Isikeli 7:4 - Vakavakadewa Vou kei na iVola tale eso

⁴ Au na sega ni vosoti iko ka sega talega ni yalololoma vei iko. Ia ka'u na cudruvi iko ga ena vuku ni nomu i valavala, ni sa tu oqori vei iko na i valavala vakasisila. Ena ka oqo o na qai kila kina ni sai au o Jiova.”

Ai Vola Tabu (Vakadewa Makawa Vakavoutaki 2021)

⁴ Ia na mataqu ena sega ni vosoti iko, ka'u na sega talega ni yalololoma vei iko; ni ka'u na totogitaki iko baleta na nomu i valavala, ia na nomu i valavala vakasisila sa na tu ga vei iko. Ia dou na qai kila kina ni sai au ko Jiova.

AI VOLA TABU

⁴ Ia ena sega ni vosoti iko na mataqu, au na sega talega ni yalololoma: ni sa nomui valavala kaʼu na sauma vei iko, ia na nomu ka vakasisila sa na tu ga vei iko: ia dou na kila ni sai au ko Jiova.

Vakavakadewa Makawa

⁴ Ia na mataqu ena sega ni vosoti iko, au na sega talega ni yalololoma vei iko: ni ka'u na sauma vei iko na nomu i valavala, ia na nomu i valavala vakasisila sa na tu ga vei iko: ia dou na kila ni sai au ko Jiova.

Ai Vola Tabu Ena Vakavakadewa Vou

⁴ Au na sega ni vosoti iko ka sega talega ni yalololoma vei iko. Ia ka'u na cudruvi iko ga ena vuku ni nomu i valavala, ni sa tu oqori vei iko na i valavala vakasisila. Ena ka oqo o na qai kila kina ni sai au ko Jiova.”

Isikeli 7:4 Iomraidhean Croise

Jeremaia 13:14

Au na qai botobotolaki ira vata me vaka na saqa, o ira na qase kei ira na luvedra. Sa na sega tale na loloma, se na yalo veivosoti se yalo loloma me na tarova na noqu vakamatei ira.”

Jeremaia 16:18

Au na cakava me ra sauma vakarua na i sau ni nodra i valavala ca kei na nodra caka cala. Era sa vakadukadukalitaka na noqu vanua ena matakau era sega ni cegu me vaka na yago ni mate; ka ra sa vakasinaita na vanua au solia vei ira ena veikalou lasu.”

Jeremaia 25:14

E vuqa na matanitu kei na so na tui qaqa era na vakabobulataki ira, ia au na sauma lesu vei ira na veika era cakava.”

Isikeli 11:21

Ia o ira sa lomadra me ra muria na nodra i valavala beci ka velavela kei na nodra i valavala vakasisila, ka'u na qai sauma ga vei ira,” sa kaya na Kalou o Jiova.

Isikeli 12:20

Ena lala mai na veikoro sa tawa, ka rusa na vanua; ia o ni na qai kila kina ni sai au o Jiova.”

Isikeli 16:43

Baleta ni o sa sega walega ni o vakananuma na gauna o se gone kina, ka sa vakacudrui au tikoga ena ka kecega oqo, raica ka'u na sauma oi au, na nomu i valavala kecega ki na ulumu, sa kaya na Kalou o Jiova. O a sega li ni cakava tiko na i valavala ca oqori me i kuri ni nomu i valavala vakasisila kecega?

Isikeli 22:31

O koya oqo, ka'u sa sovaraka kina vei ira na noqu cudru; ka'u na vakarusai ira ena bukawaqa ni noqu cudru; ka'u na sauma vei ira na nodra i valavala, sa kaya na Kalou o Jiova.’ ”

Isikeli 23:31

O sa muria na i valavala i Aola na tuakamu; o koya oqo ka'u sa solia kina na mena bilo ki na ligamu.”

Isikeli 23:49

Ia era na sauma vei kemudrau na nomudrau i valavala velavela, ena tau talega vei kemudrau na i sau ni valavala ca levu ni nomudrau matakau; ka o drau na kila kina ni sai au na Kalou o Jiova.”

Isikeli 24:14

Oi au o Jiova, ka'u sa cavuta; ena yaco ga, ka ni'u na cakava; ka'u na sega talega ni suka ki muri, ka'u na sega talega ni vosota, ka'u na sega talega ni veivutuni; ka'u na vakataulewa vei iko me vaka na nomu i tovo, ka vaka na nomu i valavala,” sa kaya na Kalou o Jiova.

