Isikeli 7:7 - Vakavakadewa Vou kei na iVola tale eso

⁷ Sa voleka mai na i cavacava ni gauna ni nodra tiko na lewenivanua ena vanua. Sa roro mai na gauna me mudu kina na solevu ni mamaue ena veiulunivanua.

Ai Vola Tabu (Vakadewa Makawa Vakavoutaki 2021)

⁷ Sa kida mai vei iko na kena mataka, o iko sa tiko e na vanua. Sa yaco mai na kena gauna, sa voleka mai na siga— ni kidroa, ka segai na kaila ni marau e na veiulunivanua.

AI VOLA TABU

⁷ Sa kidaci iko mai na kena mataka, o iko sa tiko e na vanua: sa yaco mai na kena gauna, sa voleka mai na siga ni kidroa, ka sega ni yaloyalo wale ni domo ni veiulu-ni-vanua.

Vakavakadewa Makawa

⁷ Sa kida mai vei iko na kena mataka, o iko sa tiko e na vanua: sa yaco mai na kena gauna, sa voleka mai na siga ni kidroa, ka segai na kaila ni marau e na veiulu-ni-vanua.

Ai Vola Tabu Ena Vakavakadewa Vou

⁷ Sa voleka mai na i cavacava ni gauna ni nodra tiko na lewenivanua ena vanua. Sa roro mai na gauna me mudu kina na solevu ni mamaue ena veiulunivanua.

Isikeli 7:7 Iomraidhean Croise

Vakatekivu 19:15

Ni kida na mataka, erau sa vakatotolotaki Loti na agilosi ka kaya, “Vakatotolo, kauta na watimu kei rau na luvemu yalewa ka lako tani yani mai na vanua oqo, ka me kakua ni yali na nomudou bula ena kena vakarusai na koro oqo.”

Vakatekivu 19:24

Sa qai vakatauca vakasauri mai lomalagi o Jiova na sulifure waqa ki na koro o Sotoma kei Komora

Aisea 13:22

Ena rogo na domo ni olifa, Ena kena veivale cecere, Kei na domo ni koli ena veitikotiko vakaturaga. Sa voleka mai na siga i Papiloni Ka sa voleka ni oti na nona gauna.”

Aisea 16:10

Sa kau tani na reki kei na marau mai na vanua ni teitei bulabula, Ka sa sega na sere e lagati se kaila me rorogo, ena veiloganivaini. Sa sega na daubutu qerepi ena vanua ni caka waini, Ka sa mudu na kaila ni marau.

Aisea 17:14

Ena yakavi era sa vakavuna na rere, Ia ena mataka lailai era sa lako tani yani. Sa i koya oqo na ka ena yaco vei ira Era sa butakoca na noda vanua.

Aisea 22:5

Sa i koya oqo na siga ni rarawa, Na druka kei na veilecayaki ena Buca ni Raivotu, Ka sa tala mai na ka oqo vei keda o Jiova ni lewevuqa. Sa vorolaki sobu na nodra bai ni koro, Ka voqa na tagi ni kere veivuke ena veimama ni veidelana.

Jeremaia 20:7

Kemuni na Turaga, O ni sa vakaisini au, Ka'u sa veidabuitaki. O ni sa kaukauwa cake vei au, Ka vakamalumalumutaki au. Era sa vakalialiai au Na tamata kecega; Era sa dredrevaki au Ena loma ni siga taucoko.

Jeremaia 50:27

Vakamatei ira kece na nodra sotia! Vakamatei ira kece! Lomani ira na kai Papiloni! Sa yaco mai na gauna me ra totogi kina!”

Isikeli 12:28

O koya oqo mo kaya kina vei ira, sa kaya vakaoqo na Kalou o Jiova: ‘Ena sega ni vakaberaberataki tale e dua na noqu vosa, ia na vosa au sa cavuta ena vakayacori ga, sa kaya na Kalou o Jiova.’ ”

Isikeli 30:3

Ni sa voleka mai na siga, io sa voleka mai na siga i Jiova; na siga butobuto ni o loaloa, na nodra gauna ni leqa rerevaki na veimatanitu.

Isikeli 7:12

Sa yaco mai na kena gauna, sa toro voleka mai na kena siga. Me kakua ni reki oi rau sa ia na veivoli, ka ni rau na cudruvi ruarua ga, me vaka ni'u na cudruvi ira kece na lewe ni vanua.

Joeli 1:15

Oilei na siga o ya! Ni sa voleka mai na siga ni Turaga, Na siga ni veivakarusai ni Kalou kaukauwa.

Emosi 4:13

Sa i koya ga na Kalou sa bulia na veiulunivanua, Ka sa vakavuna na cagi. Sa vakatakila na lomana vei ira na tamata; Ka sa vukica na siga me bogi. A sa lakova na veivanua cecere kei vuravura. Sa i Jiova ni lewevuqa na yacana!”

1 Pita 4:17

Sa yaco mai na gauna me tekivutaki kina na veilewai, ka ra na lewai taumada eliu na tamata ni Kalou; ia kevaka sa tekivu vei keda, a cava ena qai kedra i tinitini o ira era sa sega ni vakabauta na nona i Tukutuku Vinaka na Kalou?