Jeremaia 1:15 - Vakavakadewa Vou kei na iVola tale eso

¹⁵ Rogoca mada na noqu vosa. Au sa kacivi ira kece sara na tui ni veimatanitu mai cake vaka ki na vualiku. Era na lako mai ka tara na nodra i tikotiko vakatui ena matamata mai Jerusalemi me wavokita na kena bai, ena vaka talega kina na bai ni veikoro e Juta.

Ai Vola Tabu (Vakadewa Makawa Vakavoutaki 2021)

¹⁵ Ni'u na kacivi ira kece na veimataqali ni veimatanitu mai na vualiku, sa kaya ko Jiova; a ra na lako mai, ka ra na dui vakatura na nodra i tikotiko vakaturaga e na matamata-ni-koro mai Jerusalemi, kei na kena bai kecega e vakavolivolita, kei na veikoro vaka-Juta kecega.

AI VOLA TABU

¹⁵ niʼu na kaciva kece dina ga na mataqali ni veimatanitu mai na tokalau, sa kaya ko Jiova; a ra na lako mai, a ra na dui viritura na nodrai tikotiko vakaturaga ki na matamata-ni-koro ko Jerusalemi, kei na kena bai kecega e volita, kei na Veikoro vakadula kecega:

Vakavakadewa Makawa

¹⁵ ni'u na kacivi ira kece na veimataqali ni veimatanitu mai na tokalau, sa kaya ko Jiova; a ra na lako mai, ka ra na dui vakatura na nodra i tikotiko vakaturaga e na matamata-ni-koro mai Jerusalemi, kei na kena bai kecega e vakavolivolita, kei na veikoro vaka-Juta kecega:

Ai Vola Tabu Ena Vakavakadewa Vou

¹⁵ Rogoca mada na noqu vosa. Au sa kacivi ira kece sara na tui ni veimatanitu mai cake vaka ki na vualiku. Era na lako mai ka tara na nodra i tikotiko vakatui ena matamata mai Jerusalemi me wavokita na kena bai, ena vaka talega kina na bai ni veikoro e Juta.

Jeremaia 1:15 Iomraidhean Croise

Aisea 22:7

Sa robota na veibuca bulabula e Juta na kareti Ka ra sa la'ki tu na sotia vodo ose ena matamata kei Jerusalemi.

Jeremaia 10:22

Ni rogoca! E dua na rorogo sa lako tiko mai Sa dua na matanitu mai cake, Vaka ki na vualiku. Na kena mataivalu ena vakavuna Na veikoro e Juta me vanua lala, Ka me nodra i tikotiko na koli.

Jeremaia 10:25

Ni sovaraka na nomuni cudru Ki na veimatanitu Sa sega ni cuva vei kemuni, Kei ira sa sega ni ciqomi kemuni. Era sa vakamatei ira na nomuni tamata; Era sa vakarusai keimami vakadua sara Ka vakaleqa vakadua na neimami vanua.”

Jeremaia 13:20

Ni raica na lewe i Jerusalemi! Era sa lako sobu mai na kemuni meca mai cake, vaka ki na vualiku. Sa e vei o ira na tamata era soli ki na ligamu? O ira na nomu tamata era vaka e dua na qele ni sipi totoka.

Jeremaia 25:28

Ia kevaka era cata ni taura na bilo mai ligamu ka gunu mai kina, ia mo tukuna vei ira na Kalou Qaqa sa kaya me ra gunu ga mai kina.

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 33:10

A sa kaya o Jiova, “Era sa kaya na tamata ni sa vaka na vanua lala na vanua oqo; sa sega ni dua na tamata se manumanu me bula kina. Ia era sa dina na veikoro vaka-Juta kei na veisala ni koro o Jerusalemi sa lala tu ga ka sega na tamata se manumanu e bula kina.

Jeremaia 34:1

A sa vosa vei Jeremaia na Turaga o Jiova ena gauna e a samuti Jerusalemi tiko kina kei na kena veikoro voleka o Nepukanesa na tui Papiloni, na veimataivalu kece ni veivanua kei na veimatanitu era qali tu vua.

