Isikeli 12:3 - Vakavakadewa Vou kei na iVola tale eso

³ Ia oqo, o iko na luve ni tamata, mo vakarautaka na nomu i yaya ni toki vakabobula, ka vakayacora oqo e matadra ni se bera ni bogi na vanua. Me ra raici iko ni o sa biu vanua ka lako yani ki na dua tale na vanua. De ra na qai kila kina o ira ni ra sa tamata talaidredre.

Ai Vola Tabu (Vakadewa Makawa Vakavoutaki 2021)

³ Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga. Ia mo toki tani e matadra mai na nomu tikina ki na tikina tani. Era matatamata dautalaidredre, ia de ra na qai vakanananu beka kina.

AI VOLA TABU

³ Ia ko iko, na luve ni tamata, mo cakava na nomui yaya ni toki vakabobula, ka toki tani kei na siga e matadra: ia mo toki tani mai na nomu tikina ki na tikina tani e matadra: era mataqali dautalaidredre, ka ra na vakanananu beka ga.

Vakavakadewa Makawa

³ Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga: ia mo toki tani e matadra mai na nomu tikina ki na tikina tani: era mataqali dautalaidredre, ia de ra na vakanananu beka ga.

Ai Vola Tabu Ena Vakavakadewa Vou

³ Ia oqo, o iko na luve ni tamata, mo vakarautaka na nomu i yaya ni toki vakabobula, ka vakayacora oqo e matadra ni se bera ni bogi na vanua. Me ra raici iko ni o sa biu vanua ka lako yani ki na dua tale na vanua. De ra na qai kila kina o ira ni ra sa tamata talaidredre.

Isikeli 12:3 Iomraidhean Croise

NA SAME 81:13

Kevaka era a vakarorogo mada ga vei au na noqu tamata Au diva me ra talairawarawa vei au.

Jeremaia 10:17

Kemuni na lewe i Jerusalemi, o ni sa valuti tiko, ni sa buku na druadrua vei kemuni! Ni kumuna vata na veika o ni taukena.

Jeremaia 26:3

De mani yaco me ra muria na tamata, ka biuta tani na nodra i tovo ca; kevaka ena vakakina, au sa na veisautaka na lomaqu ena vuku ni veivakarusai au sa nakita me'u vakayacora vei ira me baleta na nodra i tovo ca.”

Jeremaia 27:2

Mo cakava e dua na nomu i vua ena leca kei na kau me vakababa ka biuta ki domomu.”

Jeremaia 36:3

De ra na rogoca na lewe i Juta na veivakarusai kece au nakita me'u vakayacora vei ira era na qai gole tani kece mai na nodra i tovo ca. Ia au na qai vosoti ira mai na nodra caka cala kei na nodra i valavala ca.”

Jeremaia 36:7

De ra sa na qai masu vei Jiova ka gole tani mai na nodra i tovo ca, ni sa vunauci ira na tamata oqo o Jiova ena nona cudru rerevaki kei na rarawa.”

Jeremaia 7:26

Ia era sega ni via vakarorogo se muria. Era sa qai vakaukauwataka na lomadra ka ra sa ca sobu sara mai vei ira na nodra qase.

Isikeli 12:7

Ia ka'u a cakava me vaka ka'u sa vakaroti kina. Au sa yauta ki tautuba na noqu i yaya ena siga, me vaka na i yaya ni toki vakabobula, ia ena yakavi, ka'u sa kelia na bai ena ligaqu; ni sa buto na vanua ka'u sa qai yauta tani, ka'u a colata yani e matadra.

Isikeli 3:26

Au na cakava me paralasi na yamemu, mo galu kina, ka me sega kina ni rawa mo vunauci ira tiko, ni ra sa tamata talaidredre.

Isikeli 3:27

Ia ena gauna ga ka'u vosa kina vei iko, au na qai dolava na gusumu, o na qai kaya rawa vei ira, ka vaka, ‘Sa kaya vakaoqo na Kalou o Jiova’. Ena so vei ira era na rogoca ka so tale era na sega ni via rogoci iko, baleta ni ra tamata dau talaidredre.”

Isikeli 33:11

Mo kaya vei ira, Me vaka na dina ni noqu bula, sa kaya na Kalou o Jiova, au sa sega ni vinakata se marautaka me mate na tamata ca, au vinakata ga me vuki tani mai o koya mai na nona i tovo ca; a cava li o ni via mate kina Oi Kemuni na Mataqali i Isireli?

Isikeli 43:11

Kevaka era sa maduataka na ka kece era cakava, mo qai vakatakila vei ira na i vakarau ni vale, na kena i tuvatuva, na kena i curucuru ki tuba, na kena katuba ki loma, na kena i vakarau kecega; ka vakatakila na kena i vakarau, na kena i lesilesi kecega; vola e matadra, me ra vakabauta ka cakava na kena i vakarau, kei na kena i lesilesi kecega.

Luke 13:34

“Isa Jerusalemi, isa Jerusalemi! O iko o a vakamatei ira na parofita, ka vakaviriki ira ena vatu na i talatala sa tala yani vei iko na Kalou! Sa vakavuqa na noqu vakasoqoni ira vata na luvemu, me vaka na nona vakasoqoni ira vata na luvena na tina ni toa ena ruku ni tabana, ia o a sega ga ni vinakata!

Luke 20:13

Sa qai kaya na i taukei ni loganivaini, ‘Na cava beka me'u cakava? Au sa na tala na luvequ e dua bauga; ni dodonu me ra na dokai koya!’

Vakarua 32:29

Era sega ni raica rawa na vu ni nodra vakadrukai; era sa sega ni kila rawa na i balebale ni veika sa yaco.

Vakarua 5:29

Kevaka mada ga ena dau vaka tu ga oqo na nodra vakanananu me ra rerevaki au ka talairawarawa ki na noqu vunau me na rawa ni ra vinaka kina kei ira na nodra kawa ka tawa mudu.

2 Timoci 2:25

ka vakatavulici ira na kemu meca ena yalomalumalumu. De na qai solia vei ira na Kalou na gauna me ra veivutuni kina ka kila na ka dina,