Isikeli 1:1 - Vakavakadewa Vou kei na iVola tale eso

¹ Ena i kalima ni siga ni i kava ni vula ena i katolusagavulu ni yabaki, ni'u a tiko kei ira na bobula mai na Uciwai o Kipa, a qai tadola na lomalagi, ka'u a raica na raivotu ni Kalou.

Ai Vola Tabu (Vakadewa Makawa Vakavoutaki 2021)

¹ E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

AI VOLA TABU

¹ A SA yaco e nai katolusagavulu ni yabaki, e nai kava ni vula, e nai kalima ni siga ni vula, niʼu sa tiko kei ira na bobula mai na uciwai ko Kipari, sa qai wase rua mai na lomalagi, ia kaʼu sa raica na raivotu ni Kalou.

Vakavakadewa Makawa

¹ E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.

Ai Vola Tabu Ena Vakavakadewa Vou

¹ Ena i kalima ni siga ni i kava ni vula ena i katolusagavulu ni yabaki, ni'u a tiko kei ira na bobula mai na Uciwai o Kipa, a qai tadola na lomalagi, ka'u a raica na raivotu ni Kalou.

Isikeli 1:1 Iomraidhean Croise

Vakatekivu 15:1

Ni oti o ya, a qai vosa vei Eparama o Jiova ena dua na raivotu ka kaya, “I Eparama, mo kakua ni rere. Au na taqomaki iko mai na veika ca ka'u na vakalevutaka na kemu i sau.”

Vakatekivu 46:2

A sa vosa vua na Kalou ena dua na raivotu ena bogi ka kaya, “I Jekope, i Jekope!” A sauma o Jekope, “Oi au saka oqo.”

NA SAME 137:1

Ena bati ni uciwai mai Papiloni, Keimami a dabe sobu kina ka tagi, Ni keimami a vakananumi Saioni.

Lako Yani 24:10

ka ra sa raica na Kalou i Isireli. Ia sa tu ena ruku ni yavana e dua na ka sa vaka na salatu sa buli ena vatu talei na safaia, ni sa makaresese me vaka na rarama ni lomalagi.

Aisea 1:1

Na i vola oqo sa koto kina na i tukutuku baleti Juta kei Jerusalemi e a vakaraitaka na Kalou vei Aisea na luve i Emosi ena gauna e ratou a tui kina e Juta o Usaia, o Jocame, o Easi kei Esekaia.

Aisea 6:1

Ena yabaki e a mate kina o Usaia na tui, au a raica na Turaga ni dabe tiko ena nona i dabedabe vakatui, e cecere, ka laveti cake.

Jeremaia 29:15

O ni a kaya, sa solia vei kemuni o Jiova eso na parofita mai Papiloni.

Isikeli 1:3

A qai yaco sara mai na vosa ni Kalou vei Isikeli na bete, na luve i Pusi, ena nodra vanua na kai Kalidia mai na Uciwai o Kipa; a tiko vua mai kea na liga i Jiova.

Isikeli 10:1

Au a qai rai, ka raica ni sa basika mai na dela ni wasa iloilo ka cowiri baleta koto na uludratou na jerupi e dua na ka sa vaka na vatu safaia, ka vaka koto na i bulibuli ni i tikotiko vakaturaga na vatu talei oqo.

Isikeli 10:10

Ia na kedratou i rairai na jerupi, sa tautauvata vava, ka sa vaka ga na i rairai ni qiqi ena loma ni dua na qiqi.

Isikeli 10:15

E ratou sa talave cake na jerupi. O iratou oqo na ka bula ka'u a raica mai na uciwai o Kipa.

Isikeli 10:20

Oqo na ka bula ka'u a raica ena ruku ni Kalou ni Isireli mai na uciwai na Kipa; ia ka'u sa kila ni sai iratou oqo na jerupi.

Isikeli 10:22

Na matadratou sa veiucui kei na mata ka'u a raica mai na uciwai o Kipa. E ratou sa dui lako vakadodonu ga ki liu.

Isikeli 11:24

A qai laveti au cake na Yalo ni Kalou ka kauti au yani ki Papilonia, ena raivotu, vei ira sa tiko vakabobula. A sa qai lako tani mai vei au na raivotu,

Isikeli 3:15

Au a yaco yani vei ira na bobula mai Telavivi, o ira sa vakaitikotiko ena yasa ni uciwai na Kipa. Au a mai tiko yani e kea ena yalo vakadrukai, kidroa ka luvuci tu ena veilecayaki me bogi vitu.

Isikeli 3:23

Au a mani lako yani ki na buca, ka raica, sa duri tu mai kina na i ukuuku i Jiova, me vaka na i ukuuku ka'u a raica mai na uciwai o Kipa; ka'u sa bale sara kina vakatoboicu.

Isikeli 40:2

ka sa kauti au ena raivotu ni Kalou o Jiova ki na vanua o Isireli, ka vakatikori au ki na dua na dela ni ulunivanua sa cecere sara, ka vaka e tu mai kina na i tuvaki ni dua na koro, ka donui au tu.

