Isikeli 13:3 - Vakavakadewa Vou kei na iVola tale eso

³ Sa kaya vakaoqo na Kalou o Jiova, “Ena cudruvi o ira na parofita yalowai ka lialia, era sa muria na yalodra, ka vakabulia ga na nodra raivotu.

Ai Vola Tabu (Vakadewa Makawa Vakavoutaki 2021)

³ Sa kaya vakaoqo na Turaga ko Jiova, Ena ca ko ira na parofita lialia era muria na yalodra, ka segai na ka era raica!

AI VOLA TABU

³ Sa vosa vakaoqo na Turaga ko Jiova; Ena ca ko ira na parofita lialia, era muria na yalodra ka sega na ka era raica!

Vakavakadewa Makawa

³ Sa kaya vakaoqo na Turaga ko Jiova; Ena ca ko ira na parofita lialia, era muria na yalodra ka segai na ka era raica!

Ai Vola Tabu Ena Vakavakadewa Vou

³ Sa kaya vakaoqo na Kalou ko Jiova, “Ena cudruvi o ira na parofita yalowai ka lialia, era sa muria na yalodra, ka vakabulia ga na nodra raivotu.

Isikeli 13:3 Iomraidhean Croise

Vosavakaibalebale 15:14

Na tamata vuku ena gadreva tikoga me vuli, ia na tamata yalowai sa vakamamautaki ena veika lialia.

Vosavakaibalebale 15:2

Na vosa ni tamata yalomatua sa vakatetea na kila-ka, ia na gusuna na tamata yalowai sa tukuna na ka lialia.

Jeremaia 23:1

A sa kaya o Jiova o Jiova, Ena yaco na leqa vei ira na i liuliu era sa laivi ira na nodra tamata me ra vakamatei ka veiseyaki.”

Jeremaia 23:16

Sa kaya o Jiova vei ira na lewe i Jerusalemi, “Ni kakua ni rogoca na veika era kaya na parofita ni ra sa vakasinaiti kemuni ena vakanuinui mate wale. Era sa tukuna vei kemuni na veika ga era nanuma ka sega ni veika au tukuna.

Jeremaia 23:9

A sa kaya o Jeremaia me baleti ira na parofita, “Sa kavoro na utoqu e lomaqu, Ka sa yavavala kece na suiqu Baleta na Turaga, Ena vuku ni nona veivosa savasava, Au sa vaka e dua na tamata sa mateni, E dua na tamata sa sivia vua na waini.

Jeremaia 28:15

A qai kaya o Jeremaia na parofita vei Enanaia na parofita, “Mo vakarorogo mada Enanaia, a sega ni talai iko mai o Jiova, ka o sa vakavuna me ra vakabauta na tamata e dua na lasu.”

Lele i Jeremaia 2:14

O ira na nomu parofita eso era sa solia Vei iko na veiraivotu lasulasu. Sa vakacalai iko na nodra i vunau Ni ra sega ni vakatakila kina na nomu i valavala ca. Era sa vakayacora na ka mo nanuma kina Ni sa sega ni yaga mo veivutuni.

Isikeli 13:18

ka kaya, a kaya vakaoqo na Kalou o Jiova, “Ena ca o ira na yalewa ka cula na i vau qato ki na liga kece, ka cakava na i ubi ni ulu vei ira na veimataqali tamata kecega ka duidui na kedra i tuvaki me ra rawa yalo kina! Mo ni vakasasataka li na yalodra na noqu tamata, ka taqomaka na yalodra eso tale me yaga vei kemuni?

Isikeli 13:4

I Isireli, o ira na nomu parofita era sa vaka na fokisi ni veikau sa lako voli ena rusarusa ni dua na koro.

Isikeli 34:2

“O iko, na luve ni tamata, mo parofisai vei ira na nodra i vakatawanisipi na Isireli, ka kaya, Sa kaya vakaoqo na Kalou o Jiova: Oi kemuni na i vakatawanisipi i Isireli, ka o ni sa la'ki vakani kemuni vakataki kemuni tiko! Sa sega li ni dodonu me ra vakania na qele ni sipi na i vakatawa?

Osea 9:7

Na gauna ni veitotogitaki sa yaco mai, na gauna ni veisausaumi sa yaco mai. Ena kila o Isireli na ka oqo ni sa vakayacori! O ni sa kaya ga vakaoqo, “Na parofita oqo e sa lialia tiko. O koya na i lumuti oqo sa leqa tiko na uluna.” O ni sa cati au vakalevu ga baleta ni sa ka levu sara na nomuni i valavala ca.

Sakaraia 11:15

A sa qai kaya tale vei au o Jiova, “Mo matanataka tale mada vakadua na i tavi ni vakatawanisipi, ia oqo mo na vaka e dua e rui torosobu sara.

Luke 11:40

O ni sa rui yalowai! E sega li ni a cakava talega na tikina e loma o koya ka a cakava na tikina e taudaku?

Luke 11:52

“Dou na kalouca na daunilawa! Dou sa maroroya tikoga na i dola ki na katuba ni kila-ka; dou na sega ni curu kina oi kemuni, ka dou sa tarovi ira era sa via curu kina!”

1 Korinica 9:16

Kevaka au sa vunautaka na i tukutuku vinaka, oqori sa sega ni ka me'u boletaki au kina, ia ka'u sa vakacolati kina, ni sa noqu i tavi ga oqo. Au na kalouca kevaka au sa sega ni vunautaka na i tukutuku vinaka!

1 Timoci 6:4

sa sinai ga o koya oqo ena qaciqacia ka sa sega ni kila e dua na ka. Sa tamata tauvi mate vakayalo o koya ka vinakata walega na veileti kei na veibataka na vosa sa tubu kina na vuvu, na veivala, na dauvakaucaca, na nanuma ca,

2 Timoci 3:9

Ena sega ni balavu sara na nodra toso, baleta ni ra na raica na tamata kecega na nodra lecaika. Sa i koya o ya na ka sa yaco vei Jani kei Jabari.