Isikeli 7:8 - Vakavakadewa Vou kei na iVola tale eso

⁸ “Ena dua ga na gauna lekaleka oqo ka'u na sovaraka yani kina na noqu cudru vei iko, ka lewai iko me vaka na nomu i valavala; ka'u na sauma vei iko na nomu i valavala vakasisila kecega.

Ai Vola Tabu (Vakadewa Makawa Vakavoutaki 2021)

⁸ Sa vo ga vakalailai me'u qai sova yani na noqu cudru vei iko, ka vakaotia yani na noqu lesavi iko. Ia ka'u na lewai iko me vaka na nomu i valavala, ka sauma vei iko na nomu i valavala vakasisila kecega.

AI VOLA TABU

⁸ Sa vo ga e lailai meʼu qai sova yani na noqu cudru vei iko, ka vakaotia yani na noqu lesa vei iko: ia kaʼu na lewai iko me vaka na nomui valavala, ka sauma vei iko na nomu ka vakasisila kecega.

Vakavakadewa Makawa

⁸ Sa vo ga e lailai me'u qai sova yani na noqu cudru vei iko, ka vakaotia yani na noqu lesa vei iko: ia ka'u na lewai iko me vaka na nomu i valavala, ka sauma vei iko na nomu i valavala vakasisila kecega.

Ai Vola Tabu Ena Vakavakadewa Vou

⁸ “Ena dua ga na gauna lekaleka oqo ka'u na sovaraka yani kina na noqu cudru vei iko, ka lewai iko me vaka na nomu i valavala; ka'u na sauma vei iko na nomu i valavala vakasisila kecega.

Isikeli 7:8 Iomraidhean Croise

2 Veigauna 34:21

Dou lako ka vakatarogi Jiova ena vukuqu, kei na vukudra talega na lewenivanua era sa vo e Juta kei Isireli. Mo ni dikeva matua na i vakatavuvuli mai na i vola sa kune oqo. Sa cudruvi keda o Jiova baleta ni ra a sega ni talairawarawa ki na vosa i Jiova na noda qase, ka sega talega ni ra muria na i valavala sa tukuna na i vola oqo me vakayacori.

NA SAME 79:6

Ni sovaraka na nomuni cudru ena veivanua sa sega ni kilai kemuni, Kivei ira sa sega ni dau masu vei kemuni.

Aisea 42:25

Ia sa cakava me da kila na kaukauwa ni nona cudru, Kei na katakata ni nona i valu. A sa waqa na nona cudru Me vaka na buka sa roboti Isireli. Ia eda a sega ga ni kila na ka e yaco tiko; Sa sega sara ni vulica rawa kina e dua na ka.

Jeremaia 36:31

Au a totogitaki koya vata kei ira na nona kawa ena vuku ni nodra i valavala ca. Au na kauta mai vei ira, kei ira na lewe i Juta na veika ca kece au sa tukuna vei ira, ia era a sega ni via rogoca.

Jeremaia 7:20

O koya oqo sa kaya kina o Jiova. “Au na sovaraka na noqu cudru waqawaqa ena vanua oqo. Au na sovaraka vei ira na tamata, ka vakakina vei ira na manumanu, na veikau, kei na veika e tei. Na noqu cudru ena vaka e dua na buka e sega e dua me bokoca rawa.

Lele i Jeremaia 2:17

Sa cakava o Jiova na ka sa nakita, Sa vakayacora na nona vosa; Io na veika sa vakarota taumada eliu, Ni sa veivakarusai ka sega ni loloma. Sa solia na qaqa vei ira na kequ meca Kei na reki ena vuku ni neimami vakaleqai.

Lele i Jeremaia 2:4

A sa vakarautaka na nona dakaititi Me vanalaki keimami me vaka na meca; A sa vakamatei ira kece sara Na noda i sakisaki kei na vu ni reki. Ni da sa vakila na nona cudru katakata Ena koro oqo o Jerusalemi.

Lele i Jeremaia 4:11

A sa solia kece o Jiova na nona cudru; Sa sovaraka na nona cudru katakata, A sa vakatubura e dua na kama e Saioni, Ka sa vakamai kina na kena yavu.

