Jeremaia 1:10 - Vakavakadewa Vou kei na iVola tale eso

¹⁰ Au sa solia vei iko edaidai na kaukauwa mo lako ki na veivanua kei na veimatanitu, mo cavuraka, ka talaraka sobu, mo basuraka ka vakarusa mo tara cake ka tea.”

Ai Vola Tabu (Vakadewa Makawa Vakavoutaki 2021)

¹⁰ Raica, ka'u sa lesi iko e na siga oqo ki na veivanua kei na veimatanitu mo cavuta laivi ka basuka, ka vakarusa, ka talaraka, ka tara, ka tea.”

AI VOLA TABU

¹⁰ Raica, kaʼu sa lesi iko e na siga o qo ki na veivanua kei na veimatanitu, me cavuta, ka basuka, ka vakarusa, ka talaraka, ka tara, ka tea.

Vakavakadewa Makawa

¹⁰ Raica, ka'u sa lesi iko e na siga oqo ki na veivanua kei na veimatanitu mo cavuta laivi, ka basuka, ka vakarusa, ka talaraka, ka tara, ka tea.

Ai Vola Tabu Ena Vakavakadewa Vou

¹⁰ Au sa solia vei iko edaidai na kaukauwa mo lako ki na veivanua kei na veimatanitu, mo cavuraka, ka talaraka sobu, mo basuraka ka vakarusa mo tara cake ka tea.”

Jeremaia 1:10 Iomraidhean Croise

1 Tui 17:1

E dua na parofita ka yacana o Ilaijia, a kai Tisipa mai Kiliati o koya, a sa kaya vei Eapi na tui, “Me vaka sa bula o Jiova na nodra Kalou na Isireli, o koya au sa qarava, au sa tukuna kina vei iko ni na sega ni lutu na tegu se tau na uca ena loma ni rua se tolu na yabaki mai oqo, me yacova na gauna au na kaya tale kina.”

1 Tui 19:17

O koya yadua sa dro mai na veivakamatei i Eseeli, ena qai vakamatea o Jeu; ia o koya sa dro bula mai vei Jeu ena qai vakamatea o Ilaisa.

Dauvunau 3:3

Na gauna ni veivakamatei, kei na gauna ni veivakabulai; Na gauna ni basuraka sobu na ka, kei na gauna ni tara cake na ka;

Jeremaia 1:5

Ni bera ni'u buli iko ena kete i tinamu au sa digitaki iko, ni o se bera ni sucu mai au sa vakatabui iko; ka digitaki iko mo parofita ki na veimatanitu.”

Jeremaia 24:6

Au na raica me ra vinaka kina, ia au na kauti ira tale mai ena vanua oqo. Au na tarai ira cake tale ka sega ni basuraki ira sobu, ia au na tei ira tale ka sega ni veti ira laivi.

Jeremaia 25:13

A na vakayacora ena vanua o ya na ka kece au a kaya, na ka kece e volai tu ena i vola oqo, na ka kece e a vosataka o Jeremaia me baleti ira na veimatanitu oqo.

Jeremaia 31:28

Ia me vaka ga na noqu qarauna me'u cavuta laivi, basuka sobu, talaraka, ka yanaraka, au na qarauna talega me'u na tea, ka tarai ira cake.”

Jeremaia 31:40

Ia na buca kece sara ni yago ni mate, na dravusa kei na vanua taucoko ena dela ni uciwai na Kitironi me yaco sara ki na Matamata ni Ose vaka ki na tokalau ena vakatabui me nona na Turaga. Ena sega tale ni basuraki na koro oqo se vakarusai ena dua na gauna.”

Jeremaia 36:2

Taura mai e dua na i vola vivigi ka vola kina na veika kece sara au tukuna me baleti Isireli kei Juta ka vakakina na veimatanitu kecega. Vola na veika kece sara au a tukuna vei iko me tekivu mai na i matai ni gauna au a vosa kina vei iko ena gauna a tui tiko kina o Josaia me yacova mai na gauna oqo.

Jeremaia 44:27

Au na raica tiko mo ni kakua sara ni toro cake, ia mo ni vakarusai ga. O ni na mate kece sara na lewe i Juta o ni tiko e Ijipita ena i valu se ena mate ca me yacova ni sa sega ni vo e dua vei kemuni.

Jeremaia 45:4

Sa kaya o Jiova, “Tukuna oqo vua: ‘Oqo na ka sa kaya o Jiova: Au na vakarusa na veika au a tara ka cavuraka na veika kau au a tea, ena loma ni vanua taucoko.

Isikeli 21:19

“Luve ni tamata, mo vakatakilakilataka e rua na sala me muria yani na nona i seleiwau na tui Papiloni; e duabau ga na vanua e rau vu ruarua mai kina. Ia mo vakaduria e dua na i dusidusi ni sala, ka kelea ena mua ni sala ki na koro;

Isikeli 23:36

Sa kaya tale vei au na Kalou o Jiova: “Luve ni tamata, o na vakataulewa li vei rau o Aola kei Aolipa? Ia mo tukuna vei rau na nodrau i valavala vakasisila.

Isikeli 32:18

Luve ni tamata, mo tagicaki ira na lewe vuqa ni Ijipita, ka biuti ira sobu, o koya kei ira na gone yalewa ni veimatanitu rogo, ki na ruku ni vuravura, vei ira era sa lako sobu ki na nodra vuravura na mate.

Isikeli 36:36

Era na qai kila na kena vo ni veimatanitu ka ra tiko vakavolivoliti kemuni, ni sai au o Jiova ka tara vou tale na veikoro ka ra a rusa tu, ka teivaka vou tale na vanua ka lala tu; oi au o Jiova, ka'u sa kaya, ka'u na cakava talega.”

Isikeli 43:3

Ia na raivotu ka'u a raica, sa rairai tautauvata kei na raivotu ka'u a raica ni sa lako mai o koya me mai vakarusa na koro: ia na raivotu oqo sa vaka na kena ka'u a raica ena uciwai o Kipa; ka'u sa cuva vakatoboicu kina.

Osea 6:5

O ya na vuna ka'u a talai ira yani kina na parofita vei kemuni me ra tukuna na i tukutuku ni veilewai kei na veivakarusai. Na veika ga ka'u sa gadreva vakamatata mai vei kemuni oqo:

Emosi 3:7

E dina sara, ni sa sega mada ni vakayacora e dua na ka na Turaga o Jiova kevaka e sega mada ni se vakaraitaka na nona i naki vei ira na nona tamata na parofita.

Emosi 9:11

A sa kaya o Jiova, “Ena yaco mai na siga ka'u na vakaduria vou tale kina na matanitu i Tevita, ka sa vaka e dua na vale sa vakacacani sara vakaca. Au na vakavinakataka tale na kena lalaga kabasu, ka'u na vakaduria na tikina sa rusa. Au na vakavouia tale me vaka ga na kena i tuvaki e liu.

Sakaraia 1:6

Ia na i vakasala kei na i vakaro kecega au a solia yani mai vei ira na noqu tamata na parofita sa la'ki toboki ira na nomuni qase ka totogitaki ira. Ia e muri, era sa qai veivutuni ka vakadinadinataka ni oi au ga, o Jiova ni lewevuqa, au a totogitaki ira me veiganiti kei na nodra i tovo, me vaka ni a sa noqu i naki tudei me'u vakayacora vaka kina.’”