Isikeli 33:29

Era na qai kila ni sai au o Jiova, ni'u sa vakalala na vanua ka me rusa ena vuku ni nodra i valavala vakasisila kecega era sa cakava.’

Isikeli 5:11

O koya oqo, me vaka ni sa dina na noqu bula, a kaya na Kalou o Jiova, Me baleta ni o sa vakadukadukalitaka na noqu Valenisoro ena nomu veitovo velavela ka vakasisila kecega, au na muduki iko sobu vakaidina, o na sega ni dro bula rawa e mataqu, ka'u na sega talega ni vosoti iko, se yalololoma vei iko.

Isikeli 6:14

Io, ka'u na dodoka yani na ligaqu vei ira ka na vakarusa na nodra vanua. Au na vakayacora me vanua lala ka vakaloloma na nodra veitikotiko kecega me vakatekivu mai na vanua talasiga ena ceva me yaco ki Ripila. Era na qai kila kina ni sai au o Jiova.”

Isikeli 6:7

Era na vakamatei na tamata ena veivanua kece sara; ia o ira sa bula rawa era na qai kila ni sai au ga o Jiova.

Isikeli 7:27

Sa vakaloloku na tui, ka luvuci koya na turaga na taqaya; a ligadra talega na lewe ni vanua ena sautaninini ena rere. Au na cakacaka vei ira me vaka na nodra i valavala, ka'u na vakataulewa vei ira me vaka na nodra dui lewa; era na qai kila ni sai au o Jiova.”

Isikeli 7:3

“I Isireli, sa yaco mai na i vakataotioti vei iko. Au na vakayacora na noqu cudru vei iko, ka vakataulewa vei iko me vaka na nomu i valavala; ka'u na totogitaki iko me baleta na nomu i tovo vakasisila kecega.

Isikeli 7:9

Au na sega ni vosoti iko ka'u na sega talega ni yalololoma vei iko. Au na sauma ga vei iko me vaka na nomu i valavala vakasisila ka sa tu oqori vei iko. Ia o na qai kila kina ni sai au o Jiova ka'u sa ia na veitotogitaki.”

Isikeli 8:18

O koya oqo, ka'u na vakayaco-ka kina ena cudru. Au na sega ni vakavoca na nodra bula ka'u na sega talega ni yalololoma vei ira. E dina ga ni kevaka era sa tagi vakadomoilevu ki daligaqu, au na sega ga ni rogoci ira.

Isikeli 9:10

Ia oi au, ena sega talega ni veivutuni na mataqu, au na sega talega ni yalololoma, ka'u na sauma vei ira na veika era sa vakayacora vakatani vei ira tale eso.”

Osea 12:2

E dua na ka sa beitaki Juta kina o Jiova; ena cudruvi Isireli talega ena vuku ni nodra i valavala na lewenivanua. Ena sauma lesu vei ira na veika era sa cakava.

Osea 9:7

Na gauna ni veitotogitaki sa yaco mai, na gauna ni veisausaumi sa yaco mai. Ena kila o Isireli na ka oqo ni sa vakayacori! O ni sa kaya ga vakaoqo, “Na parofita oqo e sa lialia tiko. O koya na i lumuti oqo sa leqa tiko na uluna.” O ni sa cati au vakalevu ga baleta ni sa ka levu sara na nomuni i valavala ca.

Emosi 7:8

A sa tarogi au o koya, “I Emosi, na cava o sa raica?” Au a qai kaya, “E dua na vatu ni vakarau.” Sa qai kaya na Turaga, “Raica, au sa vakayagataka tiko oqo me'u dusia ni o ira na noqu tamata era sa vaka na lalaga sa sega ni vakarautaki donu. Au sa sega talega ni qai veisautaka na lomaqu me baleta na noqu totogitaki ira.

Sakaraia 11:6

(A sa kaya o Jiova, “Sa oti na noqu kauwaitaki ira era sa tiko ena vanua oqo. Au na biuti ira ga na tamata yadua ena ruku ni nodra veiliutaki na nodra i liuliu. O ira na i liuliu oqo era na vakacacana na vanua, ka'u na sega ni vakabulai ira mai na ligadra.”)

Iperiu 10:30

Ni da sa kilai koya sa kaya “Au na qai sausaumi lesu, ka totogitaki ira.” A sa kaya talega o koya, “Ena qai lewai ira na nona tamata na Turaga.”