Isikeli 11:21

Ia o ira sa lomadra me ra muria na nodra i valavala beci ka velavela kei na nodra i valavala vakasisila, ka'u na qai sauma ga vei ira,” sa kaya na Kalou o Jiova.

Isikeli 14:19

“Se kevaka ka'u na vakayacora ki na vanua na mate dauveitauvi, ka sovaraka kina na noqu cudru ena mate, me'u muduka tani kina na tamata kei na manumanu;

Isikeli 16:43

Baleta ni o sa sega walega ni o vakananuma na gauna o se gone kina, ka sa vakacudrui au tikoga ena ka kecega oqo, raica ka'u na sauma oi au, na nomu i valavala kecega ki na ulumu, sa kaya na Kalou o Jiova. O a sega li ni cakava tiko na i valavala ca oqori me i kuri ni nomu i valavala vakasisila kecega?

Isikeli 16:59

Ni sa kaya vakaoqo o koya na Turaga, “Io, ka'u na cakava vei iko me vaka na ka o sa cakava, ni o sa beca na kena bubului, ka o sa vakacacana na kena veiyalayalati.

Isikeli 18:30

“O koya oqo ka'u sa vakataulewa yadudua kina vei kemuni na mataqali i Isireli, me vaka na nomuni i valavala yadudua, sa kaya na Kalou o Jiova. Ni veivutuni ka saumaki mada mai na nomuni i valavala ca kecega, de o ni na qai rusa ena vuku ni nomuni cala.

Isikeli 20:13

Ia sa talaidredre vei au na mataqali i Isireli mai na loma ni vanua dravuisiga; ka ra sa sega ni muria na noqu i vunau, ka ra beca na noqu lewa, o koya kevaka e muria e dua na tamata ena bula kina; ka ra a vakacacana sara na noqu Siga ni Vakacecegu. “Ia ka'u mani nanuma me'u na sovaraka vei ira na noqu cudru mai na loma ni vanua dravuisiga ka me'u na muduka vakadua kina vei ira na veika oqo.

Isikeli 20:21

“Ia ka ra sa talaidredre vei au o ira na luvedra; ka ra sa sega ni muria na noqu vunau, ka ra sa sega talega ni ra qarauna me ra vakabauta na noqu lewa, ka cakava; ia kevaka e cakava e dua na tamata, ena bula kina o koya; era sa vakacacana talega na noqu Siga ni Vakacecegu. Au a qai kaya, ni'u na sovaraka na noqu cudru vei ira, me'u vakayacora na noqu cudru vei ira mai na loma ni vanua dravuisiga.

Isikeli 20:33

“Me vaka na dina ni noqu bula, sa kaya na Kalou o Jiova, au na nomuni tui, ka lewai kemuni vakaidina ena kaukauwa ni ligaqu ka sa dodo yani, ka sovaraka vei kemuni na noqu cudru.

Isikeli 20:8

Ia era sa talaidredre vei au, ka bese ni vakarorogo vei au; era sa sega ni dui biuta tani na tamata kece, na veika vakasisila ka raica na matadra, se me ra biuta na matakau ni Ijipita. Ia au qai nanuma me'u na sovaraka na noqu cudru vei ira, me'u na vakayacora na noqu cudru vei ira ena loma ni vanua o Ijipita.

Isikeli 22:31

O koya oqo, ka'u sa sovaraka kina vei ira na noqu cudru; ka'u na vakarusai ira ena bukawaqa ni noqu cudru; ka'u na sauma vei ira na nodra i valavala, sa kaya na Kalou o Jiova.’ ”

Isikeli 24:14

Oi au o Jiova, ka'u sa cavuta; ena yaco ga, ka ni'u na cakava; ka'u na sega talega ni suka ki muri, ka'u na sega talega ni vosota, ka'u na sega talega ni veivutuni; ka'u na vakataulewa vei iko me vaka na nomu i tovo, ka vaka na nomu i valavala,” sa kaya na Kalou o Jiova.

