Jeremaia 1:9 - Vakavakadewa Vou kei na iVola tale eso

⁹ A qai dodoka mai na ligana o Jiova, ka tara na tebe ni gusuqu, ka kaya vei au, “Raica, au sa tauca na noqu vosa ena gusumu,

Ai Vola Tabu (Vakadewa Makawa Vakavoutaki 2021)

⁹ A sa dodoka mai na ligana ko Jiova, ka tara na gusuqu; ka sa kaya vei au ko Jiova, “Raica, ka'u sa tauca na noqu vosa ki na gusumu.

AI VOLA TABU

⁹ A sa dodoka mai na ligana ko Jiova, ka tara na gusuqu. A sa kaya vei au ko Jiova, Raica, kaʼu sa tauca na noqu vosa ki na gusumu.

Vakavakadewa Makawa

⁹ A sa dodoka mai na ligana ko Jiova, ka tara na gusuqu. Ka sa kaya vei au ko Jiova, Raica, ka'u sa tauca na noqu vosa ki na gusumu.

Ai Vola Tabu Ena Vakavakadewa Vou

⁹ A qai dodoka mai na ligana ko Jiova, ka tara na tebe ni gusuqu, ka kaya vei au, “Raica, au sa tauca na noqu vosa ena gusumu,

Jeremaia 1:9 Iomraidhean Croise

Aisea 49:2

A sa cakava na noqu vosa me gagata vaka na i seleiwau, Ka sa taqomaki au ena ligana. Sa buli au me vaka na gasau ni dakaititi, Sa gagata ka vakarau me vanataki.

Aisea 50:4

Sa vakavulici au o Jiova ena ka me'u kaya Me rawa ni'u vakaukauwataki ira kina era sa oca. Sa vakauqeti au ena veimataka, Me'u rogoca na ka ena vakavulica vei au.

Aisea 51:16

Au a tevuka yani na lomalagi Ka bulia na yavu kei vuravura; Ka'u kaya ki Saioni, ‘Oi kemuni na noqu tamata! Au a solia vei kemuni mo ni na noqu i vakavuvuli Ka taqomaki kemuni ena ligaqu.’ ”

Aisea 59:21

Au na cakava kei kemuni e dua na veiyalayalati: Na yaloqu sa tu vei kemuni kei na noqu vosa au a sa solia ki na gusumuni ena sega ni takali mai vei kemuni se mai na gusudra na luvemuni se me na takali mai na gusudra na luvedra na luvemuni ena veigauna kecega ka sega ni mudu,” sa kaya o Jiova.

Jeremaia 15:19

O koya oqo sa kaya kina o Jiova, “Kevaka o na lesu mai, au na ciqomi iko tale, o na yaco tale mo noqu dauveiqaravi. Kevaka o sa tukuna ga na veika yaga ka segai na veika tawa yaga, o na yaco mo noqu parofita tale. Era na qai golevi iko mai na tamata, ka na sega tale ni yaga mo na dau lako vei ira.

Jeremaia 34:6

Ia a la'ki tukuna o Jeremaia na veika kece oqo vei Setekaia na tui mai Jerusalemi,

Jeremaia 36:2

Taura mai e dua na i vola vivigi ka vola kina na veika kece sara au tukuna me baleti Isireli kei Juta ka vakakina na veimatanitu kecega. Vola na veika kece sara au a tukuna vei iko me tekivu mai na i matai ni gauna au a vosa kina vei iko ena gauna a tui tiko kina o Josaia me yacova mai na gauna oqo.

Jeremaia 5:14

Au na cakava na noqu vosa me vaka na bukawaqa ena gusumu. Era na vaka na buka na tamata oqo, ka ra na kama ena bukawaqa.”

Isikeli 3:10

A kaya talega vei au o koya, “Luve ni tamata, mo tugana ki lomamu na veivosa kece au sa vosataka vei iko, ka me rogoca na daligamu.

Taniela 10:10

A qai tauri au e dua na liga ka vakaduri au me'u tekiduru toka e duruqu kei na duruduru ni ligaqu; ia au a sautaninini toka ga.

Taniela 10:16

A qai dodo liga mai e dua e vaka na i bulibuli ni tamata, ka tara na tebe ni gusuqu. Au a mani dalaga ka tekivu vosa sara yani. Au a kaya ki na ka e vaka na i bulibuli ni tamata ka tucake tu e mataqu, “Noqu turaga, na raivotu oqo sa vakamalumalumutaki au sara ga ka sa sega kina ni rawa me'u tarova na noqu sautaninini.

Tiko mai na Lekutu 23:5

Sa qai solia o Jiova vei Balami na i tukutuku me tukuna lesu vei Pelaki, ka vakatalai koya yani.

Maciu 10:19

Ni ra sa soli kemudou yani, dou kakua ni lomaleqataka se dou na vosa vaka e vei, se cava mo dou kaya; ni na soli vei kemudou na tiki ni gauna o ya na ka mo dou kaya.

Marika 7:33

Ia ni sa kauti koya tani vakatikitiki mai vei ira na lewe vuqa o Jisu, sa qai tara na daligana ruarua ena nona i qaqalo, ka kasivi, ka tara na yamena.

Luke 12:12

ni na vakavulici kemudou na Yalo Tabu ena gauna sara ga o ya ena ka e dodonu mo dou tukuna.”

Luke 21:15

ni'u na solia vei kemudou na gusu kei na vuku, ka na sega ni dua na nomudou meca me vorata rawa se veiletitaka.

Vakarua 18:16

Ena siga o ni a soqoni vata kina mai Ului Saineai, o ni a kerea kina mo ni kakua tale ni rogoca na vosa i Jiova se raica tale na bukawaqa ni nona i serau, de o ni mate.

Vakarua 18:17

Ia a qai kaya vei au o Jiova, Era sa kerekere vakayalomatua.

Vakarua 18:18

Au na solia vei ira e dua na parofita me vakataki iko. Au na tukuna vua na ka me kaya, ia ena tukuna o koya vei ira na tamata na veika kece au sa vakarota vua.