Isikeli 1:4 - Vakavakadewa Vou kei na iVola tale eso

⁴ Ia ni'u vakaraica voli, a sa uku mai e dua na vualiku kaukauwa kei na dua na o levu lumilumisa ramase ka tatibi veitarataravi mai kina na livaliva. Ia ena tikina e tatibi tiko kina na livaliva, e koto kina e dua na ka sa vaka na tatalivaliva ni parasa.

Ai Vola Tabu (Vakadewa Makawa Vakavoutaki 2021)

⁴ Ia ka'u sa vakaraica, ka raica, e dua na covulaca sa lako mai na vualiku, ka dua na o levu, ka dua na bukawaqa sa veitaravi na kena yameyame, ka sa caudre vakavolivolita, ka sa vaka na parasa matavinaka ka tu mai na lomana, mai na loma ni bukawaqa.

AI VOLA TABU

⁴ Ia kaʼu sa vakasarava, ka, raica, e dua na covulaca sa lako mai na tokalau, ka dua na o levu, ka dua na buka waqa sa vei-katikati tu vakai koya, ka sa caudre volita, a sa vaka na parasa matavinaka ka tu mai lomana, mai na loma ni buka.

Vakavakadewa Makawa

⁴ Ia ka'u sa vakaraica, ka raica, e dua na covulaca sa lako mai na tokalau, ka dua na o levu, ka dua na bukawaqa sa veitaravi na kena yameyame, ka sa caudre vakavolivolita, ka sa vaka na parasa matavinaka ka tu mai na lomana, mai na loma ni bukawaqa.

Ai Vola Tabu Ena Vakavakadewa Vou

⁴ Ia ni'u vakaraica voli, a sa uku mai e dua na vualiku kaukauwa kei na dua na o levu lumilumisa ramase ka tatibi veitarataravi mai kina na livaliva. Ia ena tikina e tatibi tiko kina na livaliva, e koto kina e dua na ka sa vaka na tatalivaliva ni parasa.

Isikeli 1:4 Iomraidhean Croise

1 Tui 19:11

A sa kaya o koya, “Mo lako yani, ka la'ki tu ena dela ni ulunivanua ena mata i Jiova, ni sa vakarau lako siviti iko o Jiova.” A sa liwa mai e dua na cagi levu ka kaukauwa, a sa sea na veiulunivanua ka vorolaka na veiuluvatu ena mata i Jiova — ia sa sega ni tiko ena cagi o Jiova. Ni sa oti na liwa ni cagi, a sa yaco e dua na uneune — ia sa sega ni tiko ena uneune o Jiova.

2 Tui 2:11

E rau a veitalanoa tikoga ni rau lako voli; ia, sa qai vakasauri na kena basika mai ena kedrau maliwa na qiqi bukawaqa sa dreti mai na ose bukawaqa, ka sa kau bulabula cake o Ilaijia ena dua na covulaca.

2 Veigauna 5:13

ka sa nodra i tavi na dauuvu davui kei ira na daunisere me ra domo vata ga, ka rogo vata ena sere, kei na vakavinavinaka vei Jiova, ia ni sa tubu cake na domo ni sere, na davui, na sibali kei na veivakatagi tale eso, ena vakavinavinaka vei Jiova, Ni sa vinaka o koya, Ni sa tudei ka tawa mudu na nona loloma, a qai vakasinaita na Valenisoro e dua na o,

Jope 38:1

Ia, mai na loma ni cagilaba, a qai vosa mai kina o Jiova vei Jope:

NA SAME 50:3

Sa lako tiko mai na noda Kalou, ia sa sega ga ni lako lo mai; Sa tu e matana na bukawaqa rerevaki Ka wavoliti koya na cava kaukauwa.

Lako Yani 9:24

E a tau tiko na uca cevata ka tibi na liva ena veiyasana kecega. A sa yaco me dua na draki ca levu ka sega ni a sa bau yaco vakadua ena i tukutuku kei Ijipita.

