Isikeli 2:3 - Vakavakadewa Vou kei na iVola tale eso

³ A sa kaya vei au, “O iko na luve ni tamata, au na talai iko vei ira na Isireli, ki na dua na matanitu dautalaidredre. Era sa vuki tani vei au, o ira kei ira na nodra qase me yacova mai na siga oqo.

Ai Vola Tabu (Vakadewa Makawa Vakavoutaki 2021)

³ A sa kaya vei au ko koya, “Ko iko na luve ni tamata, au sa talai iko vei ira na Isireli, ki na dua na matanitu dauvuki sa vuki tani vei au. O ira kei na nodra qase era sa talaidredre vei au, ka yacova sara na siga oqo.

AI VOLA TABU

³ A sa kaya vei au ko koya, Na luve ni tamata, au sa talai iko vei ira na luve i Isireli, ki na dua na matanitu dauvuki sa vuki tani vei au: o ira kei na nodra qase era sa talaidredre vei au, ka yacova sara na siga o qo.

Vakavakadewa Makawa

³ A sa kaya vei au ko koya, Ko iko na luve ni tamata, au sa talai iko vei ira na Isireli, ki na dua na matanitu dauvuki sa vuki tani vei au: o ira kei na nodra qase era sa talaidredre vei au, ka yacova sara na siga oqo.

Ai Vola Tabu Ena Vakavakadewa Vou

³ A sa kaya vei au, “O iko na luve ni tamata, au na talai iko vei ira na Isireli, ki na dua na matanitu dautalaidredre. Era sa vuki tani vei au, o ira kei ira na nodra qase me yacova mai na siga oqo.

Isikeli 2:3 Iomraidhean Croise

2 Tui 17:14

Ia era a qai sega ni vakarorogo ka ra sa vakadomoqataki ira me vaka era a kitaka na nodra qase, ni ra sa sega ni vakabauti Jiova na nodra Kalou.

2 Tui 17:15

Era sa beca na nona i lesilesi kei na nona veiyalayalati ka a cakava o koya kei ira na nodra qase, kei na i vakaro ka a solia vei ira. Era a muria na veimatakau ceuceu tawayaga ka ra sa tawayaga vakakina; era a muria na i tovo ni veimatanitu e voliti ira, ka ra talaidredre kina ki na i vakaro i Jiova me ra kakua ni vakamurimuri ira.

Esera 9:7

Mai na nodra gauna na neimami qase me yacova mai oqo, sa ka levu sara na neimami i valavala ca na nomuni tamata. Ena vuku saka ni neimami i valavala ca, keimami sa bale kina ki na ligadra na tui ni veivanua tale eso oi keimami, kei ira na neimami tui, vata kei ira na neimami bete; ka keimami sa vakamatei, sa butakoci na neimami i yau, ka kau tani yani vakabobula. Sa basika vei keimami na vakaloloma levu, me vaka sa yaco tiko ena gauna edaidai.

Niemaia 9:26

Ia era sa talaidredre ga ka vuki tani mai vei kemuni. Era sa vakanadakuya na nomuni Lawa ka vakamatei ira na nomuni parofita - o ira era a vakasalataki ira me ra lesu yani vei kemuni; ia, era cakava ga na veika ni veivakacudrui lelevu.

NA SAME 106:28

Era sa sokalou talega na tamata ni Kalou vei Peali mai Piori, Ka kania na i soro sa vakacabori ki na veikalou mate.

Aisea 30:1

A sa kaya o Jiova, “Ena yaco na veika ca vei ira na i liuliu e Juta, Baleta ni ra sa veisaqasaqa kei au. Era sa veinaki eso sa sega ni noqu. Ka tabaka na veiyalayalati sa veisaqasaqa kei na noqu lewa; Era sa kuria tikoga kina na ca ena i valavala ca.

Jeremaia 1:7

Ia sa kaya ga vei au o Jiova, “Kakua ni tukuna ni o sa rui gone, ia mo lako ga vei ira na tamata au sa talai iko kina, ka tukuna vei ira na ka kecega au sa vakarota vei iko.

