Isikeli 8:3 - Vakavakadewa Vou kei na iVola tale eso

³ A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Ai Vola Tabu (Vakadewa Makawa Vakavoutaki 2021)

³ A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni vualiku; a sa tu mai kina nai tikotiko ni matakau ni veivuvutaki, sa vakatubura na veivuvutaki.

AI VOLA TABU

³ A sa dodoka mai ka vaka sa ligana, ka tauri au e na drau ni uluqu; a sa laveti au cake na Yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro kiloma sa donuya na mata ni tokalau; a sa tu maikina nai tikotiko ni matakau i na Vuvu, e sa ia na vei vakavuvutaki.

Vakavakadewa Makawa

³ A sa dodoka mai na yaloyalo ni dua na liga, ka tauri au e na tobe ni uluqu; a sa laveti au cake na yalo e na maliwa kei vuravura kei lomalagi, a sa kauti au e na raivotu ni Kalou ki Jerusalemi, ki na matamata-ni-koro ki loma sa donuya na mata ni tokalau; a sa tu maikina nai tikotiko ni matakau i na Vuvu, sa vakatubura na veivakavuvutaki.

Ai Vola Tabu Ena Vakavakadewa Vou

³ A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Isikeli 8:3 Iomraidhean Croise

1 Tui 18:12

Ena gauna ga e daru veitalatala kina, ena kauti iko tani na Yalo i Jiova, ka'u na sega ni kila se o na kau ki vei; ia ni'u sa lako ka tukuna vei Eapi, ka sega ni kunei iko o koya, ena qai vakamatei au, ia sa dina ga ni o au na nomu tamata, ka'u sa rerevaki Jiova ni'u sa cauravou ka yacova na gauna oqo.

2 Tui 16:14

Na i cabocabonisoro parasa sa cabori vei Jiova sa toka ena maliwa ni i cabocabonisoro vou kei na Valenisoro, ka mani tosoya o Easi na i cabocabonisoro oqo ki na yasana ena vualiku ni nona cabocabonisoro vou.

2 Tui 2:16

Era a kaya vua, “Raica, era sa tiko kei keitou oqo e lewe limasagavulu na nomu tamata kaukauwa; keitou kerea me ra lako mada ka la'ki vakasaqarai koya na nomu turaga, de kauti koya cake na Yalo i Jiova, ka qai la'ki biuti koya ki na dua na ulunivanua, se ki na dua na buca.” A sa kaya o Ilaisa, “Ni kakua ni lako.”

2 Tui 21:7

A vakatikora na matakau ni kalou yalewa o Asera ena loma ni Valenisoro; oqori ena vanua sa tukuna kina o Jiova vei rau o Tevita kei Solomoni na luvena na vosa oqo: “Ena i tikotiko oqo e Jerusalemi, na Valenisoro sai koya na vanua digitaki mai na nodra vanua raraba na mataqali i Isireli e tinikarua, me vanua me'u na dauqaravi kina.

NA SAME 78:58

Era sa vakacudrui koya ena nodra veivanua ni qaravi kalou tani, Ka vakavuvutaki koya ena nodra matakau;

Lako Yani 20:4

Mo ni kakua ni bulia me nomuni kalou na i vakatakarakara eso ni dua na ka mai lomalagi e cake, se dela i vuravura e ra, se mai na loma ni wai e rukui vuravura.

Lako Yani 20:5

Mo ni kakua ni cuva sobu ki na dua na matakau se mo ni qarava, baleta ni'u sa Kalou vuvu oi au o Jiova na nomuni Kalou. Au sa cudruvi ira era sa cati au, ka'u na sauma na nodra caka ca vei ira na luvedra ka yacova na i katolu kei na i kava ni tabatamata.

Lako Yani 34:14

Kakua ni qarava e dua na kalou tani baleta ni'u sa Kalou vuvu oi au, o Jiova.

Jeremaia 32:34

Era sa bau vakacuruma na veimatakau au cata ena Valenisoro ka a tara ena yacaqu, ka ra sa vakadukadukalitaka.

Jeremaia 7:30

Era sa cakava e dua na ka ca na tamata e Juta. Era sa vakadukadukalitaka na noqu vale tabu ni ra la'ki vakatikora kina na nodra matakau au sevaka.

Isikeli 1:1

Ena i kalima ni siga ni i kava ni vula ena i katolusagavulu ni yabaki, ni'u a tiko kei ira na bobula mai na Uciwai o Kipa, a qai tadola na lomalagi, ka'u a raica na raivotu ni Kalou.

Isikeli 10:3

Ena gauna vata oqo, e ratou sa tu na jerupi ena yasa vaka ki na ceva ni Valenisoro ni sa curu yani na tamata; a sa qai vakasinaiti na lomanibai e loma ena o.

Isikeli 11:1

A sa laveti au cake na Yalo ni Kalou ka kauti au ki na matamata vaka ki na tokalau ni Valenisoro i Jiova. Au a qai raica ni ra sa tu mai na matamata ni koro e lewe ruasagavulu kalima na tamata, ka tiko vata kei ira o Jesenaia na luve i Asuri kei Pelataia na luve i Penaia, e rua na vakailesilesi liu ni matanitu.

Isikeli 11:24

A qai laveti au cake na Yalo ni Kalou ka kauti au yani ki Papilonia, ena raivotu, vei ira sa tiko vakabobula. A sa qai lako tani mai vei au na raivotu,

Isikeli 2:9

Au a qai raica ni sa dua na liga sa dodo mai vei au, ka raica ni sa taura tu e dua na i vola vivigi.