Aisea 19:1

Oqo e dua na i tukutuku me baleti Ijipita. Sa lako mai o Jiova ki Ijipita, Ka sa vodo mai ena dua na o totolo sara. Era sa sautaninini na matakau ni Ijipita e matana, Ka ra sa rere sara na kena tamata.

Aisea 21:1

Oqo e dua na i tukutuku baleti Papiloni, Me vaka na kena lako mai na covulaca mai na ceva, Sa na lako mai vakakina na veika vakadomobula Mai na dua na vanua rerevaki.

Jeremaia 23:19

Ni sa vaka e dua na cagilaba na cudru ni Turaga, e dua na cagi kaukauwa ka na liwava na uludra na tamata ca.

Jeremaia 25:32

Na Turaga na Kalou Qaqa Sa kaya ni na yaco na leqa Ki na veimatanitu yadudua, Ni dua na cagilaba levu Ena tubu mai na i yalayala kei vuravura.

Jeremaia 25:9

Au sa na talai ira mai na veimatatamata kece mai cake, vaka ki na vualiku kei na noqu dauveiqaravi o Nepukanesa na tui Papiloni. Au na kauti ira mai na veimatanitu o ya me ra vala kei na matanitu oqo kei ira na lewena, kei na veimatanitu voleka.

Jeremaia 4:6

Dusia na sala ki Saioni! Ni dro mo ni bula! Kakua na wawa! Sa kauta mai na ca o Jiova, Kei na veivakarusai levu mai cake, Vaka ki na vualiku.

Jeremaia 6:1

Kemuni na kawa i Penijamini, ni dro mo ni bula! Ni lako tani mai Jerusalemi! Ni uvuca na davui mai Tekoa, ka vakaduria e dua na i vakatakilakila mai Peci Akerimi. Sa vakarau lako sobu mai na vualiku na leqa kei na veivakarusai levu.

Isikeli 1:27

Me tekivu mai na tolona ka kauta cake, au a raica kina e dua na ka sa vaka na qilaiso waqa, e dua na ka sa vaka na bukawaqa sa vakavolivolita; ia me tekivu mai na tolona ka kauta sobu ki ra, au a raica kina e dua na ka sa vaka na yameyame ni buka ka sa serau tu na veitikina.

Isikeli 13:11

Mo kaya vei ira era sa boroya ena i boro vulavula, ni na bale ga! Ena tau bi mai na uca ka na lutu mai na uca cevata matai lelevu, ka na liwa mai e dua na cava levu;

Isikeli 13:13

O koya oqo, sa vosa kina vakaoqo na Kalou o Jiova: Au na vakavuna e dua na cava levu me liwa mai ena dela ni noqu cudru kaukauwa; ia ena yaco mai na noqu yalo katakata ena uca tau bi, kei na uca cevata matai lelevu ni cudru me kena i vakarusa.

Isikeli 43:3

Ia na raivotu ka'u a raica, sa rairai tautauvata kei na raivotu ka'u a raica ni sa lako mai o koya me mai vakarusa na koro: ia na raivotu oqo sa vaka na kena ka'u a raica ena uciwai o Kipa; ka'u sa cuva vakatoboicu kina.

Isikeli 8:2

Ena noqu rai cake, au a qai raica ena raivotu e dua na tamata sa vaka na qilaiso katakata na kena i rairai. Mai na tolona ka lako sobu, sa bukawaqa; mai na tolona talega ka lako cake, sa tatibi me vaka na parasa caliva vinaka.

Sakaraia 6:6

Na qiqinivalu ka dreta tiko na ose loaloa sa lako ki na vualiku, ki Papiloni; o iratou na ose vula e ratou lako tiko ki na ra; ka ratou sa lako ki na vanua mai na ceva na ose tavutonotono, ia o iratou na ose damu e ratou gole tiko ki na tokalau.

Iperiu 12:29

ni sa bukawaqa dau veivakarusai na noda Kalou.

Vakatakila 1:15

a sa tatalivaliva na yavana me vaka na parasa sa vakasavasavataki vinaka ka boroi vakamatau, kei na rorogo ni domona sa vaka na vadugu ni savu.