Iperiu 8:1 - Vakavakadewa Vou kei na iVola tale eso

¹ Na i balebale ni veika sa tukuni tiko oqo sai koya ni sa tiko vakaidina e dua na noda Bete Levu, o koya sa dabe tiko ena liga i matau ni tikotiko vakaturaga i Koya sa Cecere Sara mai lomalagi.

Ai Vola Tabu (Vakadewa Makawa Vakavoutaki 2021)

¹ Ia sa kenai soqoni ni veika sa tukuni oti oqo: sa tiko vakaidina na noda bete levu, o koya ka sa tiko e na liga i matau ni tikotiko i Koya sa Cecere Sara mai lomalagi,

AI VOLA TABU

¹ IA sa kena levu ni veika sa vosataki oti: Sa vakaoqo na noda bete levu, sa tiko e na liga i matau ni tikotiko i Koya sa levu mai lomalagi;

Vakavakadewa Makawa

¹ Ia sa kena levu ni veika sa vosataki oti: Sa vakaoqo na noda bete levu, sa tiko e na liga i matau ni tikotiko i Koya sa levu mai lomalagi;

Ai Vola Tabu Ena Vakavakadewa Vou

¹ Na i balebale ni veika sa tukuni tiko oqo sai koya ni sa tiko vakaidina e dua na noda Bete Levu, o koya sa dabe tiko ena liga i matau ni tikotiko vakaturaga i Koya sa Cecere Sara mai lomalagi.

Iperiu 8:1 Iomraidhean Croise

1 Veigauna 29:11

O ni sa cecere ka kaukauwa, o ni sa lagilagi ka uasivi, o ni sa vakaturaga. Sa nomuni na veika kecega e lomalagi kei vuravura, o ni sa kena tui, o ni sai liuliu cecere ni veika kecega.

Jope 37:22

Sa laurai toka mai na vualiku e dua na mata ni rarama koula, Ka sa vakasinaiti kedatou ena rere na lagilagi ni Kalou.

NA SAME 104:1

Mo vakacaucautaki Jiova na yaloqu! Kemuni Jiova na noqu Kalou, o ni sa cecere sara! O ni sa vakaisulu ena lagilagi kei na veika vakaturaga.

NA SAME 110:1

A sa kaya o Jiova vua na noqu Turaga, “Mo dabe ena yasaqu i matau, Me yacova ni'u sa vakamalumalumutaki ira kece na kemu meca ena ruku ni yavamu.”

NA SAME 145:12

Me ra na kila kina na nomuni cakacaka mana na tamata kecega, Kei na lagilagi vakaturaga ni nomuni matanitu,

NA SAME 21:5

Sa vakaitamera sara na nona lagilagi ena vuku ni nomuni veivuke; O ni sa solia vua me rogo ka dokai kina.

Aisea 24:14

Era na tabalaka cake na domodra na tamata Ka sere ena reki. O ira mai na ra era na tukuna na lagilagi ni Kalou.

Maika 5:4

Ni sa lako mai o koya, sa na qai mai lewai ira na nona tamata ena kaukauwa sa taka mai vei Jiova. Ena qai taqomaki vinaka na nodra tiko na nona tamata, baleta ni ra sa vakadinata na kai vuravura kecega ni sa cecere sara o koya,

Marika 16:19

Ia ni sa vosa oti vei iratou, na Turaga o Jisu, sa qai kau cake ki lomalagi, ka la'ki tiko sobu ena liga i matau ni Kalou.

Efeso 6:20

Ena vuku ni kosipeli, au sa kena mata oi au, ka dina ga ni'u sa vesu tu. Ni masulaka me'u na vunautaka vakadoudou na kosipeli me vaka ni sa dodonu ga me vakakina.

Kolosa 3:1

Kevaka o ni sa vakaturi cake tale ki na bula vata kei Karisito, ia ni vakasaqara ga na veika sa tu mai lomalagi, ena vanua sa tiko kina na Karisito, ena liga i matau ni Kalou.

Iperiu 1:13

A sa sega talega ni se bau kaya mada na Kalou ki vua e dua vei ira na nona agilosi me vakaoqo: “Mo dabe sobu ena ligaqu i matau Me yacova ni'u sa vakayacori ira rawa na nomu meca Me ra i tutu-ni-yava ena ruku ni yavamu.”

Iperiu 1:3

Sa i koya na i yaloyalo ni i serau lagilagi ni Kalou ka sa veiucui vinaka ena ka kecega kei na Kalou, ka sa tauri vuravura tu kei na veika kece sa tu ena maliwa lala ena nona vosa mana. Ni sa vuya laivi oti o koya na noda i valavala ca, a sa tiko sobu mai lomalagi e cake ena liga i matau i Koya sa Cecere Sara.

Iperiu 10:12

Ia o Karisito sa vakacabora e duabulu ga na i soro ni valavala ca, ai soro ka sa mana tikoga ka sega ni vakaiyalayala, ka sa qai tiko sobu ena liga i matau ni Kalou.

Iperiu 12:2

Me da raici Jisu matua tikoga, o koya sa vakatekivuna ka na vakataucokotaka talega na noda vakabauta. A sa sega vakadua ni soro ena vuku ni kauveilatai! Ia, ena vuku ni reki sa waraki koya tu, a sa sega ni maduataka kina na mate ena kauveilatai ka sa dabe tiko edaidai ena liga i matau ni tikotiko vakaturaga ni Kalou.

Iperiu 2:17

Sa i koya oqo sa kilikili kina kei koya me yaco me vakataki ira sara na wekana ena ka kecega, me yaco rawa kina me nodra Bete Levu sa dauloloma ka yalodina ena cakacaka ni Kalou; me vosoti kina na nodra i valavala ca na tamata.

Iperiu 3:1

Kemuni na wekaqu lotu Vakarisito, oi kemuni sa kacivi mai vua na Kalou! Ni vakasamataki Jisu mada, o koya sa tala mai na Kalou me mai Bete Levu ni vakabauta eda sa vakatusa tiko.

Iperiu 4:14

O koya oqo, me da taura matua kina na vakabauta eda sa vakatusa, ni sa tiko ena keda maliwa e dua na Bete Levu ka sa curuma oti na i tikotiko lagilagi ni Kalou — o Jisu, na Luve ni Kalou.

Vakatakila 3:21

Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.