai kemuni na Kalou dina duadua ga, kei Jisu Karisito, o koya o ni sa tala mai.

Cakacaka 14:15

ka qolouvaka, “Oi kemuni na turaga, a cava o ni sa cakava kina na veika oqo? Keirau tamata talega vakataki kemuni o keirau! Ia keirau sa mai vunautaka vei kemuni na i Tukutuku Vinaka mo ni saumaki tani kina mai na veika tawayaga vakaoqo, ka vakanamata vua na Kalou bula, o koya sa bulia na lomalagi kei na vuravura, kei na wasawasa kei na veika kecega sa tu kina.

Vakarua 32:4

“Sa nomuni i sasabai kaukauwa o Jiova, ka sa uasivi sara ka dodonu na nona sala kecega; Sa yalodina ka dauvosa vakadodonu na nomuni Kalou, ka sa vakayacora na cakacaka dodonu ka savasava.

Vakarua 5:26

O cei na tamata sa rogoca na domo ni Kalou mai na loma ni bukawaqa ka qai bula tiko me vakataki keda?

1 Cesalonaika 1:9

Era sa dau veivosakitaka o ira kece na tamata e kea na nomuni ciqomi keitou ena gauna keitou a sikovi kemuni kina, kei na nomuni a saumaki mai na veimatakau ki vua na Kalou, mo ni qarava kina na Kalou bula ka dina;

1 Timoci 1:17

Me rokovi ka dokai na Tui ni veitabagauna kecega, o koya sa sega ni mate rawa ka sa sega talega ni raici rawa ena mata, o koya na Kalou e duabau ga — io me vakacerecerei ka tawamudu! Emeni!

1 Timoci 6:17

Vunauci ira era sa vutuniyau ena veika ni vuravura oqo me ra kakua ni qaciqacia se vakararavi ki na i yau sa sega ni tudei, ia me ra vakararavi ga vua na Kalou, o koya sa solia walega vakayauyau na veika kecega vei keda me da marau kina.

Iperiu 10:31

Sa dua na ka vakadomobula me da lutu ki na liga ni Kalou bula!

Josua 3:10

Oqo na i vakatakilakila o ni na kila kina ni sa tu vata kei kemuni o Jiova na Kalou bula, ka na vakasavi ira vakaidina na Kenanaiti, na Itaiti, na Ivaiti, na Perisaiti, na Kakesaiti, na Amoraiti kei ira na Jepusaiti mai na matamuni o koya.

1 Joni 5:20

Eda sa kila ni sa lako mai na Luve ni Kalou ka sa solia vei keda na yalomatua, me da kilai koya rawa kina na Kalou dina. Eda sa bula ga vua na Kalou dina, ka sa semati vata kei na Luvena o Jisu Karisito. Sa i koya oqo na Kalou dina, ka sai koya oqo na bula tawamudu.

Vakatakila 20:11

Au a qai raica e dua na i dabedabe vulavula levu vakatui kei koya sa dabe tiko kina. E rau sa dro tani mai vua o lomalagi kei vuravura ka rau sa yali vakadua sara yani.

Dauveilewai 5:4

I Jiova, ena nomuni a biuti Ului Sia, ena nomuni lesu mai na yasana vaka-Itomi, a sa sautaninini o vuravura, ka tau na uca mai lagi. Io, sa sovaraki na wai mai na dela ni veio.

1 Samuela 17:26

A sa tarogi ira na tamata ka ra tu volekati koya o Tevita, ka kaya, “A cava beka na ka ena soli vua na tamata ena vakamatea na kai Filisitia oqo, ka kauta tani na i rogorogo ca mai vei ira na Isireli? O cei sara mada na kai Filisitia tawa cili oqo me mai vosa veibeci ki na nona mataivalu na Kalou bula?”

1 Samuela 17:36

Sa vakamatea oti na laione kei na bea na nomuni tamata, ka'u na vakamatea vakakina na kai Filisitia tawa cili oqo, ni sa beca na mataivalu i Jiova na Kalou bula.