Isikeli 9:2 - Vakavakadewa Vou kei na iVola tale eso

² Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Ai Vola Tabu (Vakadewa Makawa Vakavoutaki 2021)

² Ka raica, e lewe ono na tagane eratou sa lako mai na yasana e vaka ki na matamata-ni-koro e cake, sa donuya na vualiku, ka ratou sa dui taura yadua e ligana na nona i yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na kato ni yaya ni volavola. A ratou sa curu ki loma, ka duri volekata nai cabocabo-ni-soro parasa.

AI VOLA TABU

² Ka, raica, e lewe ono na tagane eratou sa lako tu mai na sala mai na matamata-ni-koro ecake, sa donuya na tokalau, a ratou sa dui taura yadua na nonai yaragi dauveiyaviti e na ligana; ia e dua vei iratou na tagane sa vakaisulu e na malo, ka sa dua na nona tavaya wai ni volavola e na tolona: a ratou sa curu yani, ka tu volekata nai cabocabo-ni-soro parasa.

Vakavakadewa Makawa

² Ka raica, e lewe ono na tagane eratou sa lako tu mai na sala mai na matamata-ni-koro e cake, sa donuya na tokalau a ratou sa dui taura yadua e ligana na nonai yaragi ni ravuravu; ia e dua vei iratou na tagane sa vakaisulu e na lineni, ka sa tu vua e dua na tavaya wai ni volavola: a ratou sa curu ki loma, ka tu voleka ki nai cabocabo-ni-soro parasa.

Ai Vola Tabu Ena Vakavakadewa Vou

² Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Isikeli 9:2 Iomraidhean Croise

2 Tui 15:35

Ia a sega ni biuta tani na vanua ni vakacaboisoro ki na kalou matakau eso, ka ra tomana tikoga kina na tamata na nodra vakacaboisoro kei na vakamai ni ka boi vinaka e kea. A sa tara o Jocame na Matamata ni Vualiku ni Valenisoro.

2 Veigauna 27:3

A sa tara o Jocame na Matamata ni Valenisoro mai na vualiku ka vakaogai koya sara ena caka ni dela ni bai mai Ofeli.

2 Veigauna 4:1

Sa cakava o Solomoni na tui e dua na i cabocabonisoro parasa, e ciwa na mita na kena balavu, e ciwa na mita na kena raba, ka 4.5 na mita na kena cere.

Lako Yani 40:29

ka vakarautaka na i cabocabonisoro kama ena mata ni latilati, ka vakacabora e delana na i soro kama kei na i madrali laukana me vaka sa vakarota vei Mosese o Jiova.

Jeremaia 1:15

Rogoca mada na noqu vosa. Au sa kacivi ira kece sara na tui ni veimatanitu mai cake vaka ki na vualiku. Era na lako mai ka tara na nodra i tikotiko vakatui ena matamata mai Jerusalemi me wavokita na kena bai, ena vaka talega kina na bai ni veikoro e Juta.

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 26:10

Ia ni ra sa rogoca na nodra i liuliu e Juta na ka sa yaco era a biuta na nodra i tikotiko vakaturaga ka la'ki tiko ena nodra i dabedabe mai na katuba ni Matamata Vou ni Valenisoro.

Jeremaia 4:6

Dusia na sala ki Saioni! Ni dro mo ni bula! Kakua na wawa! Sa kauta mai na ca o Jiova, Kei na veivakarusai levu mai cake, Vaka ki na vualiku.

Isikeli 10:2

A vosa vua na tamata vakaisulu lineni, ka kaya, “Mo curu mada ena maliwa ni qiqi e rukudratou na jerupi ka vakasinaita na ligamu ena qilaiso waqa. Mo qai kaburaka yani na qilaiso ki na koro.” Au a vakaraici koya voli ni sa lako yani.

Isikeli 8:3

A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Isikeli 9:11

Raica, sa mai tukutuku tale na tamata vakaisulu lineni, ka taura tu na nona kato ni yaya ni volavola, ka kaya, “Au sa cakava me vaka o ni sa vakarota vei au.”

Isikeli 9:3

Ia na lagilagi ni Kalou i Isireli sa tubu cake mai na dela ni jerupi, na vanua e a koto kina, ka sa toso yani ki na i curucuru ki na Valenisoro. A sa qai kacivi koya sa vakaisulu lineni ka toka e dua na kato ni volavola na Kalou,

Taniela 10:5

Au a rai cake ka'u raica sara e dua na tamata e vakaisulu tu ena i sulu lineni ka vauci tu na tolona ena dua na kena i vau koula.

Taniela 12:6

Sa qai taroga e dua vei rau vei koya na agilosi ka tucake tu ena uciwai vakalailai ki cake, “A cava na kena dede me sa na qai oti kina na veika veivakurabuitaki oqo?”

Vunau ni Soro 16:4

Sa qai solia o Jiova na i vakaro oqo. Ni bera ni curu o Eroni ki na loma ni Tikina Tabu Sara, e dodonu me sisili taumada ka daramaka na nona i sulu tabu vakabete: na kote lineni tabu kei na tarausese lineni lekaleka, na i oro lineni e tolona, kei na i sulu lineni me vau e uluna me vaka na i sala.

Emosi 9:1

Au a raica na Turaga ni sa tucake tu ena yasa ni cabocabonisoro. A sa solia na i vakaro: “Mo samuta vakaukauwa na domo ni duru me sakure. Voroki ira tani mai ka me lutuka na buradeladra na tamata. Au na qai vakamatei ira na kena vo ena i valu. Ena sega ni dua e dro bula rawa, ka na sega talega ni vakabulai o koya e mani dro.

Vakatakila 15:6

E ratou sa qai curu mai ki tautuba ni valenisoro o iratou na agilosi e lewe vitu ka sa tiko vei iratou na ka ni veivakararawataki e vitu, eratou sa vakaisulu ena i sulu lineni vulavula savasava, ka sa vakaioro na lomaseredratou ena i oro koula.