Isikeli 26:3 - Vakavakadewa Vou kei na iVola tale eso

³ o koya oqo, sa kaya kina na Kalou o Jiova, ka vaka: ‘Mo kila, au sa veimecaki kei iko, I Taia, ka na kauta cake mai vei iko na matanitu e vuqa, me vaka na ua sa se mai wasawasa.

Ai Vola Tabu (Vakadewa Makawa Vakavoutaki 2021)

³ O koya oqo, sa kaya kina na Turaga ko Jiova, ka vaka; Mo kila, au sa veimecaki kei iko, Taia, ia ka'u na kauta cake mai vei iko na veimatanitu e vuqa, me vaka na ua ni sa se mai ki na wasawasa.

AI VOLA TABU

³ o koya o qo sa vosa vakaoqo kina na Turaga ko Jiova, ka vaka; Raica, au sa veimecaki kei iko, Teiri, ia kaʼu na vakalakova cake vei iko na veimatanitu e vuqa, me vaka ni sa biuta cake mai na wasawasa na kena biau.

Vakavakadewa Makawa

³ o koya oqo sa kaya kina na Turaga ko Jiova, ka vaka; Mo kila, au sa veimecaki kei iko, Taia, ia ka'u na kauta cake mai vei iko na veimatanitu e vuqa, me vaka na ua ni sa se mai ki na wasawasa.

Ai Vola Tabu Ena Vakavakadewa Vou

³ o koya oqo, sa kaya kina na Kalou ko Jiova, ka vaka: ‘Mo kila, au sa veimecaki kei iko, I Taia, ka na kauta cake mai vei iko na matanitu e vuqa, me vaka na ua sa se mai wasawasa.

Isikeli 26:3 Iomraidhean Croise

NA SAME 107:25

Ni sa veivakaroti, sa liwa mai na cagi kaukauwa, Ka yavalata na wasawasa.

Aisea 5:30

Ena siga o ya era sa tagicaki Isireli, Me vaka na rogo levu ni vadugu ni wasawasa, Kevaka e dua e raica yani na vanua, Ena raica na butobuto kei na ka rarawa, Ka sa vakabutobutotaki na rarama ena kena vei o.

Jeremaia 21:13

Jerusalemi o sa toka e cake ena dela ni veitokaitua me vaka na vatu cere ena loma ni buca. Ia ena vala kei iko o Jiova. Baleta ni o sa kaya ni sega ni rawa ni dua me ravuti iko se basuka rawa na kemu bai.”

Jeremaia 25:22

O ira kece na tui mai Taia kei Saitoni, O ira kece na tui ni vanua Wasa Meditereni.

Jeremaia 50:31

Papiloni! o sa sinai ena qaciqacia, sai koya oqo au sa vorati iko kina oi au na Turaga na Kalou Qaqa, o Jiova ni lewevuqa. Sa yaco mai na gauna me'u totogitaki iko kina.

Jeremaia 50:42

Era sa taura na nodra dakaititi Kei na i seleiwau; Era sai tovo kaukauwa ka tawa loloma. Sa vaka na wasawasa sa vadugu na kena rorogo, Ni ra sa vodoka na nodra ose. Era sa vakarau me ra vala kei Papiloni.

Jeremaia 51:42

Sa lako cake mai na waitui ki Papiloni, ka ubia na veibiau sa vadugu.

Jeremaia 6:23

Era sa kauta na nodra dakaititi kei na i seleiwau; era i tovo kaukauwa ka tawa loloma. Na domodra sa vadugu me vaka na wasawasa, ni ra sa vodoka na nodra ose. Era sa vakarau tu me vala kei Saioni.”

Isikeli 21:3

ka kaya ki na vanua o Isireli, ‘sa kaya vakaoqo o koya na Turaga, au na kemu meca, ka'u na ucuna na noqu i seleiwau mai na kena taga ka taya na tamata yalo dodonu kei ira na tamata ca.

Isikeli 26:19

A sa tukuna vakaoqo na Kalou o Jiova: “Ni'u sa cakava mo koro lala, me vaka na veikoro sa sega tu ni tawani, ni'u sa kauta cake mai na wasa titobu, ka luvuci iko ena wai levu;

Isikeli 27:26

Era a vocetaki iko yani na dauvoce Ki na dua na wasawasa levu. Sa labati iko na cagi tokalau E lomadonu ni wasawasa,

Isikeli 28:22

Sa kaya vakaoqo na Kalou o Jiova: Raica, au sa veimecaki kei iko Saitoni, ka'u na vakaraitaka na noqu i ukuuku vei kemuni. Era na kila ni sai au o Jiova, ni'u sa vakatauca vua na veilewa, ka vakamacalataka na noqu yalo dodonu vua;

Isikeli 29:10

O koya oqo, raica ka'u na veimecaki kina kei iko, kei ira na nomu uciwai, ka'u na cakava na vanua o Ijipita me vanua lala sara ka i benubenu, me vakatekivu mai Mikitoli ka yala ki Saini ka kauta yani ki na i yalayala ki Eciopea.

Isikeli 38:3

Sa kaya vakaoqo na Kalou o Jiova: ‘Raica, au sa kemu meca, O iko Koki, na nodra turaga liu na Meseki kei na Tupali;

Isikeli 5:8

o koya oqo, sa kaya kina vakaoqo o koya na Kalou o Jiova: Raica, oi au, io oi au, ka'u na kemu meca; ka'u na vakatauca na i totogi vei kemuni e matadra na veimatanitu.

Maika 4:11

E vuqa sara na veivanua era a sosoqoni vata me ra valuti kemuni. Era sa kaya, “Sa dodonu me vakarusai o Jerusalemi! Eda na raica sara ni sa rusa tu na koro levu oqo!”

Neumi 2:12

Sa vakamatea na kena kakana na laione Ka basuraka me kana o watina kei luvena; Sa vakasinaita na nona qara Ena lewe ni manumanu sa basubasuraki.

Neumi 3:5

A kaya o Jiova ni lewevuqa, “I Ninive, au na cudruvi iko! Au na cakava mo luvawale Me ra raici iko kina na veimatanitu, Ka sarava na nomu madua.

Sakaraia 14:2

Ena kauti ira kece vata mai na veimatanitu o Jiova me ra valuti Jerusalemi. Ena vesuki na koro, ena butakoci na i yau ni veivale, ka ra kucuvi na yalewa. Era na kau vakabobula e veimama na lewe ni koro, ia o ira na kena vo era na sega ni kau tani.

Sakaraia 9:4

Ia ena qai kauta tani na Turaga na nona i yau kece oqori. Ena viritaka yani ki wasawasa, ka na vakamai na koro me qeyavu vakadua.

Luke 21:25

“Ena yaco eso na ka veivakurabuitaki ena matanisiga kei na vula kei na veikalokalo. E vuravura, era na veilecayaki na veivanua, ka ra na kidroa ena vakadomobula ni vadugu ni wasawasa kei na biau.