Jeremaia 1:11 - Vakavakadewa Vou kei na iVola tale eso

¹¹ A qai tarogi au o Jiova, “Jeremaia, a cava o sa raica?” Au mani sauma ka kaya, “E dua na taba ni amodi”

Ai Vola Tabu (Vakadewa Makawa Vakavoutaki 2021)

¹¹ A sa yaco vei au na vosa i Jiova, ka vaka, “I Jeremaia, a cava ko sa raica?” Au a kaya, “E dua na taba ni amodi ka'u sa raica.”

AI VOLA TABU

¹¹ A sa yaco vei au na vosa i Jiova, ka vaka, Jeremaia, a cava ko sa raica? Au a kaya, E dua na taba ni amodi kaʼu sa raica.

Vakavakadewa Makawa

¹¹ A sa yaco vei au na vosa i Jiova, ka vaka, I Jeremaia, a cava ko sa raica? Au a kaya, E dua na taba ni amodi ka'u sa raica.

Ai Vola Tabu Ena Vakavakadewa Vou

¹¹ A qai tarogi au ko Jiova, “Jeremaia, a cava o sa raica?” Au mani sauma ka kaya, “E dua na taba ni amodi”

Jeremaia 1:11 Iomraidhean Croise

Vakatekivu 30:37

Sa qai taura o Jekope eso na taba ni popila drokadroka, kei na taba ni amodi, kei na taba ni ivi ni vavalagi; a sa karia laivi vakatikina na kulina, ka me rawa ni laurai na vulavula veivolavolai.

Aisea 55:11

Ena vaka talega kina na noqu vosa sa lako mai gusuqu; Ena sega ni lesu lala mai vei au; Ia ena vakayacora na veika ka'u sa nakita, Ka rawata na veika ka'u a tala kina.

Jeremaia 24:3

A sa kaya vei au o Jiova, “A cava o sa raica Jeremaia?” Au a kaya, “Na lolo, na vua ni lolo vinaka sara, kei na vua ni lolo ca sa rui ca sara ka sega ni laukana rawa.”

Isikeli 12:25

Ni sai au o Jiova, au na vosa vei ira, ia na vosa au na cavuta ena yaco vakaidina. Ena sega ni vakaberaberataki tale. Ia ena nomuni gauna ga, oi kemuni na tamata talaidredre, ka'u na cavuta kina na vosa ka vakayacora sara,” a sa kaya na Kalou o Jiova.

Isikeli 12:28

O koya oqo mo kaya kina vei ira, sa kaya vakaoqo na Kalou o Jiova: ‘Ena sega ni vakaberaberataki tale e dua na noqu vosa, ia na vosa au sa cavuta ena vakayacori ga, sa kaya na Kalou o Jiova.’ ”

Isikeli 7:10

Raica, na kena siga! Sa yaco mai oqo na siga ni rarawa. Sa tubu cake ga na i vakarau kaukauwa. Sa tu sara ena dua na delana cecere na dokadoka viavialevu.

Emosi 7:8

A sa tarogi au o koya, “I Emosi, na cava o sa raica?” Au a qai kaya, “E dua na vatu ni vakarau.” Sa qai kaya na Turaga, “Raica, au sa vakayagataka tiko oqo me'u dusia ni o ira na noqu tamata era sa vaka na lalaga sa sega ni vakarautaki donu. Au sa sega talega ni qai veisautaka na lomaqu me baleta na noqu totogitaki ira.

Emosi 8:2

A sa tarogi au o Jiova, “I Emosi, na cava o raica tiko oqori? Au a kaya, “E dua na basikete vuata.” Sa qai kaya vei au o Jiova, “Sa yaco mai oqo na i vakataotioti vei ira na noqu tamata na Isireli. Au na sega ni veisautaka tale na lomaqu me baleta na nodra cudruvi.

Sakaraia 4:2

A tarogi au o koya, “A cava o bau raica? Au a qai kaya vua, “E dua na i tutu ni cina koula. E toka e delana e dua na bilo ka dau tawa kina na waiwai, kei na vitu na cina, ka yavitu na matadratou na cina yadua.

Sakaraia 5:2

A qai taroga na agilosi na veika ka'u a raica. Au a kaya, “E dua na i vola vivigi sa cagina voli e macawa; sa 9 na mita na kena balavu ka 4.5 na mita na kena raba.”

Tiko mai na Lekutu 17:8

Ena mataka cake ni siga e tarava, ni sa curu ki na vale tabu o Mosese, sa raica ni sa cadra mai na draunikau ena i titoko nei Eroni mai na mataqali i Livai. Sa tubu cake vinaka sara na drauna kei na tabana, ka sa vuataka eso na amodi dreu.