Isikeli 7:3 - Vakavakadewa Vou kei na iVola tale eso

³ “I Isireli, sa yaco mai na i vakataotioti vei iko. Au na vakayacora na noqu cudru vei iko, ka vakataulewa vei iko me vaka na nomu i valavala; ka'u na totogitaki iko me baleta na nomu i tovo vakasisila kecega.

Ai Vola Tabu (Vakadewa Makawa Vakavoutaki 2021)

³ Sa qai yaco vei iko na kemui cavacava, ka'u na vakayacora na noqu cudru vei iko, ka lewai iko me vaka na nomu i valavala, ka totogitaki iko baleta na nomu i valavala vakasisila kecega.

AI VOLA TABU

³ Sa qai yaco o qo na kemui otioti, ia kaʼu na tala na noqu cudru vei iko, ka lewai iko me vaka na nomui valavala, ka sauma vei iko na nomu ka vakasisila kecega.

Vakavakadewa Makawa

³ Sa qai yaco vei iko na kemui otioti, ia ka'u na vakayacora na noqu cudru vei iko, ka lewai iko me vaka na nomu i valavala, ka sauma vei iko na nomu i valavala vakasisila kecega.

Ai Vola Tabu Ena Vakavakadewa Vou

³ “I Isireli, sa yaco mai na i vakataotioti vei iko. Au na vakayacora na noqu cudru vei iko, ka vakataulewa vei iko me vaka na nomu i valavala; ka'u na totogitaki iko me baleta na nomu i tovo vakasisila kecega.

Isikeli 7:3 Iomraidhean Croise

Vakatekivu 6:13

Sa qai kaya vei Noa na Kalou, “Au sa nakita me'u vakarusai ira kecega na tamata. Au na vakarusai ira vakadua ka ni sa sinai o vuravura ena nodra i valavala ca.

Aisea 47:7

O a nanuma ni o na ranadi tikoga me tawa mudu Ka sega ni vakasamataka na veika oqo e lomamu Se vakananuma na kedra i cavacava kece.

Jeremaia 13:14

Au na qai botobotolaki ira vata me vaka na saqa, o ira na qase kei ira na luvedra. Sa na sega tale na loloma, se na yalo veivosoti se yalo loloma me na tarova na noqu vakamatei ira.”

Isikeli 11:21

Ia o ira sa lomadra me ra muria na nodra i valavala beci ka velavela kei na nodra i valavala vakasisila, ka'u na qai sauma ga vei ira,” sa kaya na Kalou o Jiova.

Isikeli 16:38

Ia ka'u na vakataulewa vei iko me vaka na lewa e tau vei ira na yalewa vakamau ka ra veibutakoci, kei na vakadave dra, ka'u na sauma vei iko na dra ni cudru kei na vuvu.

Isikeli 16:43

Baleta ni o sa sega walega ni o vakananuma na gauna o se gone kina, ka sa vakacudrui au tikoga ena ka kecega oqo, raica ka'u na sauma oi au, na nomu i valavala kecega ki na ulumu, sa kaya na Kalou o Jiova. O a sega li ni cakava tiko na i valavala ca oqori me i kuri ni nomu i valavala vakasisila kecega?

Isikeli 16:59

Ni sa kaya vakaoqo o koya na Turaga, “Io, ka'u na cakava vei iko me vaka na ka o sa cakava, ni o sa beca na kena bubului, ka o sa vakacacana na kena veiyalayalati.

Isikeli 18:30

“O koya oqo ka'u sa vakataulewa yadudua kina vei kemuni na mataqali i Isireli, me vaka na nomuni i valavala yadudua, sa kaya na Kalou o Jiova. Ni veivutuni ka saumaki mada mai na nomuni i valavala ca kecega, de o ni na qai rusa ena vuku ni nomuni cala.

Isikeli 21:25

“Ia o iko o tamata beci ka vere ca, na turaga ni Isireli, ka sa yaco mai na nomu siga na gauna me tau kina na i tinitini ni kemu i totogi,

Isikeli 22:31

O koya oqo, ka'u sa sovaraka kina vei ira na noqu cudru; ka'u na vakarusai ira ena bukawaqa ni noqu cudru; ka'u na sauma vei ira na nodra i valavala, sa kaya na Kalou o Jiova.’ ”

Isikeli 24:14

Oi au o Jiova, ka'u sa cavuta; ena yaco ga, ka ni'u na cakava; ka'u na sega talega ni suka ki muri, ka'u na sega talega ni vosota, ka'u na sega talega ni veivutuni; ka'u na vakataulewa vei iko me vaka na nomu i tovo, ka vaka na nomu i valavala,” sa kaya na Kalou o Jiova.

Isikeli 33:20

Ia o ni sa kaya tiko, ‘Sa sega ni dodonu na i valavala i Jiova’. Oi kemuni na mataqali i Isireli, au na lewai kemuni yadudua me vaka na nomuni valavala.”

Isikeli 36:19

Ia ka'u a dui vakasavi ira ki na veimatanitu tani, ka ra na dui biubiu ki na veivanua; io ka'u na lewai ira me vaka na nodra i valavala kei na nodra cakacaka.

Isikeli 5:12

E dua na i katolu ni kemuni i wiliwili era na mate ena mate dauveitauvi kei na dausiga; e dua tale na i katolu era na bale ena i seleiwau sa tu vakavolivoliti kemuni; kei na dua tale na i katolu ka'u na vakasava ki na mata ni cagi kecega ka vakasasataki ira ena i seleiwau.

Isikeli 5:13

“Ena vakayacori vakaoqo na noqu cudru, ia ka'u na vakatauca na noqu cudru katakata vei ira, ka'u na qai vakacegu; era na qai kila kina ni sai au o Jiova, ka'u sa vosa ena loma katakata, ni'u sa vakayacora na noqu cudru levu vei ira.

Isikeli 7:2

“Luve ni tamata, sa kaya vakaoqo na Kalou o Jiova ki na vanua o Isireli: Sa i koya oqo na i cavacava ni vanua taucoko oqo!

Isikeli 7:27

Sa vakaloloku na tui, ka luvuci koya na turaga na taqaya; a ligadra talega na lewe ni vanua ena sautaninini ena rere. Au na cakacaka vei ira me vaka na nodra i valavala, ka'u na vakataulewa vei ira me vaka na nodra dui lewa; era na qai kila ni sai au o Jiova.”

Isikeli 7:4

Au na sega ni vosoti iko ka sega talega ni yalololoma vei iko. Ia ka'u na cudruvi iko ga ena vuku ni nomu i valavala, ni sa tu oqori vei iko na i valavala vakasisila. Ena ka oqo o na qai kila kina ni sai au o Jiova.”

Isikeli 9:10

Ia oi au, ena sega talega ni veivutuni na mataqu, au na sega talega ni yalololoma, ka'u na sauma vei ira na veika era sa vakayacora vakatani vei ira tale eso.”

Osea 12:3

Na nodra qase o Jekope sa veimulomulo kei na tuakana o Iso ni rau se tikoga ena ketei tinadrau; ena gauna sa qase cake kina o Jekope, a sa veimulomulo kei na Kalou,

Emosi 8:2

A sa tarogi au o Jiova, “I Emosi, na cava o raica tiko oqori? Au a kaya, “E dua na basikete vuata.” Sa qai kaya vei au o Jiova, “Sa yaco mai oqo na i vakataotioti vei ira na noqu tamata na Isireli. Au na sega ni veisautaka tale na lomaqu me baleta na nodra cudruvi.