Jeremaia 34:22

Au na vakarota ka ra na lesi mai ki na koro oqo. Era na samuta ka vakadruka, ka ra na vakama. Au na cakava na veikoro e Juta me vaka na vanua lala e sega ni dua e bula kina.”

Jeremaia 39:3

Ena gauna a vakadrukai kina o Jerusalemi era a qai lako na nona vakailesilesi cecere kecega na tui Papiloni ka la'ki tiko ena matamata ni koro e loma: o Nekali Sarisa, Samaka Nipa, Sasikimi kei na dua tani tale na Nekali Sarisa.

Jeremaia 4:16

A sa kaya o Jiova, “E rau sa kaya ki na veimatanitu ka tukuna ki Jerusalemi ni sa lako tiko na meca mai na dua na vanua vakayawa. Era na bolebole na veikoro e Juta,

Jeremaia 4:6

Dusia na sala ki Saioni! Ni dro mo ni bula! Kakua na wawa! Sa kauta mai na ca o Jiova, Kei na veivakarusai levu mai cake, Vaka ki na vualiku.

Jeremaia 43:10

Ia mo qai tukuna vei ira ni a tukuna na Turaga Qaqa na nodra Kalou na Isireli. Au na kauta mai na noqu dauveiqaravi o Nepukanesa na tui Papiloni. Ena mai vakadabera na nona i tikotiko vakatui ena dela ni veivatu oqo, ka na birika ena delana na nona valelaca vakaturaga vakatui.

Jeremaia 44:6

Sa i koya na vuna au na sovaraka kina na noqu cudru kei na noqu rarawa ka vakama na veikoro e Juta kei na veigaunisala mai Jerusalemi. Era sa rusa ka rairai vakaloloma tu na kedra i rairai me yacova mai na siga oqo.

Jeremaia 46:24

Era na vakamaduataki na lewe i Ijipita; Era na soli yani ki na ligadra na tamata Mai na yasana vaka ki na vualiku. Sa i Jiova ga sa kaya oqo.”

Jeremaia 5:15

Kemuni na Isireli sa kauta mai o Jiova e dua na matanitu mai na vanua yawa me valuti kemuni. E dua na matanitu qaqa ka matanitu makawa, e dua na matanitu o ni sega ni kila na nodra vosa, o ni sega talega ni kila na ka ra kaya.

Jeremaia 6:22

A sa kaya o Jiova, sa lako mai na tamata mai na dua na matanitu mai cake, vaka mai na vualiku; e dua na matanitu sa qaqa ka vakarau ia na i valu.

Jeremaia 9:11

A sa kaya o Jiova, “Au na vukici Jerusalemi Me dua na i binibini Ka sa rusa me dua na vanua Me nodra i tikotiko na koli; Kei na veikoro e Juta Me dua na vanua lala.”

Lele i Jeremaia 5:11

Era sa kucuvi na yalewa mai Saioni, Kei na goneyalewa ena veikoro e Juta.

Isikeli 32:30

“Era sa tiko mai kea o ira kece na turaga mai na vualiku, kei ira kecega na kai Saitoni, o ira ka ra sa lako yani ena madua vata kei ira na vakamatei, ena vuku ni taqaya levu ka ra vakavuna ena nodra kaukauwa; ka ra koto ka ra sega tu ni cili kei ira era vakamatei ena i seleiwau; ka ra colata vata na nodra madua kei ira era lako sobu ki na vuravura ni mate.

Joeli 2:20

“Au na kauti tani na mataivalu qele ni vodre sa lako mai na vualiku; Ka'u na vakatala eso vei ira ki na vanua lala, Na i yatu e liu era na vakatalai ki na Waitui Mate, Kei na i yatu e muri ki na Meditereni. Ena tete na boi ca ni yagodra mate. Au na vakarusai ira ena vuku ni veika era sa cakava vei kemudou.

Sakaraia 6:6

Na qiqinivalu ka dreta tiko na ose loaloa sa lako ki na vualiku, ki Papiloni; o iratou na ose vula e ratou lako tiko ki na ra; ka ratou sa lako ki na vanua mai na ceva na ose tavutonotono, ia o iratou na ose damu e ratou gole tiko ki na tokalau.