Iperiu 1:2 - Vakavakadewa Vou kei na iVola tale eso

² ia ena gauna emuri oqo, a sa vosa vei keda o koya mai vua na Luvena. Ena vuku ni Luvena oqo sa bulia kina na Kalou na vuravura kecega, ka sa lesia na Kalou me na taukena na Luvena na veika kecega ena i otioti ni gauna.

Ai Vola Tabu (Vakadewa Makawa Vakavoutaki 2021)

² ia sai koya na Luvena sa vosa kina vei keda ko koya e na gauna mai ki muri oqo, o koya sa lesia ko koya mei taukei ni ka kecega, o koya sa bulia talega kina na vuravura kecega.

AI VOLA TABU

² ia sai koya na Luvena sa vosa kina ko koya vei keda, e na gauna mai kimuri o qo; o koya sa lesia ko koya mei taukei ni ka kecega, o koya sa bulia talega kina na vuravura kecega;

Vakavakadewa Makawa

² ia sai koya na Luvena sa vosa kina vei keda ko koya, e na gauna mai ki muri oqo; o koya sa lesia ko koya mei taukei ni ka kecega, o koya sa bulia talega kina na vuravura kecega;

Ai Vola Tabu Ena Vakavakadewa Vou

² ia ena gauna emuri oqo, a sa vosa vei keda o koya mai vua na Luvena. Ena vuku ni Luvena oqo sa bulia kina na Kalou na vuravura kecega, ka sa lesia na Kalou me na taukena na Luvena na veika kecega ena i otioti ni gauna.

Iperiu 1:2 Iomraidhean Croise

Vakatekivu 49:1

Sa qai kacivi iratou mai na luvena tagane o Jekope ka kaya, “Dou soqoni mada mai ka me'u kaya vei kemudou na ka ena yaco vei kemudou ena veigauna mai muri.

Aisea 2:2

Ena yaco mai na gauna, Sa na cecere duadua kina, Na ulunivanua e duri tu kina na Valenisoro. Era na lako yani kina na veimatanitu kecega, Ka ra na kaya na tamata,

Aisea 44:24

Oi au o Jiova, o koya ka buli kemuni, Ka nomuni i Vakabula. Oi au o Jiova o koya sa bulia na ka kecega. Oi au taudua ga au a tevuka na lomalagi, Ena gauna au a bulia kina na vuravura Ka sega ni dua e vukei au kina.

Aisea 45:12

Oi au ka'u a bulia na vuravura, Ka buli ira na tamata me ra tiko kina. Ia ka'u sa tevuka na lomalagi ena noqu kaukauwa, Ka'u sa lewa na matanisiga, na vula, kei na veikalokalo.

Aisea 45:18

Sa bulia na lomalagi o Jiova, Ka sai koya taudua ga na Kalou. O koya ka a bulia na vuravura ka vakataudeitaka, Sa sega ni bulia me vanua lala, Ia me ra tiko ga kina na tamata. “Sa i au ga o Jiova, Ka sa sega tale ni dua na kalou.

Jeremaia 30:24

Ena sega ni suka wale na cudru waqawaqa ni Turaga. Me yacova ni sa vakayacora ka vakaotia sara na ka e talai kina, era na qai kila vinaka na tamata na veika oqo e muri,” sa kaya o Jiova.

Jeremaia 48:47

Ia ena gauna mai muri au na cakava me ra tiko vinaka tale na kai Moapi.” Oqo na veilewai ni Kalou ki Moapi.

Isikeli 38:16

Ia o na cabe vakaivalu mai vei ira na noqu tamata na Isireli, me vaka na o sa ubia tu na vanua. Ia ena gauna e muri, au na kauti iko mai na noqu vanua, me ra kilai au kina na veitamata tani, ni'u sa vakarokorokotaki mai vei iko Koki, e matadra.’ ”

Taniela 10:14

Au sa lako mai oqo me'u mai vakatakila vei iko na ka ena yaco vei ira na kai nomu ena gauna mai muri. Oqo e dua na raivotu vou ka baleta na gauna mai muri.