Jeremaia 3:25

Sa dodonu me keimami davo ena madua ka me ubi keimami na neimami lecaika, keimami sai valavala ca kei ira na neimami qase, me tekivu sara mai na gauna keimami a sa gone kina ka yacova sara mai na gauna oqo, keimami sa talaidredre tikoga vei Jiova na neimami Kalou.”

Jeremaia 36:2

Taura mai e dua na i vola vivigi ka vola kina na veika kece sara au tukuna me baleti Isireli kei Juta ka vakakina na veimatanitu kecega. Vola na veika kece sara au a tukuna vei iko me tekivu mai na i matai ni gauna au a vosa kina vei iko ena gauna a tui tiko kina o Josaia me yacova mai na gauna oqo.

Jeremaia 44:20

A qai kaya o Jeremaia vei ira kece na tamata, na tagane kei na yalewa,

Jeremaia 44:21

Me vaka na veisoro o ni vakacabora kei ira na nomuni qase, nomuni tui, nomuni liuliu kei ira na lewe ni vanua ena veikoro e Juta kei na veigaunisala mai Jerusalemi, o ni nanuma beka e sega ni kila na veika oqori o Jiova se sa guilecava?

Jeremaia 7:2

Lako ki na matamata ni vale i Jiova ka la'ki vunautaka kina na vosa oqo, ‘Kemuni kece na lewe i Juta o ni dau curu ki na matamata oqo mo ni qaravi Jiova.’

Isikeli 17:12

“Mo kaya ki na mataqali dau talaidredre oqo, o ni sega li ni kila na i balebale ni ka oqo? Mo tukuna vei ira, raica, sa lako mai ki Papiloni o tui Jerusalemi, ka tauri koya na kena tui, kei ira na kena turaga, ka kauti ira vata kaya ki Papiloni.

Isikeli 24:3

Ia mo cavuta na vosa vakatautauvata ki na kawatamata dautalaidredre, ka kaya vei ira, ‘Sa kaya vakaoqo na Kalou o Jiova: Mo tokara na kuro ena sue, ka sova talega kina na wai;

Isikeli 40:4

A kaya vei au na tamata oqori, “Luve ni tamata, mo rai e matamu, ka rogo na daligamu, vakasara e lomamu na ka kece ka'u vakaraitaka vei iko; mo tukuna sara na veika kece o sa raica vei ira na mataqali i Isireli.”

Emosi 7:15

Ia sa kacivi au ga o Jiova mai na noqu cakacaka ni vakatawa sipi ka vakaroti au me'u lako mai ka parofisai vei ira na nona tamata na Isireli.

Malakai 3:7

O kemuni, o ni sa vakataki ira na nomuni qase era liu vei kemuni, ni o ni sa vuki tani mai na noqu lawa ka sega ni muria. Ni lesu tale mai vei au, ka'u na qai lesu yani vei kemuni. Ia o ni sa taroga, ‘A cava me keimami cakava me keimami lesu yani kina vei kemuni?’

Tiko mai na Lekutu 20:10

E rau sa qai vakasoqona vata na lewenivanua o Mosese kei Eroni me donuya na uluvatu, ka kaya vei ira o koya, “Ni rogoca mada oqo na tamata dautalaidredre: me keirau vakavurea beka na memuni wai mai na vatu oqo?”

Cakacaka 7:51

“Ni yavu tamata yalo kaukauwa! Sa duatani na butobuto ni lomamuni kei na didivara ni daligamuni! O ni sa ucui ira vinaka sara ga na nomuni qase, ena nomuni dau vorata na Yalo Tabu!

Roma 10:15

Ena la'ki vunautaki rawa vakaevei na i tukutuku kevaka era sa sega ni talaki o ira na i talai? Me vaka sa volai, “Sa ka lagilagi dina na nodra yaco mai na i talai ni ra kauta voli mai na i Tukutuku Vinaka!”

Vakarua 9:24

O ni a dau vorati Jiova me vakatekivu mai na gauna a kilai kemuni kina.

Vakarua 9:27

Mo ni nanumi iratou na nomuni dauveiqaravi o Eparama, Aisake kei Jekope, ka guilecava mada na nodra vakadrecike, na dukadukali kei na nodra i valavala ca na tamata oqo,