Jeremaia 1:16 - Vakavakadewa Vou kei na iVola tale eso

¹⁶ Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Ai Vola Tabu (Vakadewa Makawa Vakavoutaki 2021)

¹⁶ Ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

AI VOLA TABU

¹⁶ ia kaʼu na cavuta na noqu lewa vei ira e na vuku ni nodra ca kecega, era sa biuti au, ka vakacaudreva nai madrali boi vinaka ki na kalou tani, ka sorova na cakacaka ni ligadra.

Vakavakadewa Makawa

¹⁶ ia ka'u na tukuna na noqu lewa vei ira e na vuku ni nodra ca kecega, era sa biuti au, ka vakama nai madrali boi vinaka ki na kalou tani, ka soro ki na cakacaka ni ligadra.

Ai Vola Tabu Ena Vakavakadewa Vou

¹⁶ Au na totogitaki ira ena vuku ni nodra ca, era sa vakanadakui au ka vakacabora na i soro boi vinaka ki na veikalou tani, ka ra lotu ki na veimatakau era cakava.

Jeremaia 1:16 Iomraidhean Croise

2 Tui 22:17

Era sa biuti au ka vakacaboisoro ki na kalou tani eso, ka ra sa vakacudrui au ena cakacaka kecega ni ligadra. Sa waqa kina na noqu cudru taucoko ki na vanua oqo, ka na sega ni bokoci rawa.

2 Veigauna 15:2

ka sa lako yani me sotavi Asa. A sa kaya vua, Mo ni rogoci au mai, kemuni na tui, kei kemuni kecega na Juta kei na Penijamini. Sa tiko vata kei kemuni o Jiova kevaka o ni sa tiko vata ga kei koya. Kevaka o ni na vakasaqarai koya, ena vakatara o koya mo ni kunei koya; ia kevaka o ni biuti koya, ena biuti kemuni talega o koya.

2 Veigauna 28:2

ia sa muria ga na we ni yavadra na tui Isireli. E a cakava na matakau buli eso vei ira na Peali.

2 Veigauna 34:25

Era sa biuti au ka ra vakacaboisoro ki na veikalou tani, ka ra sa vakacudrui au kina ena cakacaka ni ligadra. Sa tubu cake vakalevu na kena waqa na noqu cudruva na vanua oqo, ka na sega ni bokoci rawa.

2 Veigauna 7:19

Ia kevaka o ni vuki tani, ka biuta na noqu i lesilesi, kei na noqu vunau ka'u sa tauca e matamuni, ka lako ka la'ki qarava na kalou tani, ka soro vei ira;

Aisea 2:8

Sa sinai na nodra vanua ena matakau, Ka ra sokalou ki na veika ga era cakava ena ligadra.

Aisea 37:19

Era sa vaka na nodra kalou na matakau ena buka ka ni ra sa sega ni kalou dina. Era sa cakava ga na tamata mai na kau kei na vatu.

Aisea 44:15

E dua na tamata e vakayagataka ena tiki ni dua na kau me buka ka qai vakayagataka e dua tale na tikina me cakava kina e dua na matakau. Eso na tiki ni kau e vakayagataka me buka me tatalai kina ka vavi madrai talega kina. Ia sa qai vakayagataka e dua tale na tikina me cakava kina e dua na matakau me vakalou kina.

Aisea 65:3

Era sa sega ni madua ni vakacudrui au. Era sa ia na vakacaboisoro ena veiwere Ka vakama na ka boi vinaka Ena veicabocabo ni soro ni veikalou tani.

Jeremaia 10:15

Era sa tawa yaga Ka dodonu me ra beci; Ena gauna era na vakaitotogitaki kina Era na rusa laivi.

Jeremaia 10:3

Sa tawa yaga na nodra lotu na tamata oqo. Sa musuki mai e dua na kau mai veikau; Ka sa sivisiviraki ena i yaya vakamatai,

Jeremaia 11:12

Era na qai lako na kai Juta kei ira na lewe i Jerusalemi ka tagica na nodra veivuke na kalou era dau vakacaboisoro kina. Ia era na sega ni vakabulai ira rawa na veikalou oqo.