Taniela 2:28

Ia e dua ga na Kalou e tiko mai lomalagi sa dau vakatakila na veika sa vuni tu. Na Kalou ga oqo a vakaraitaka vei kemuni, Nepukanesa na tui, na ka ena yaco ena gauna mai muri. Ia na tadra se raivotu o ni a raica ni o ni a moce koto sa vakaoqo:

Osea 3:5

Ia e muri era na qai lesu mai na Isireli ka vakasaqarai koya na nodra Kalou, kei Tevita na nodra tui; era na lako mai vei Jiova ena sautaninini kei na nona loloma ena gauna mai muri.

Maika 4:1

Ena gauna mai muri Na delana sa toka kina na Valenisoro Ena yaco me cecere duadua vei ira kecega, Ka siviti ira na delana cere kecega. E vuqa na veivanua era na tabili yani kina,

Tiko mai na Lekutu 24:14

Ia oqo, au sa na lako vei ira na kai noqu; mo lako mai me'u vakatakila mada vei iko na ka era na cakava vei ira na nomu tamata, o ira na tamata oqo ena gauna mai muri.

Maciu 13:39

na meca e kaburaka na i tei ni kau ca sai koya na tevoro; na cava ni yabaki sai koya na i vakataotioti kei vuravura; kei ira na dautatamusuki sai ira na agilosi.

Maciu 17:5

Ni sa vosa tikoga o koya, sa vakarurugi iratou mai e dua na o lumilumisa, ka rogo e dua na vosa mai na o, “Oqo na Luvequ daulomani, au sa dau vinakati koya vakalevu, dou vakarogoci koya.”

Maciu 21:38

Ia ni ra sa raica na luvena o ira na tauri qele, era sa qai kaya vakai ira, ‘Sa i koya oqo ena qai kena i taukei e muri. Mai, me da vakamatea, me da suguta na veika ena taukena!’

Maciu 26:63

Sa galu tu ga o Jisu. Sa qai kaya vua na Bete Levu, “Ena yaca ni Kalou bula au sa vakarota vei iko mo tukuna mai vei keimami se o iko na Mesaia na Luve ni Kalou bula, se segai.”

Maciu 28:18

Sa qai toro voleka mai o Jisu ka tukuna vei iratou, “Sa soli mai vei au na kaukauwa kecega mai lomalagi kei vuravura.

Maciu 3:17

Sa qai rogo mai e dua na domo mai lomalagi, ka kaya, “Oqo na Luvequ lomani e duabau ga, ka'u sa dau vinakata vakalevu.”

Marika 1:1

Na i vakatekivu ni Tukutuku Vinaka kei Jisu Karisito, na Luve ni Kalou

Marika 12:6

Sa qai vo ga vua e dua, o ya, na luvena lomani. Sa qai talai koya duadua sara e muri vei ira, ka kaya, ‘Era na doka na luvequ.’

Marika 12:7

Ia era sa qai veikayaka vakai ira na lisitaka na i teitei, ‘Sa i koya oqo ena i sosomi kei tamana e muri. Me da vakamatea, me na qai noda na veika ena taukena.’

Joni 1:10

A sa tiko e vuravura na Vosa, ka dina ga ni sa bulia na vuravura na Kalou ena vukuna, ia sa sega ga ni kilai koya o vuravura.

Joni 1:14

A sa yaco me tamata na Vosa, sa sinai ena loloma-savu kei na dina, ka sa bula ena keda maliwa. Keitou a raica na nona i serau, na i serau ka ciqoma o koya me vaka ni sa Luvena duabau ga nei Tamana.

Joni 1:3

A sa bulia ka vakatubura na Kalou na ka kecega ena vukuna; sa sega ni dua na ka e buli me a sega ni cakava o koya.

Joni 13:3

A sa kila o Jisu ni sa solia vua o Tamana na kaukauwa kecega; ka sa kila o koya ni sa lako mai vua na Kalou ka sa lako tale yani vua na Kalou.

Joni 13:32

Kevaka sa vakalagilagi na Kalou ena vukuna na Luve ni Tamata, ena vakalagilagia talega na Luve ni Tamata na Kalou ena vukuna vakai koya ga, ka sa na vakalagilagi koya sara ga ena gauna oqo.

