Iperiu 1:3 - Vakavakadewa Vou kei na iVola tale eso

³ Sa i koya na i yaloyalo ni i serau lagilagi ni Kalou ka sa veiucui vinaka ena ka kecega kei na Kalou, ka sa tauri vuravura tu kei na veika kece sa tu ena maliwa lala ena nona vosa mana. Ni sa vuya laivi oti o koya na noda i valavala ca, a sa tiko sobu mai lomalagi e cake ena liga i matau i Koya sa Cecere Sara.

Ai Vola Tabu (Vakadewa Makawa Vakavoutaki 2021)

³ O koya sa cila kina na nona i serau kei na yaloyalo ni nona i tovo, a sa tokona na ka kecega e na nona vosa mana, a sa tiko sobu e na liga i matau i Koya sa levu sara mai cake, ni sa vuya laivi oti vakataki koya na noda i valavala ca,

AI VOLA TABU

³ o koya sa ka sa cila kina na nona serau kei na yaloyalo ni nonai tovo, a sa tokona na ka kecega e na nona vosa kaukauwa, a sa tiko sobu e na liga i matau i Koya sa levu sara maicake, ni sa vuya laivi oti vakai koya na nodai valavala ca;

Vakavakadewa Makawa

³ o koya sa cila kina na nona serau kei na yaloyalo ni nonai tovo, a sa tokona na ka kecega e na nona vosa mana, a sa tiko sobu e na liga i matau i Koya sa levu sara maicake, ni sa vuya laivi oti vakataki koya na nodai valavala ca;

Ai Vola Tabu Ena Vakavakadewa Vou

³ Sa i koya na i yaloyalo ni i serau lagilagi ni Kalou ka sa veiucui vinaka ena ka kecega kei na Kalou, ka sa tauri vuravura tu kei na veika kece sa tu ena maliwa lala ena nona vosa mana. Ni sa vuya laivi oti o koya na noda i valavala ca, a sa tiko sobu mai lomalagi e cake ena liga i matau i Koya sa Cecere Sara.

Iperiu 1:3 Iomraidhean Croise

1 Veigauna 29:11

O ni sa cecere ka kaukauwa, o ni sa lagilagi ka uasivi, o ni sa vakaturaga. Sa nomuni na veika kecega e lomalagi kei vuravura, o ni sa kena tui, o ni sai liuliu cecere ni veika kecega.

Jope 37:22

Sa laurai toka mai na vualiku e dua na mata ni rarama koula, Ka sa vakasinaiti kedatou ena rere na lagilagi ni Kalou.

NA SAME 110:1

A sa kaya o Jiova vua na noqu Turaga, “Mo dabe ena yasaqu i matau, Me yacova ni'u sa vakamalumalumutaki ira kece na kemu meca ena ruku ni yavamu.”

NA SAME 75:3

E dina ga ni ra dau rere na veika bula kecega Ka dau yavavala na dela i vuravura, Au na vakadeitaka ga na kena yavu me taucoko ka kaukauwa.

Dauvunau 8:4

Sa dau cakava na tui na ka e cakava ena nona kaukauwa ka na sega ni rawa ni dua me na saqati koya ena ka e cakava.

Vunau ni Soro 15:15

Ena qai vakacabora na bete e dua vei rau me i soro ni valavala ca kei na kena i karua me i soro kama. Ena sala oqo sa vakayacora kina na bete na cakacaka ni veivakasavasavataki vua sa turi.

Maika 5:4

Ni sa lako mai o koya, sa na qai mai lewai ira na nona tamata ena kaukauwa sa taka mai vei Jiova. Ena qai taqomaki vinaka na nodra tiko na nona tamata, baleta ni ra sa vakadinata na kai vuravura kecega ni sa cecere sara o koya,

Maciu 22:24

“Vakavuvuli, e kaya o Mosese ni kevaka sa mate e dua na tagane ka sega na luvena, me qai vakawatitaka na nona yada o tacina, me rawa ni vakawa kina ka me wili na luvena vua na tuakana.’