Isikeli 3:12

Sa qai laveti au cake na Yalo ni Kalou, ia ena gauna ga sa talave kina na i ukuuku ni Kalou mai na kena i tikotiko, au sa rogoca e dua na domo e vadugu mai dakuqu ka sa kaya, “Me vakacaucautaki na lagilagi i Jiova mai na nona yasana mai lomalagi!”

Isikeli 3:14

Sa qai laveti au cake na Yalo ni Kalou ka kauti au yani. Au a lako ga ena rarawa bibi ni lomaqu kei na katakata ni yaloqu, ni sa tauri au vakaukauwa na liga i Jiova.

Isikeli 37:1

A sa sobuti au na kaukauwa i Jiova, ka sa kauti au na Yalona ka vakatikori au ena dua na buca sa sinai tu kina na sui.

Isikeli 40:2

ka sa kauti au ena raivotu ni Kalou o Jiova ki na vanua o Isireli, ka vakatikori au ki na dua na dela ni ulunivanua sa cecere sara, ka vaka e tu mai kina na i tuvaki ni dua na koro, ka donui au tu.

Isikeli 43:5

A tuberi au cake na Yalo i Jiova, ka kauti au ki na lomanibai e loma; ka raica, sa vakasinaita na loma ni Valenisoro na i serau i Jiova.

Isikeli 43:8

ena nodra cakava na nodra katuba ni vale kei na noqu katuba, kei na nodra duru ni sogo, kei na noqu duru ni sogo, ka qai koto ga na lalaga me tu ena keimami veimama. Era sa vakacacana na yacaqu tabu ena i valavala vakasisila era sa kitaka, ka'u sa vakarusai ira kina ena noqu cudru.

Isikeli 5:11

O koya oqo, me vaka ni sa dina na noqu bula, a kaya na Kalou o Jiova, Me baleta ni o sa vakadukadukalitaka na noqu Valenisoro ena nomu veitovo velavela ka vakasisila kecega, au na muduki iko sobu vakaidina, o na sega ni dro bula rawa e mataqu, ka'u na sega talega ni vosoti iko, se yalololoma vei iko.

Isikeli 7:20

Ia na nodra i ukuuku rairai totoka ka ra tokara me ra qaciqacia kina, na nodra matakau vakasisila kei na ka velavela era sa cakava kina; au na saumaka me ra na vakasisilataka.

Isikeli 8:5

A qai kaya vei au o koya, “Luve ni tamata, mo tacake mada vaka ki na vualiku.” Au a qai tacake vaka ki na vualiku, ka raica, sa tu na matakau ni vuvu ena i curucuru vaka ki na vualiku ki na i cabocabonisoro.

Isikeli 9:2

Raica, e ratou sa lako mai e lewe ono na tamata mai na matamata ni koro e cake, vaka ki na vualiku, e ratou sa dui taura tu e ligana na i yaragi ni ravuravu; ia e dua vei iratou na tagane a vakaisulu ena lineni, ka tu vua e dua na kato ni yaya ni volavola. E ratou a curu ki loma, ka la'ki tu e mata ni cabocabonisoro parasa.

Taniela 10:10

A qai tauri au e dua na liga ka vakaduri au me'u tekiduru toka e duruqu kei na duruduru ni ligaqu; ia au a sautaninini toka ga.

Taniela 10:18

A qai tarai au tale o koya, ka'u vakila sara ni'u sa kaukauwa cake mai.

Taniela 5:5

E qai vakasauri ni sa basika e dua na liga ni tamata ka sa volavola ena lalaga boro lase e loma ni valenitui, ena vanua ka lauta vakavinaka tiko na rarama ni cina ni loma ni vale. Sa raica rawa sara ga na tui na liga o ya ni volavola tiko.

Cakacaka 8:39

Ia ni rau sa cabe cake mai wai, sa kauti Filipe tani sara na Yalo ni Turaga, ka sa sega ni raici koya tale na i vakalesilesi; ka sa mai lako yani o koya ena marau.

Vakarua 32:16

Na nodra qaravi kalou tani sa loma vuvu kina o Jiova; na nodra i tovo vakasisila sa vakavuna me cudru.

Vakarua 32:21

Era sa vakacudrui au ena vuku ni nodra matakau, ka'u sa vuvutaki ira na nodra veikalou eso, na kalou era sa sega ni kalou vakaidina. Ia ka'u na lesia ena dua matanitu me vakacudrui ira; ka'u na vakavuna me ra dauvuvu vata kei na dua na matanitu lecaika.

Vakarua 4:24

Sa bukawaqa dauveivakarusai o Jiova na nomuni Kalou, io sa Kalou vuvu.

Vakarua 5:9

Mo ni kakua ni cuva vei ira se qaravi ira, ni sai au o Jiova na nomuni Kalou, na Kalou vuvu. Au na sauma na nodra ca na qase era cati au vei ira na luvedra me yacova na i katolu kei na i kava ni tabatamata.

Vakarua 6:15

baleta ni o Jiova na nomuni Kalou ka sa tiko kei kemuni, sa Kalou vuvu. Na nona cudru waqawaqa ena vagolea vei kemuni ka na vaqeyavutaki kemuni mai na dela i vuravura.

Josua 24:19

Sa vosa vei ira na tamata o Josua, ka tukuna, “O ni na sega ni qaravi Jiova rawa. Sa Kalou savasava o koya ka Kalou vuvu. Ena sega ni vosota na nomuni dauvakau yalomuni kei na nomuni valavala ca.