Joni 15:15

Au sa sega ni vakatokai kemudou tale mo dou noqu bobula, baleta ni sa sega ni dau kila na bobula na ka e cakava tiko na nona turaga; ia ka'u sa vakatokai kemudou mo dou noqu i tokani voleka sara, baleta ni'u sa vakatakila vei kemudou na ka kecega au sa rogoca mai vei Tamaqu.

Joni 16:15

Sa noqu na veika kecega sa nei Tamaqu; o ya na vuna au sa kaya kina ni na maroroya na Yalo Tabu na veika ka'u na solia vua, ka me la'ki tukuna vei kemudou.

Joni 17:2

Me vaka ni o ni sa solia vua na lewa me baleti ira na tamata kecega, sa rawa kina vua me solia na bula tawamudu vei ira yadua o ni sa solia vua.

Joni 3:16

Ni sa lomani vuravura sara vakalevu vakaoqo na Kalou, sa solia kina na Luvena e duabau ga, me ra kakua ni mate kina o ira yadua era sa vakabauti koya, ia me nodra ga na bula tawamudu.

Joni 3:25

E a tubu e dua na veileti vei ira na tisaipeli i Joni kei na dua na Jiu ena vuku ni veivakasavasavataki.

Joni 5:26

Me vaka sa bula vakai koya ga na Tamana, sa solia vakakina vua na Luvena me bula vakai koya ga;

Joni 5:27

ka sa solia na kaukauwa me vakatauca na lewa, ni sa Luve ni Tamata o koya.

Joni 9:29

Keimami kila ni a vosa vei Mosese na Kalou. Ia, na tamata ga oqo, keimami sega ni kila se sa lako mai vei.”

Cakacaka 10:36

Sa i koya oqori na i tukutuku ka a tukuna vei ira na Isireli o koya, ka vunautaki kina na i tukutuku ni veivinakati ena vuku i Jisu Karisito, o koya na nodra Turaga na tamata kecega.

Cakacaka 2:17

‘Sa kaya na Kalou, Sa i koya oqo na ka au na vakayacora ena gauna mai muri. Au na sovaraka na Yaloqu vei ira na tamata kecega; Era na parofisai o ira na luvemuni tagane kei ira na luvemuni yalewa, Ka ra na raica eso na raivotu o ira na nomuni cauravou, Ka ra na tadra na tadra eso o ira na nomuni qase.

Roma 1:4

Ia ena tikina vaka yalo sa vakaraitaki ena kaukauwa levu ni sa Luve ni Kalou ena nona vakaturi cake tale mai na mate.

Roma 8:17

Ni da sa luvena, eda na taukena na veivakalougatataki sa maroroya tu o koya me nodra na nona tamata, ka da na taukena vata talega kei Karisito na veika sa maroroya tu na Kalou me baleti koya; ni kevaka eda sa vakaivotavota ena nona vakararawataki na Karisito, eda na vakaivotavota talega ena nona lagilagi.

1 Korinica 2:7

Ia keitou sa tukuna ga na vuku ni Kalou, e dua na ka lo ka vunitaki tu, na vuku ka sa digitaka oti tu na Kalou me da vakalougatataki kina ni se bera ni buli na vuravura.

1 Korinica 8:6

Ia vei keda sa duabau ga na Kalou, na Tamada, o koya sa vu mai vua na ka kecega, ka da sa bula tiko ena vukuna; sa duabau ga na Turaga, o Jisu Karisito, ka sa vu mai vua na ka kecega, ka da sa bula tiko ena vukuna.

Kalatia 4:4

Ia ni sa yaco mai na kena gauna dodonu, sa qai tala mai na Luvena na Kalou. A sucu mai vua e dua na yalewa ka mai bula voli ena ruku ni lewa ni Lawa vaka-Jiu,

Efeso 1:10

Na i naki ni Kalou, sai koya ena vakataucokotaka ena gauna sa lokuca, me vakaduavatataka na veika kecega mai lomalagi kei na veika e vuravura vei Karisito.

Efeso 3:9

Me'u vakaraitaka talega vei ira na tamata kecega na kena vakayacori na i naki ka vunia tu mai na i vakatekivu na Kalou, o koya sa bulia na ka kecega.

Vakarua 18:15

Ena solia vei kemuni o Jiova na nomuni Kalou e dua na parofita me vakataki au mai vei ira na wekamuni, ia mo ni talairawarawa vua.