Marika 16:19

Ia ni sa vosa oti vei iratou, na Turaga o Jisu, sa qai kau cake ki lomalagi, ka la'ki tiko sobu ena liga i matau ni Kalou.

Joni 1:14

A sa yaco me tamata na Vosa, sa sinai ena loloma-savu kei na dina, ka sa bula ena keda maliwa. Keitou a raica na nona i serau, na i serau ka ciqoma o koya me vaka ni sa Luvena duabau ga nei Tamana.

Joni 1:29

Ena siga ka tarava, sa raici Jisu sara o Joni ni lako tiko yani vua, ka a kaya sara, “Raica na Lami ni Kalou, o koya sa kauta tani na nodra i valavala ca na kai vuravura!

Joni 1:4

Sa i vurevure ni bula na Vosa, ka sa kauta mai na rarama ki na tamata na bula oqo.

Cakacaka 2:33

A sa kau cake o koya ki na liga i matau ni Kalou na Tamana, ka sa ciqoma mai vua na Yalo Tabu, me vaka sa yalataka. Na veika o ni sa raica ka rogoca tiko oqo sai koya na nona i solisoli ka sa sovaraka mai vei keda.

Cakacaka 7:56

Sa qai kaya vei ira o Sitiveni, “Au sa raica ni sa tadola na lomalagi ka raica na Luve ni Tamata ni sa tucake tu ena liga i matau ni Kalou!”

Roma 1:16

Ni'u sa sega ni maduataka na i Tukutuku Vinaka; ni sai koya oqo na kaukauwa ni Kalou me vakabulai kina o ira kecega sa vakabauta; sa liu vei ira na Jiu, vei ira talega na kai matanitu tani.

Roma 8:34

O cei tale ena rawa ni vakacalai ira? Sa i Jisu Karisito ga ka a mate; a sa vakaturi cake tale, sa tiko ena liga i matau ni Kalou edaidai ka sa dau vakamamasu tiko vua na Kalou o koya ena vukuda.

2 Korinica 4:4

Sa vakamatabokotaka na nodra vakasama na tamata tawa vakabauta na kalou ni vuravura oqo, me ra kakua kina ni raica na rarama ni Tukutuku Vinaka ni lagilagi i Karisito, o koya na i yaloyalo uasivi duadua ni Kalou.

Kolosa 3:1

Kevaka o ni sa vakaturi cake tale ki na bula vata kei Karisito, ia ni vakasaqara ga na veika sa tu mai lomalagi, ena vanua sa tiko kina na Karisito, ena liga i matau ni Kalou.

Vei Taito 2:14

Ni sai koya ga sa solia na nona bula ena vukuda, me voli keda vakadua kina mai na i valavala ca kecega, me vakasavasavataki keda me da sa nona tamata savasava ka dauguta vakalevu na caka vinaka.

Iperiu 1:13

A sa sega talega ni se bau kaya mada na Kalou ki vua e dua vei ira na nona agilosi me vakaoqo: “Mo dabe sobu ena ligaqu i matau Me yacova ni'u sa vakayacori ira rawa na nomu meca Me ra i tutu-ni-yava ena ruku ni yavamu.”

Iperiu 10:12

Ia o Karisito sa vakacabora e duabulu ga na i soro ni valavala ca, ai soro ka sa mana tikoga ka sega ni vakaiyalayala, ka sa qai tiko sobu ena liga i matau ni Kalou.

Iperiu 12:2

Me da raici Jisu matua tikoga, o koya sa vakatekivuna ka na vakataucokotaka talega na noda vakabauta. A sa sega vakadua ni soro ena vuku ni kauveilatai! Ia, ena vuku ni reki sa waraki koya tu, a sa sega ni maduataka kina na mate ena kauveilatai ka sa dabe tiko edaidai ena liga i matau ni tikotiko vakaturaga ni Kalou.

