Isikeli 5:8 - Vakavakadewa Vou kei na iVola tale eso

⁸ o koya oqo, sa kaya kina vakaoqo o koya na Kalou o Jiova: Raica, oi au, io oi au, ka'u na kemu meca; ka'u na vakatauca na i totogi vei kemuni e matadra na veimatanitu.

Ai Vola Tabu (Vakadewa Makawa Vakavoutaki 2021)

⁸ o koya oqo sa kaya kina vakaoqo na Turaga ko Jiova: Raica, koi au, ka'u sa nomu meca, io ka'u na ia e na kemudou maliwa na veicudruvi e matadra na veimatanitu.

AI VOLA TABU

⁸ o koya o qo sa vosa vakaoqo kina na Turaga ko Jiova; Raica, oi au sa nomu meca, io koi au, kaʼu na ia e na kemudou maliwa na veicudruvi e matadra na veimatanitu.

Vakavakadewa Makawa

⁸ o koya oqo sa kaya kina vakaoqo na Turaga ko Jiova; Raica, koi au, ka'u sa nomu meca, io ka'u na ia e na kemudou maliwa na veicudruvi e matadra na veimatanitu.

Ai Vola Tabu Ena Vakavakadewa Vou

⁸ o koya oqo, sa kaya kina vakaoqo o koya na Kalou ko Jiova: Raica, oi au, io oi au, ka'u na kemu meca; ka'u na vakatauca na i totogi vei kemuni e matadra na veimatanitu.

Isikeli 5:8 Iomraidhean Croise

Jeremaia 21:13

Jerusalemi o sa toka e cake ena dela ni veitokaitua me vaka na vatu cere ena loma ni buca. Ia ena vala kei iko o Jiova. Baleta ni o sa kaya ni sega ni rawa ni dua me ravuti iko se basuka rawa na kemu bai.”

Jeremaia 21:5

Au na valuti kemuni ena noqu kaukauwa, kei na cudru, kei na veivakarusai, kei na noqu yalo ca levu.

Jeremaia 24:9

Au na vakayacora vei ira na rere kei na ka ca, ki na veimatanitu kecega e vuravura, na ka e veivakamaduataki, ena vosa beci, ena ka e veivakalialiai, kei na ruru ena veiyasana kecega, kau sa vakasavi ira kina.

Jeremaia 50:7

O ira kece sara era kunei ira, era valuti ira. Era sa kaya na kedra meca, ‘Era sai valavala ca vua na nodra Turaga, ka sa sega kina ni cala na ka e da cakava, o ira na nodra qase era vakadinata na Turaga, ka dodonu sara ga me ra yalodina tikoga vei koya.’

Lele i Jeremaia 2:5

Sa yaco o Jiova me vaka e dua na meca; Sa vakarusai Isireli o koya; Sa vakarusa na veivale vakatui kecega, Ka sa vakarusa na kena veibainivalu kaukauwa, Ka sa kauta mai kivei ira na Juta Na rarawa kei na vutugu sa sega ni oti rawa.

Lele i Jeremaia 3:3

Ena nona cudru sa vuki tani kina; Sa mokulaki au tikoga ena siga taucoko.

Isikeli 11:9

Au na kauti kemuni tani mai kina, ka soli kemuni ki na ligadra na kai tani, me ra lewai kemuni.

Isikeli 13:8

A sa qai kaya kina vakaoqo vei au na Kalou o Jiova, “Me vaka ni o ni sa dauvosa lasu ka sa sega ni dina na nomuni raivotu, au sa saqati kemuni kina.

Isikeli 15:7

ka totogitaki ira. Era sa dro bula rawa mai na dua na bukawaqa, ia ena qai kani ira tale oqo na bukawaqa. Ena gauna ka'u sa totogitaki ira kina, o ni na qai kila ni sai au o Jiova.

Isikeli 16:41

Era na vakama na nomu veivale, ka vakataulewa vei iko e matadra era lewe vuqa na yalewa; ia ka'u na muduka sara na nomu dautagane, ia o na sega tale ni soli lavo ena dua na gauna mai muri.

Isikeli 21:3

ka kaya ki na vanua o Isireli, ‘sa kaya vakaoqo o koya na Turaga, au na kemu meca, ka'u na ucuna na noqu i seleiwau mai na kena taga ka taya na tamata yalo dodonu kei ira na tamata ca.

Isikeli 28:22

Sa kaya vakaoqo na Kalou o Jiova: Raica, au sa veimecaki kei iko Saitoni, ka'u na vakaraitaka na noqu i ukuuku vei kemuni. Era na kila ni sai au o Jiova, ni'u sa vakatauca vua na veilewa, ka vakamacalataka na noqu yalo dodonu vua;

Isikeli 30:19

Au sa na cakava vakaoqo na cakacaka ni vakataulewa vei Ijipita. Era na kila ni sai au o Jiova.

Isikeli 34:10

A kaya vakaoqo na Kalou o Jiova, raica, au sa veimecaki kei ira na i vakatawanisipi; ka'u na taroga vei ira na noqu sipi, ka na muduki ira me ra kakua ni vakani ira tiko na sipi; me ra kakua talega ni vakani ira tiko vakataki ira na i vakatawa. Ni'u sa kaliraka na noqu qele ni sipi mai na gusudra, me ra kakua ni kani ira tiko na qele ni sipi.’ ”

Isikeli 35:3

ka kaya, Sa kaya vakaoqo na Kalou o Jiova: Raica, o iko na Ulu ni vanua o Sia, au sa kemu meca, ka'u sa na dodoka yani na ligaqu me tarai iko, ka'u na vakalalai iko sara.

Isikeli 39:1

O koya oqo, o iko na luve ni tamata, mo parofisaitaka na ca vei Koki, ka vaka, ‘Sa kaya vakaoqo na Kalou o Jiova: Raica, au na kemu meca, o iko Koki, na nodra turaga na Meseki kei na Tupali;

Isikeli 5:15

“Ia o na yaco mo vakalialiai ka vosa vakacacataki, me ra vunauci ka domobula, talega kina na veimatanitu ka ra tu voliti iko, ena gauna ka'u na vakataulewa kina vei iko ena cudru katakata ni veivakanakuitataki — oi au, o Jiova, ka'u sa kaya vakaoqo.

Neumi 2:13

Sa qai kaya na Kalou o Jiova, “Oi au na kemu meca! Au na vakama vakadua na nomu qiqinivalu. Era na vakamatei na nomu sotia ena i valu, ka'u na kauta tani mai vei iko na veika kece o taura mai vei ira na tani. Ena sega tale vakadua ni qai rogoci na domodra na nomu i talaki.”

Maciu 22:7

Sa cudru sara kina na tui, ka qai tala yani na nona mataivalu ka vakamatei ira na daulaba o ya, ka vakama na nodra koro.

Vakarua 29:20

Ena sega ni vosota o Jiova na tamata vaka o ya. Ia ena yacovi koya na cudru waqawaqa i Jiova ka na yacovi koya na veika caca kecega sa volai ena i vola oqo me yacova ni sa vakarusai koya vakadua o Jiova.