Jeremaia 11:17

E a tei Isireli kei Juta o Jiova ni lewevuqa, ia oqo sa tukuna mo ni rusa. Era sa vakavuna ga vaka i ira na ka oqo baleta ni ra sa kitaka na veika ca; era sa vakacudrui au ena nodra vakacaboisoro vei Peali.”

Jeremaia 15:6

O ni sa biuti au ga; Ka vakanadakui au. O koya oqo au sa dodoka kina na ligaqu Ka vakarusai kemuni, Baleta ni'u sa oca na tarovi kemuni tiko.

Jeremaia 16:11

Ia mo qai kaya vei ira ni, Sa tukuna o Jiova. Era a biuti au na nomuni qase ka ra qara ka sokalou ki na veikalou tani. Era vakanadakui au ka sega ni muria na noqu i vakaro.

Jeremaia 17:13

O Jiova na i nuinui i Isireli; O ira kece era biuti koya Era na vakamaduataki. Era na yali Me vaka na yaca era volai Ena dela ni qele Baleta ni ra sa vakanadakuya na Turaga Na i vurevure ni wai ni bula.

Jeremaia 18:15

Ia o ira na noqu tamata Era sa guilecavi au; Era sa vakama na ka boi vinaka Ki na veimatakau. Era sa tarabe ena sala e dodonu Me ra lako kina, Era sa sega tale ni qai muri Ena veisala makawa, Era sa lako Ena veigaunisala a sega ni bau lakovi.

Jeremaia 19:4

Au na cakava na ka oqo baleta ni ra sa biuti au na tamata ka ra sa vakadukadukalitaka na vanua oqo ena nodra vakacaboisoro ki na veikalou tani, na veikalou era a sega ni bau kilai, se o ira na nodra qase kei ira na tui Juta e liu. Era sa vakasinaita na vanua oqo ena nodra dra na tamata tawa cala,

Jeremaia 2:13

Era sa vakayacora e rua na ka ca O ira na noqu tamata sa biuti au: Era sa vuki tani mai vei au, Na i vurevure ni wai bula, Ka ra sa kelia eso na taqeniwai, Na taqaniwai cicila sa sega ni tawa rawa.

Jeremaia 2:17

Sa baleti iko ga na ka oqo, Isireli! Ni o sa biuti Jiova na nomu Kalou, Ena noqu a tuberi iko voli ena sala.

Jeremaia 2:19

Na nomu i valavala ca ga ena sauti iko; Kei na nomu gole tani vei au ena vakarusai iko. O na kila vakataki iko na kena gaga kei na kena ca Na nomu vakanadakui Jiova na nomu Kalou, Ka sega ni rerevaki koya.” Sa kaya ga o Jiova na Kalou ni lewevuqa.

Jeremaia 2:28

Era sa lako kivei na kalou o ni cakava me nomuni? Ni o ni sa leqa, laiva me ra vakabulai kemuni kevaka era rawata. Juta sa rui levu na nomu kalou, me vakataka na levu ni nomu veikoro.

Jeremaia 4:12

Na cagi ena liwa mai ena lewa ni Turaga ena rui kaukauwa sara ena vuku ni ka o ya. Ia oqo na Turaga ga vaka i koya sa cavuta na i totogi oqo baleti ira na nona tamata.”

Jeremaia 4:28

“Ena tagi yaso na vuravura, Ka na loaloa mai na lomalagi” Sa i Jiova ga sa kaya vakaoqo. Ena sega ni veisautaki na lomana Sa vakatauca oti na nona lewa, Ka na sega ni veisautaka tale.

Jeremaia 44:17

Keimami na vakacaboisoro ki na kalou yalewa ka vakatokai na radini lomalagi ka sova na i soro liviraki vua, me vaka keimami a dau cakava kei ira na neimami qase, ira na neimami tui, ira na neimami i liuliu mai na veikoro e Juta kei na veigaunisala mai Jerusalemi. Ia keimami a sautu kina ena kakana, tiko vinaka ka sega na leqa.

Jeremaia 5:29

A sa kaya o Jiova, “Me'u na sega li ni lewai ira ena vuku ni veika oqo. Me'u na sega li ni ia na veivakadodonutaki ena matanitu sa vaka tu oqo?

Jeremaia 5:9

Me'u kakua li ni totogitaki ira Ena ka oqo? Me'u kakua li ni sauma ki na dua na vanua Na ka oqo?