Iperiu 4:14

O koya oqo, me da taura matua kina na vakabauta eda sa vakatusa, ni sa tiko ena keda maliwa e dua na Bete Levu ka sa curuma oti na i tikotiko lagilagi ni Kalou — o Jisu, na Luve ni Kalou.

Iperiu 7:27

Sa sega ni vakataki ira na vo ni bete levu o koya; sa sega ni yaga vua me vakacabora taumada na i soro ni nona i valavala ca ka qai muri na nodra na tamata. A sa vakacabora o koya e duabulu ga na i soro ni valavala ca, na i soro sa cabori ga vakadua me baleta na tamata kecega, ka yaco oqori ena gauna sa solia kina na nona bula me vakamatei.

Iperiu 8:1

Na i balebale ni veika sa tukuni tiko oqo sai koya ni sa tiko vakaidina e dua na noda Bete Levu, o koya sa dabe tiko ena liga i matau ni tikotiko vakaturaga i Koya sa Cecere Sara mai lomalagi.

Iperiu 9:16

Me baleta na i vola ni veiyalayalati ena vuku ni kena dau veiwaseyaki na nona i yau e dua na tamata ni sa mate, sa ganita me na dau vakadinadinataki taumada ni sa mate oti o koya ka vola,

Iperiu 9:26

ni kevaka sa vakaoqo, sa dodonu kina me na mate vakavuqa o koya me tekivu sara mai na i vakatekivu ni vuravura. Ia oqo, ni sa voleka na i vakataotioti ni ka kecega, a sa basika mai kina o koya vakadua ga ena vuku ni tamata kecega, me kauta laivi na i valavala ca ena vuku ni nona cabori koya me i soro.

1 Pita 1:21

Ena vuku i Karisito duadua ga o ni sa vakabauta kina na Kalou, o koya sa vakaturi koya cake tale mai na mate ka solia vua na lagilagi; ni sai koya ga na Kalou ka sa vakataudeitaka na nomuni i nuinui kei na vakabauta.

1 Pita 3:22

o koya sa lako cake ki lomalagi ka sa tiko ena liga i matau ni Kalou. A sa lewai ira kece sara na agilosi o koya, ka vakakina o ira sa kaukauwa ka daulewa mai lomalagi.

2 Pita 1:16

Keitou sa sega ni vakararavi ki na i talanoa buli eso ena neitou vakaraitaka vei kemuni na veika me baleta na lako mai ni noda Turaga o Jisu Karisito ena nona kaukauwa, ia keitou a vakadinadinataka ena mata i keitou na nona lagilagi.

2 Pita 1:17

Keitou a tiko e kea ena gauna sa vakacerecerei ka vakalagilagi koya kina na Kalou na Tamana, ni sa rogo kina vua e dua na domo mai na i Serau Lagilagi, ka vaka, “Oqo na noqu Luvequ e duabau ga, o koya ka'u sa dau vinakata vakalevu!”

1 Joni 1:7

Ia kevaka eda sa bula ga ena rarama, me vaka sa tiko o koya ena rarama, eda sa qai veitokani vata kaya, ka sa vakasavasavataki keda mai na i valavala ca kecega na dra i Jisu na Luvena.

1 Joni 3:5

O ni sa kila ni a rairai mai o Karisito me kauta laivi na i valavala ca ni tamata; a sa sega ga vua na i valavala ca.

Ai Vola I Juta 1:25

ki vua na Kalou e duabau ga sa noda i Vakabula, me ia vua na vakarokoroko, na veivakalagilagi, na kaukauwa kei na lewa, ena vuku i Jisu Karisito na noda Turaga, mai na veigauna sa oti, ena gauna oqo, kei na veigauna mailiu ka tawamudu! Emeni.

Vakatakila 3:21

Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.

Vakatakila 4:11

“Sa kilikili ga kei kemuni na neimami Turaga ka neimami Kalou, Me nomuni na lagilagi, na vakarokoroko, kei na kaukauwa. Ni o ni sa bulia na veika kecega, Ka sa yavutaki ga mai na nomuni lewa na kena vakataudeitaki na veika buli.”