Jemesa 4:2 - Vakavakadewa Vou kei na iVola tale eso

² O ni dau gadreva na veika eso, ia o ni sega ni rawata, ka o ni sa via veivakamatei kina; sa sega ni rawa mo ni taukena, ka o ni sa veiba ka veivala kina. O ni sa sega ni rawata na veika o ni gadreva baleta ni o ni sega ga ni kerea vua na Kalou.

Ai Vola Tabu (Vakadewa Makawa Vakavoutaki 2021)

² Dou sa kocokoco ka sega ni rawata, ka dou sa veivakamatei kina. Ka dou sa daugagadre ka sega ni taura rawa me nomudou, ka dou sa veivala ka veiba kina. Dou sa sega ni rawata, ni dou sa sega ni kerekere.

AI VOLA TABU

² Dou sa kocokoco, ka sega ni rawata: dou sa ravuravu, ka dauvuvu, ka sega ni taura rawa me nomudou: dou sa veivala ka veiba, ia dou sa sega ni rawata kina, e na vuku ni dou sa sega ni kerekere.

Vakavakadewa Makawa

² Dou sa kocokoco, ka sega ni rawata: dou sa ravuravu, ka daugagadre, ka sega ni taura rawa me nomudou: dou sa veivala ka veiba, ia dou sa sega ni rawata, ni dou sa sega ni kerekere.

Ai Vola Tabu Ena Vakavakadewa Vou

² O ni dau gadreva na veika eso, ia o ni sega ni rawata, ka o ni sa via veivakamatei kina; sa sega ni rawa mo ni taukena, ka o ni sa veiba ka veivala kina. O ni sa sega ni rawata na veika o ni gadreva baleta ni o ni sega ga ni kerea vua na Kalou.

Jemesa 4:2 Iomraidhean Croise

1 Tui 21:6

A sa kaya vua o Eapi, “Baleta na veika e tukuna vei au o Nepoci na kai Jesireli. Au a vakaraitaka vua na noqu via volia na nona loganivaini, se me'u vakaisosomitaka ena dua tale; ia, sa qai tukuna lesu mai vei au ni'u sega ni rawa ni taukena.”

Vosavakaibalebale 1:19

E dau vakavuqa me butakoci talega na nodra bula na daubutako, me i tinitini ni yalo kocokoco vei ira era vakaitavi kina.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Aisea 7:12

A qai kaya o Easi, “Au na sega ni kerea e dua na i vakatakilakila. Au na sega ni via vakatovolei Jiova.”

Apakuki 2:5

Sa dau veivakacalai na i yau. O ira na tamata kocokoco era tamata dokadoka ka ra sega ni tiko dei - me vakataki mate, era sa sega ni dau mamau rawa. O ya na vu ni nodra dau la'ki valuti ira tiko na veivanua tale eso me baleti ira ga.

Joni 16:24

Me yacova mai oqo, dou sega mada ni sa bau kerea e dua na ka ena yacaqu. Dou kerekere, ka na yaco vei kemudou, me ka taucoko kina na nomudou marau.

Joni 4:10

Sa qai sauma o Jisu ka kaya vua, “Kevaka walega o sa kila na i solisoli ni Kalou kei koya sa kere gunu tiko oqo vei iko, ke o sa kerekere vua, ena solia vei iko o koya na wai ni bula.”

Jemesa 1:5

Kevaka sa lailai na vuku vua e dua vei kemuni, me masulaka ga vua na Kalou, ni na soli ga vua; baleta ni sa dau lomasoli ka yalovinaka na Kalou ena soli-ka vei ira kecega na tamata.

Jemesa 5:6

O ni sa ia na veibeitaki ka vakamatei ira sa sega na nodra cala, ka ra sa sega ni bau veivorati kei kemuni.

1 Joni 3:15

O ira kecega sa cata na wekadra era sa daulaba, ka o ni sa kila ni sa sega sara ni tiko e lomana na daulaba na bula tawamudu.