Jeremaia 51:17

Na ka oqo Sa vakavuna me ra lialia Ka sega ni yalomatua kina Na tamata kecega; Ka ra sa vakamaduataki Na dautuki kaukamea kece Ena nodra matakau Baleta ni ra sa kalou lasu; Ka sa sega vei ira na bula.

Jeremaia 7:17

O sega ni raica na ka ra cakava tiko ena veikoro e Juta kei na veigaunisala e Jerusalemi?

Jeremaia 7:18

Era cabuka mai na gone, era vakawaqara na matadravu na tagane, ka ra bali valawa na marama me ra vavi keke baleta na kalou yalewa era vakatoka me ranadi ni lomalagi; era sova talega na waiwai dau vakacabori ki na veikalou tani me ra vakacudrui au kina.

Jeremaia 7:9

O ni butako, laba, veibutakoci, bubului vakailasu, vakacaboisoro vei Peali, ka qarava na veikalou tani o ni sega ni kila,

Isikeli 16:18

O sa kauta vakakina na nomu i sulu wa-talitali totoka ka vakaisulutaki ira kina na matakau, ka cabora vua na matakau na noqu waiwai olive kei na noqu ka ni vakaboi vinaka.

Isikeli 24:14

Oi au o Jiova, ka'u sa cavuta; ena yaco ga, ka ni'u na cakava; ka'u na sega talega ni suka ki muri, ka'u na sega talega ni vosota, ka'u na sega talega ni veivutuni; ka'u na vakataulewa vei iko me vaka na nomu i tovo, ka vaka na nomu i valavala,” sa kaya na Kalou o Jiova.

Osea 11:2

Ia na levu ga ni noqu kacivi koya, Na levu talega ni nona vuki tani mai vei au. Na noqu tamata era sa vakacaboisoro vei Peali; Era sa vakama na ka boi vinaka ki na matakau eso.

Osea 8:6

A sa cakava na matai ni Isireli e dua na matakau, ia na ka oqo sa sega sara ni dua na kalou! Na bulumakau koula sa qaravi mai Samaria ena vorolaki vakalalai!

Joeli 2:11

A sa tabalaka na domona na Kalou Ki vua sa liutaki ira na nona mataivalu; Ni sa vakaitamera na nona mataivalu, O koya sa tu vua na lewa Me vakayacora na nona vosa sa kaukauwa. Ni sa ka levu ka rerevaki na siga i Jiova; O cei ena vosota rawa?

Cakacaka 7:41

Era sa qai cakava e dua na matakau, a i vakatakarakara ni dua na luve ni bulumakau tagane, ka ra sa vakacaboisoro kina. Era sa qai cakava e dua na kena soqo ni marau me vakalagilagi kina na cakacaka ni ligadra.

Vakarua 28:20

“Kevaka o ni vakayacora na veika ca ka vakanadakui Jiova, sa na kauta mai vei kemuni na veivakarusai, na veilecayaki, ka na leqa na veika kecega o ni cakava, me la'ki yacova na nomuni sa vakarusai vakusakusa kece.

Vakarua 31:16

A qai kaya vei Mosese o Jiova, “Raica, sa toro voleka mai na gauna ni nomu mate, ka ra na sega ni dinati au na tamata oqo ena gauna o sa mate kina, ka voroka na veiyalayalati au sa vakayacora vata kei ira. Era na biuti au ka qaravi ira na veikalou tani ni vanua era sa vakarau la'ki tawana.

Josua 24:20

Kevaka o ni biuti Jiova ka qaravi ira na veikalou tani, ena qai vuki mai ka vakarusai kemuni, ka vakawabokotaki kemuni, ka dina ga ni a daucaka vinaka vei kemuni e liu.”

Vakatakila 9:20

Na vo ni kawa tamata, o ira ka sega ni vakamatei mai na ka ni veivakararawataki oqo, era sa sega ni vuki tani mai na veika era sa rawata mai na cakacaka ni ligadra. Era sa sega talega ni biuta na qaravi tevoro, se na qaravi kalou matakau eso sa buli ena koula, ena siliva, ena parasa, ena vatu, kei na kau, a veika ga sa sega ni rai rawa, se rogo, se lako.