Vakarua 31:29

Au sa kila ni ra na yaco me ra ca sara ka biuta na ka au a vakatavulica vei ira ena gauna au sa mate kina. Ia e muri era na sota kaya na leqa baleta ni ra vakacudrui Jiova ena vuku ni nodra vakatara na ka e sa vakatabuya.”

Vakarua 4:30

Ena gauna ni nomuni rarawa ena yaco vei kemuni na veika oqo sai koya na gauna mo ni lesu kina vei Jiova na nomuni Kalou ka muria na nona vosa.

Iperiu 1:5

Ni sa sega ni bau kaya na Kalou vua e dua na agilosi me vakaoqo: “Sa i iko na Luvequ; Au sa yaco me'u Tamamu edaidai.” A sega talega ni bau kaya na Kalou ena vukuna e dua vei ira na agilosi me vakaoqo: “Au na yaco me'u Tamana oi au. Ka na yaco me Luvequ o koya.”

Iperiu 1:8

Ia ena vuku ni Luvena, a sa kaya vakaoqo na Kalou: “Na nomu matanitu, na Kalou, ena bula tikoga ka sega ni mudu! O sa dau lewai ira na nomu tamata ena dodonu kei na dina.

Iperiu 11:3

E na vuku ni vakabauta eda sa kila kina ni sa buli na vuravura ena vosa ni Kalou, me yaco rawa kina me caka na veika sa raici rawa mai na veika sa tawa raici.

Iperiu 2:3

Eda na qai bula rawa li vakacava kevaka eda sa vakawaletaka na veivakabulai levu oqo? E a tukuna taumada na veivakabulai oqo na Turaga, ka ra sa vakadinadinataka mai vei keda o ira era a rogoci koya.

Iperiu 3:6

Ia sa yalodina o Karisito ena qaravi ni vale ni Kalou me vaka ni sa Luvena. Eda sa nona vale oi keda kevaka eda sa tudei ka yalodina tiko ki na ka eda sa vakanuinui tiko kina.

Iperiu 4:14

O koya oqo, me da taura matua kina na vakabauta eda sa vakatusa, ni sa tiko ena keda maliwa e dua na Bete Levu ka sa curuma oti na i tikotiko lagilagi ni Kalou — o Jisu, na Luve ni Kalou.

Iperiu 5:8

E dina ga ni sa Luve ni Kalou o koya, a sa vulica ga na bula ni talairawarawa mai na veika rarawa e sota kaya.

Iperiu 7:28

Na Lawa i Mosese sa lesi ira na tamata sa sega ni vinaka sara na nodra bula me ra bete levu; ia na yalayala ni Kalou ka sa vakayacori vata kei na nona vosa bubului, ka sa qai basika mai ni sa yaco oti mai eliu na Lawa, sa lesia na Luvena, o koya sa vakayacori me vinaka sara ka sega ni mudu.

Iperiu 7:3

E sega ni tukuni na tamana, se na tinana se na nona kawa se na i tekivu ni nona bula se na kena i tinitini. Ia sa vaka ga na Luve ni Kalou o koya, sa bete tiko ga ka sega ni mudu.

Iperiu 9:26

ni kevaka sa vakaoqo, sa dodonu kina me na mate vakavuqa o koya me tekivu sara mai na i vakatekivu ni vuravura. Ia oqo, ni sa voleka na i vakataotioti ni ka kecega, a sa basika mai kina o koya vakadua ga ena vuku ni tamata kecega, me kauta laivi na i valavala ca ena vuku ni nona cabori koya me i soro.

1 Pita 1:20

A sa digitaki koya oti tu na Kalou ni bera ni tauyavutaki o vuravura, ia sa qai vakatakilai ga mai ena i otioti ni gauna oqo ena vukumuni.

2 Pita 3:3

E bibi taumada kina mo ni kila na ka oqo, ni na lako mai ena gauna emuri sara eso na tamata sa liutaki na nodra bula mai na nodra gagadre ca. Era na vakalialiai kemuni

Ai Vola I Juta 1:18

Eratou sa kaya vakaoqo vei kemuni: “Ni sa yaco mai na i otioti ni gauna, era na rairai mai eso na tamata ka vakasewasewani kemuni, oqo o ira sa daumuria ga na nodra gagadre ca.”