Jeremaia 1:8 - Vakavakadewa Vou kei na iVola tale eso

⁸ Kakua sara ni rerevaki ira, baleta ni'u na tiko kei iko me'u taqomaki iko,” a kaya o Jiova.

Ai Vola Tabu (Vakadewa Makawa Vakavoutaki 2021)

⁸ Mo kakua ni rerevaka na matadra, ni'u sa tiko vata kei iko koi au, me'u vakabulai iko, sa kaya ko Jiova.”

AI VOLA TABU

⁸ Mo kakua ni rerevaka na matadra: niʼu sa tiko kei iko koi au, me vakabulai iko, sa kaya ko Jiova.

Vakavakadewa Makawa

⁸ Mo kakua ni rerevaka na matadra: ni'u sa tiko vata kei iko koi au, me'u vakabulai iko, sa kaya ko Jiova.

Ai Vola Tabu Ena Vakavakadewa Vou

⁸ Kakua sara ni rerevaki ira, baleta ni'u na tiko kei iko me'u taqomaki iko,” a kaya ko Jiova.

Jeremaia 1:8 Iomraidhean Croise

Lako Yani 3:12

A sa kaya na Kalou, “Au na tiko kei iko, ia oqo me i vakatakilakila vei iko ni'u sa talai iko, ena nomu sa na kauti ira tani mai na tamata mai Ijipita, ia dou na mai qarava na Kalou ena ulunivanua oqo.”

Aisea 43:2

Ni o ni lako ena loma ni wai, Au na tiko kei kemuni, Kei na loma ni veiuciwai Era na sega ni luvuci kemuni. Ke o ni lako ena loma ni buka O ni na sega ni kama, Ka na sega ni kati kemuni Na yameyame ni buka.

Aisea 51:12

A sa kaya o Jiova, “Oi au ga au a vakacegui kemuni. Na cava mo ni rerevaki ira kina na tamata Ni ra sa dau mate talega, Ka ra sa sega ni bula dede cake mai vei ira na co?

Aisea 51:7

“Ni rogoci au mada oi kemuni o ni kila na ka dodonu Oi kemuni sa tu e lomamuni na noqu i vakavuvuli. Ni kakua ni rere ni ra vakalialiai kemuni Ka vakacacani kemuni na tamata.

Jeremaia 1:17

Mo yaloqaqa; lako ka la'ki tukuna vei ira na veika kece sara au a vakarota vei iko mo tukuna. Mo kakua sara ni rerevaki ira de'u na qai vakarerei iko vakalevu cake e matadra.

Jeremaia 1:19

Era na sega ni vakadrukai iko rawa, ni'u sa tikoga kei iko, sa kaya o Jiova. Au na vakabulai iko.”

Jeremaia 20:11

Ia, Turaga O ni sa totaki au, O ni sa kaukauwa ka qaqa Ka ra sa tarabe O ira kece era vakararawataki au; Era na sega sara ni qaqa. Era na vakamaduataki sara vakalevu Baleta ni ra na sega ni rawa ni qaqa. Na nodra madua Ena sega ni oti rawa Ka na sega sara ni guilecavi.

Jeremaia 30:11

Au na tiko kei kemuni Me'u vakabulai kemuni. Au na vakarusai ira Na veimatanitu kecega Ka'u a vakasavi kemuni kina; Ia au na sega ni vakarusai kemuni. Au na sega ni laivi kemuni Mo ni kakua ni totogi; Ia ni'u na totogitaki kemuni Ena vakarauta ga. Ni sai Jiova ga sa kaya oqo.”

Jeremaia 39:11

Sa qai tukuna o Nepukanesa na tui Papiloni vei Nepusaratani na turaganivalu liu na veivakaro me baleti Jeremaia.

Jeremaia 42:11

Ni kakua ni rerevaki koya na tui Papiloni, baleta ni'u sa tiko kei kemuni; au na vakabulai kemuni ka sereki kemuni mai na nona kaukauwa.

Taniela 3:17

Ia kevaka sa rawa vua na Kalou keitou sa qarava me vakabulai keitou mai na lovo bukawaqa, ka mai ligamuni talega na tui, ena vakabulai keitou dina ga.

Taniela 3:25

A tarogi ira tale na tui, ka vaka, “Ia a cava ga na vuna au sa raica kina ni sa lewe va na tamata e ratou lako wavoki tiko ena loma ni bukawaqa? E ratou sa sega ni vesu tu, ka sega ni bau dua na i vakatakilakila ni kama e kune vei iratou. Na kedratou i kava sa vaka na luve ni Kalou.”

Maciu 10:26

“O koya oqo, dou kakua ni rerevaki ira, ni sega na ka e tabonaki me na sega ni vakaraitaki, se vunitaki me na sega ni kilai.

Maciu 28:20

ka vakavulici ira me ra talairawarawa ki na veika kecega ka'u sa vakarota vei kemudou. Ka mo dou nanuma ni'u sa tiko vata kei kemudou ena veigauna kece, me yacova na i vakataotioti kei vuravura.”

Cakacaka 18:10

ni'u sa tiko vata kei iko. Ena sega ni dua ena rawa ni vakamavoataki iko, ka ni ra sa lewe levu vei ira na tiko ena koro oqo era sa noqu tamata.”

Cakacaka 26:17

Au na vakabulai iko mai vei ira na Isireli kei ira na kai matanitu tani, o ira ka'u sa na talai iko kina.

Cakacaka 4:13

Ni ra sa raica na lewe ni Matabose na nodrau doudou o Pita kei Joni, ka kila talega ni rau tamata sega ni vuli vinaka ka lewe ni vanua walega, era sa kurabui sara; ia era sa qai vakasamataka ni rau a dau tiko vata kei Jisu.

Cakacaka 4:29

Ia oqo, Turaga, mo ni raica mada na nodra veivakarerei; ka mo ni solia vei keimami na nomuni tamata na yalodoudou me keimami tukuna yani kina na nomuni vosa.

Efeso 6:20

Ena vuku ni kosipeli, au sa kena mata oi au, ka dina ga ni'u sa vesu tu. Ni masulaka me'u na vunautaka vakadoudou na kosipeli me vaka ni sa dodonu ga me vakakina.

Vakarua 31:6

Mo ni kaukauwa ka qaqa. Ni kakua ni rerevaki ira na veimatatamata oqo. O Jiova na nomuni Kalou ena tiko kei kemuni. Ena sega ni laivi kemuni se biuti kemuni.”

Vakarua 31:8

Ena liutaki iko o Jiova ka na tiko vata kei iko. Ena sega ni laivi iko se biuti iko. Mo kakua sara ni rere se yalolailai.”

Josua 1:5

I Josua, ena sega ni rawa vua e dua me vakadrukai iko ena veisiga kecega o bula kina. Au na tiko ga kei iko me vaka au a dau tiko kei Mosese ka'u na sega ni laivi iko.

Josua 1:9

Mo nanuma na noqu i vakaro, ‘Mo kaukauwa ka qaqa!’ Mo kakua ni rere se yalolailai, ni na tiko vata kei iko o Jiova na nomu Kalou ena vanua kecega o na lako kina.”