Isikeli 10:2 - Vakavakadewa Vou kei na iVola tale eso

² A vosa vua na tamata vakaisulu lineni, ka kaya, “Mo curu mada ena maliwa ni qiqi e rukudratou na jerupi ka vakasinaita na ligamu ena qilaiso waqa. Mo qai kaburaka yani na qilaiso ki na koro.” Au a vakaraici koya voli ni sa lako yani.

Ai Vola Tabu (Vakadewa Makawa Vakavoutaki 2021)

² A sa vosa ko koya vua na tamata sa vakaisulu e na lineni, ka kaya, “Mo curu mada ki na maliwa ni yava ni qiqi e ruku ni jerupi, ka yakuta e na ligamu na qilaiso sa waqa tu mai na kedratou maliwa na jerupi, ka kaburaka yani ki na koro.” A sa curu kina ni'u sa raica tiko.

AI VOLA TABU

² A sa vosa ko koya ki na tamata sa vakaisulu e na malo, ka kaya, Mo curu yani ki na maliwa ni yava e ruku ni jerupi, ka vakasinaita na ligamu e na qilaiso ni buka waqa mai na kedratou maliwa na jerupi, ka duibiubiuta ki na dela ni koro. A sa curu yani e mataqu.

Vakavakadewa Makawa

² A sa vosa ko koya vua na tamata sa vakaisulu e na lineni, ka kaya, Mo curu mada ki na maliwa ni yava ni qiqi e ruku ni jerupi, ka yakuta e na ligamu na qilaiso sa waqa tu mai na kedratou maliwa na jerupi, ka duibiubiuta ki na dela ni koro. A sa curu kina ni'u sa raica tiko.

Ai Vola Tabu Ena Vakavakadewa Vou

² A vosa vua na tamata vakaisulu lineni, ka kaya, “Mo curu mada ena maliwa ni qiqi e rukudratou na jerupi ka vakasinaita na ligamu ena qilaiso waqa. Mo qai kaburaka yani na qilaiso ki na koro.” Au a vakaraici koya voli ni sa lako yani.

Isikeli 10:2 Iomraidhean Croise

2 Tui 25:9

E a vakama o koya na Valenisoro, kei na nona vale na tui, kei na nodra veivale na tamata nuitaki e Jerusalemi,

NA SAME 140:10

Me lutuki ira na qilaiso katakata sa waqa tu; Me ra biu ki na dua na qara ka sega tale ni ra lako cake rawa mai kina.

NA SAME 18:10

Sa vuka vakatotolo yani ena jerupi: Ka veitosoyaki voli ena bati ni cagi.

Lako Yani 25:18

Mo bulia ena koula sa lautuki e rua na i vakatakarakara ni jerupi, ena yasana ruarua ni i sogo.

Aisea 30:30

Era na rogoca na domo vakaturaga i Jiova na tamata Ka vakayacora me ra raica na ligana ni sa lako sobu mai Kei na nona cudru kaukauwa kei na bukawaqa, Vata kei na yaseyase, na cava, kei na uca cevata.

Isikeli 1:13

Ena lomadonu ni kedratou veimama na veika bula, a caudre tiko kina e dua na bukawaqa a veitosoyaki tiko me vaka e dua na cina matanibuka ena kedratou maliwa; a ramase sara na bukawaqa ka tibi mai kina na livaliva.

Isikeli 10:16

Ia ni ratou sa lako yani na jerupi, sa lako vata kaya talega na qiqi sa tu e yasadratou; ia ni sa vakatateba na tabadratou, me ratou vuka mai na dela ni vuravura, sa sega ni veigoleyaki na yavadratou ka koto e tutudratou.

Isikeli 9:11

Raica, sa mai tukutuku tale na tamata vakaisulu lineni, ka taura tu na nona kato ni yaya ni volavola, ka kaya, “Au sa cakava me vaka o ni sa vakarota vei au.”

Taniela 7:9

Ni'u vakararai tu, au a raica ni ra mai biu eso na i dabedabe vakatui. Sa qai mai dabe ena dua vei ira na i dabedabe vakatui oqo o koya sa bula ka sega ni mudu. Sa vulavula na nona i sulu me vaka na uca cevata, ka sa vaka na vutinisipi uasivi sara na drauniuluna. Na nona i dabedabe vakaturaga ka sa semati ki na qiqi bukawaqa, a sa waqa tu

Vakatakila 8:5

Sa qai kauta na agilosi na i vakawaqa ni ka boi vinaka, ka vakasinaita ena qilaiso waqa mai na i cabocabonisoro, ka viritaka ki vuravura. A sa voqa cake mai na vavadugudugu kei na lutu ni kurukuru, a sa tatatibitibi na liva, ka yaco na uneune.