Isikeli 20:3 - Vakavakadewa Vou kei na iVola tale eso

³ “Luve ni tamata, mo vosa vei ira na qase ni Isireli, ka kaya vei ira, sa kaya vakaoqo na Kalou o Jiova, o ni lako mai oqo mo ni mai tarogi au? Me vaka na dina ni noqu bula, a kaya na Kalou o Jiova, au na sega ni tarogi mai vei kemuni.

Ai Vola Tabu (Vakadewa Makawa Vakavoutaki 2021)

³ “Ko iko na luve ni tamata, mo vosa vei ira na qase ni Isireli, ka kaya vei ira: Sa kaya vakaoqo na Turaga ko Jiova: Dou sa lako mai me tarogi au, ne? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

AI VOLA TABU

³ Na luve ni tamata, mo vosa vei ira na qase ni Isireli, ka kaya vei ira, Sa vosa vakaoqo na Turaga ko Jiova; Dou sa lako mai me tarogi au, ne? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Vakavakadewa Makawa

³ Ko iko na luve ni tamata, mo vosa vei ira na qase ni Isireli, ka kaya vei ira, Sa kaya vakaoqo na Turaga ko Jiova; Dou sa lako mai me tarogi au, ne? Me vaka na dina ni noqu bula, sa kaya na Turaga ko Jiova, au na sega ni tarogi vei kemudou.

Ai Vola Tabu Ena Vakavakadewa Vou

³ “Luve ni tamata, mo vosa vei ira na qase ni Isireli, ka kaya vei ira, sa kaya vakaoqo na Kalou ko Jiova, o ni lako mai oqo mo ni mai tarogi au? Me vaka na dina ni noqu bula, a kaya na Kalou ko Jiova, au na sega ni tarogi mai vei kemuni.

Isikeli 20:3 Iomraidhean Croise

Vosavakaibalebale 15:8

Sa cata o Jiova na nodra i soro na tamata ca, ia sa taleitaka ga na nodra masu na yalododonu.

Vosavakaibalebale 21:27

A nodra i soro na tamata ca sa ka vakasisila; sa qai ca vakalevu ni cabori ena yalo vakatani.

Vosavakaibalebale 28:9

Kevaka o na sega ni muria na lawa, ena sega ni taleitaka na Kalou me rogoca na nomu masu.

Aisea 1:12

O cei sa tukuna vei kemuni na veika oqo, Mo ni lako mai mo ni mai qaravi au? O cei sa tukuna vei kemuni mo ni buturaka na noqu lomanibai?

Aisea 1:15

Ni o ni laveta cake na ligamuni ena masu, Au na qai gole tani mai vei kemuni. Veitalia sara na levu ni nomuni masu Au sega ni via rogoca, Baleta ni sa duka tu na ligamuni ena i valavala ca.

Aisea 58:2

Era sa vakasaqarai au ena veisiga Ka kaya ni ra sa muria na noqu lawa Ka cakava na ka dodonu. Era sa kerei au me'u vakalougatataki ira Ka me'u solia vei ira na lewa dodonu.”

Isikeli 14:1

A qai lako mai vei au eso vei ira na qase ni Isireli, ka mai tiko e mataqu.

Isikeli 20:2

Sa qai yaco vei au na vosa i Jiova, ka vaka:

Isikeli 20:31

Ni kemuni a cabora na nomuni i solisoli, ka vakacabori ira na luvemuni ena loma ni bukawaqa, o ni sa vakadukadukalitaki kemuni ena nomuni matakau kecega me yacova na siga oqo. Ia me'u na tarogi li oi au mai vei kemuni, na mataqali i Isireli? Me vaka na dina ni noqu bula, sa kaya na Kalou o Jiova, au na sega sara ni tarogi mai vei kemuni.

Isikeli 33:30

“O iko talega na luve ni tamata, era sa veivosakitaki iko tikoga na kai nomu e tutu ni lalaga ni veivale kei na kedra katuba talega, ka ra veivosaki vaka i ira vakaveitacini, ka kaya, ‘Ni lako mai ka mai rogoca mada se na vosa cava sa rogo mai vei Jiova.’

Emosi 8:12

Era na veilakoyaki na tamata me tekivu mai na Waitui Mate ki na Meditereni, ka qai lako mai na vualiku ki na tokalau. Era na vakasaqara voli na vosa i Jiova ena veivanua taucoko sara, ia era na sega ga ni kunea.

Maika 3:7

O ira era dautukuna na veika e se bera ni yaco era na qai madua ga ni sa cala na nodra vosa ni yalayala. Era na vakamadualaki baleta ni sa sega ni vakayacora na Kalou na ka era sa tukuna.

Maciu 3:7

Ia ni sa raici ira e lewe vuqa na Farisi kei na Setoki ni ra sa lako tiko yani vua me ra papitaisotaki, sa kaya vei ira, “Oi kemuni na kawa ni gata! O cei sa vakasalataki kemuni mo ni dro tani mai na cudru sa lako tiko mai?

Luke 3:7

Sa qai kaya kina o Joni vei ira na lewe vuqa ka ra lako yani me papitaisotaki ira o koya, “Oi kemuni na kawa ni gata, o cei sa qai vakasalataki kemuni mo ni dro tani mai na cudru sa bera tiko mai?

Joni 4:24

A yalo na Kalou, o ira era lotu vua e dodonu me ra lotu vakayalo ka vakaidina.”

1 Samuela 28:6

E a vakasaqarai Jiova me taroga vua se na cava me vakayacora. Ia a sega vakadua ni sauma lesu o Jiova e dua na ka, ena tadra, se na vakawiri madigi, se ena gusudra na parofita.