Isikeli 43:3

Ia na raivotu ka'u a raica, sa rairai tautauvata kei na raivotu ka'u a raica ni sa lako mai o koya me mai vakarusa na koro: ia na raivotu oqo sa vaka na kena ka'u a raica ena uciwai o Kipa; ka'u sa cuva vakatoboicu kina.

Isikeli 8:3

A dodoka mai o koya na i yaloyalo ni dua na liga, ka tauri au ena tobe ni uluqu; a laveti au cake na yalo ena veimama ni vuravura kei na lomalagi, a kauti au ena raivotu ni Kalou ki Jerusalemi, ki na matamata ni koro ki loma ka qara vaka ki na vualiku; a sa tiko mai kina na i tikotiko ni matakau ni vuvu, o koya sa vakatubura na veivuvutaki.

Osea 12:10

“Au a vosa vei ira na parofita ka solia vei ira e vuqa na raivotu, ka'u a soli i vakasala ka vunauci ira na tamata mai na gusudra na parofita.

Joeli 2:28

Ia ena qai yaco ena gauna mai muri, Ka'u na sovaraka na yaloqu Vei ira na tamata kecega; Era na parofisai na luvemudou gonetagane Kei ira na luvemudou goneyalewa, O ira na nomudou qase Era na tadra na tadra eso, Kei ira na nomudou cauravou Era na raica na raivotu.

Tiko mai na Lekutu 12:6

Sa kaya o Jiova, “Drau rogoca mada na noqu vosa: Ke sa tiko vei kemudou e dua na parofita, sai au o Jiova ka'u na vakatakilai au vua ena raivotu, ka'u na vosa talega vua ena tadra.

Tiko mai na Lekutu 4:3

ka volai ira ka tiko na nodra yabaki ni bula ena maliwa ni 30 kei na 50, ia o ira ga era rawa ni qarava na cakacaka ni Vale ni Veitavaki.

Maciu 17:9

Ni ratou sa siro sobu tiko mai na ulunivanua, sa vakaroti iratou o Jisu, ka kaya, “Dou kakua ni tukuna vua e dua na raivotu, me yacova ni sa tucake tale mai na mate na Luve ni Tamata.”

Maciu 3:16

Ia ni sa papitaisotaki oti o Jisu sa cabe sara mai wai, ka raica, sa qai tadola mai na lomalagi, ka sa raica sara o koya na Yalo ni Kalou ni sa lako sobu mai me vaka na ruve ka mai ro toka vua.

Marika 1:10

Ia ni sa lamata cake tiko mai wai o Jisu, a sa raica ni sa tadola na lomalagi ka sa lako sobu mai vua na Yalo Tabu me vaka na ruve.

Luke 3:21

Ni ra sa papitaisotaki na tamata, sa papitaisotaki talega o Jisu. Ia ni sa masu tiko o koya sa qai wase rua na lomalagi,

Luke 3:23

Ni sa tekivutaka na nona cakacaka o Jisu, sa yabaki tolusagavulu, ka a kainaki voli ni o koya e luve i Iosefo, na luve i Ili,

Joni 1:51

Sa qai kaya tale vua o Jisu, “Au tukuna vakadodonu sara vei kemuni, ni o ni na raica ni tadola na lomalagi ka raici ira talega na agilosi ni Kalou ni ra kaba cake tiko ka siro sobu vua na Luve ni Tamata.”

Cakacaka 10:11

E a raica ni sa tadola na lomalagi, ka sa lako sobu tiko mai e dua na ka me vaka e dua na i tutuvi levu, ka vakalutulututaki sobu mai ki vuravura ena tutuna vava.

Cakacaka 10:3

Ena dua na yakavi siga ni rauta na tolu na kaloko, a sa raica o koya e dua na raivotu, ka raica ni curu yani e dua na agilosi ni Kalou ka kaya vua, “I Konilio!”

Cakacaka 7:56

Sa qai kaya vei ira o Sitiveni, “Au sa raica ni sa tadola na lomalagi ka raica na Luve ni Tamata ni sa tucake tu ena liga i matau ni Kalou!”

2 Korinica 12:1

Sa na dodonu me'u dokadokai au; dina ga ni sega ni dua na ka e kauta mai. Ia au sa na vakayacora ga me'u tukuna kina na raivotu eso kei na i vakatakila e solia mai vei au na Turaga.

Vakatakila 19:11

Au a qai raica ni sa tadola na lomalagi, ka'u sa raica e dua na ose vulavula. Sa vakatokai o koya sa vodoka tiko me o Yalodina ka Dodonu; ni sa yavutaki ga ena dina kei na dodonu na nona dauvakataulewa kei na nona vala voli ena i valu.

Vakatakila 4:1

Ni oti oqo, a sa qai dua tale na noqu raivotu ka'u a raica kina e dua na katuba ni sa tadola tu mai lomalagi. Sa qai voqa tale mai na domo vata ga o ya sa vaka na domo ni davui ka'u a rogoca eliu, ni sa kaya, “Mo lako cake mai ki ke, ka me'u vakatakila vei iko na veika ena yaco ena gauna mai muri.”