Isikeli 30:15

Ia ka'u na sovaraka na noqu cudru ki Pelusumi, na bai kaukauwa kei Ijipita, ka muduki ira tani na lewe vuqa mai Tepisi.

Isikeli 33:20

Ia o ni sa kaya tiko, ‘Sa sega ni dodonu na i valavala i Jiova’. Oi kemuni na mataqali i Isireli, au na lewai kemuni yadudua me vaka na nomuni valavala.”

Isikeli 6:12

O koya sa tiko vakayawa ena tauvimate ka mani mate sara; o koya sa tiko voleka ena mate ena i valu; o koya sa vo tiko ena mate ena dausiga. Au sa na vakaceguya kina vakaoqo na noqu cudru katakata vei ira.

Isikeli 7:27

Sa vakaloloku na tui, ka luvuci koya na turaga na taqaya; a ligadra talega na lewe ni vanua ena sautaninini ena rere. Au na cakacaka vei ira me vaka na nodra i valavala, ka'u na vakataulewa vei ira me vaka na nodra dui lewa; era na qai kila ni sai au o Jiova.”

Isikeli 7:9

Au na sega ni vosoti iko ka'u na sega talega ni yalololoma vei iko. Au na sauma ga vei iko me vaka na nomu i valavala vakasisila ka sa tu oqori vei iko. Ia o na qai kila kina ni sai au o Jiova ka'u sa ia na veitotogitaki.”

Isikeli 9:10

Ia oi au, ena sega talega ni veivutuni na mataqu, au na sega talega ni yalololoma, ka'u na sauma vei ira na veika era sa vakayacora vakatani vei ira tale eso.”

Isikeli 9:8

Ia ni ra ravuravu tiko kei na veivakamatei, au a vo duadua tikoga oi au, ka'u qai bale vakatoboicu ka tagi, ka kaya, “Isa, na noqu Turaga na Kalou! O ni na vakarusa li na veika kecega sa vo tu e Isireli ni o ni sa sovaraka kece na nomuni cudru ki Jerusalemi?”

Taniela 9:11

Sa voroka na nomuni lawa o Isireli taucoko ka bese ni vakarorogo ki na ka o ni tukuna. Keimami a caka cala vei kemuni ka o ni a vakatauca vei keimami na kena i sau sa tukuni tu ena Lawa i Mosese, na nomuni tamata.

Taniela 9:27

Na i liuliu oqo ena ia na veiyalayalati kei na lewe vuqa na tamata, o koya sa na dei ka yabaki vitu. Sa na qai vakavuna o koya na muduki ni vakacaboisoro kei na i madrali ka tolu veimama na yabaki. Ena tikina cecere duadua ni Valenisoro, sa na la'ki vakatikori kina na Matakau Vakasisila, me yacova ni sota kaya o koya ka vakatikora kina na i otioti ni ka sa vakarautaka na Kalou me nona.”

Osea 12:3

Na nodra qase o Jekope sa veimulomulo kei na tuakana o Iso ni rau se tikoga ena ketei tinadrau; ena gauna sa qase cake kina o Jekope, a sa veimulomulo kei na Kalou,

Osea 5:10

A sa kaya o Jiova, “Au sa cudru baleta ni ra sa vakataki ira na dau tosoya vakatawadodonu na i yalayala ni qele o ira na dauveiliutaki e Juta ena nodra curuma vakaukauwa na vanua o Isireli. O koya oqo ka'u na sovaraka kina vei ira na noqu cudru me vaka na waluvu.

Neumi 1:6

O cei ena bula rawa ni sa cudru o Jiova? O cei ena dro bula mai na nona cudru waqawaqa? Sa sovaraka yani o koya na nona cudru katakata; Sa kakavuruvuru ga e matana na veivatu.

Vakatakila 14:10

e na gunuva talega vakakina o koya na waini ni cudru ni Kalou, ka sa sova ena kena kaukauwa taucoko ki na bilo ni nona cudru! Ena vakararawataki na tamata o ya ena bukawaqa kei na sulifure ena matadra na agilosi yalosavasava kei na Lami.