Iperiu 1:1 - Vakavakadewa Vou kei na iVola tale eso

¹ Ena gauna eliu, sa dau vosa vakavuqa na Kalou ena sala duidui eso mai na gusudra na parofita;

Ai Vola Tabu (Vakadewa Makawa Vakavoutaki 2021)

¹ Sai ira na parofita ka vosa kina e liu na Kalou vei ira na qase, e na gauna e vuqa, kei nai valavala e vuqa,

AI VOLA TABU

¹ SAI ira na parofita ka vosa kina eliu ko na Kalou vei ira na qase, e na gauna e vuqa, kei nai valavala e vuqa:

Vakavakadewa Makawa

¹ Sai ira na parofita ka vosa kina eliu na Kalou vei ira na qase, e na gauna e vuqa, kei nai valavala e vuqa:

Ai Vola Tabu Ena Vakavakadewa Vou

¹ Ena gauna eliu, sa dau vosa vakavuqa na Kalou ena sala duidui eso mai na gusudra na parofita;

Iperiu 1:1 Iomraidhean Croise

Vakatekivu 3:15

Au na cakava mo na veimecaki kei na yalewa, era na veimecaki talega na nomudrau kawa. Ena butuqaqia na ulumu na kawa ni yalewa, ia o na katia na bukubuku ni yavadra na luvena.”

Vakatekivu 6:3

A sa qai kaya o Jiova, “Na yaloqu ena sega ni tiko vakadua vua na tamata, baleta ni sa vakaiyalayala ga na nona bula, ni sa vakayago ga. Me vakatekivu oqo, na nona bula ena sega ni sivia na 120 na yabaki.”

Joeli 2:28

Ia ena qai yaco ena gauna mai muri, Ka'u na sovaraka na yaloqu Vei ira na tamata kecega; Era na parofisai na luvemudou gonetagane Kei ira na luvemudou goneyalewa, O ira na nomudou qase Era na tadra na tadra eso, Kei ira na nomudou cauravou Era na raica na raivotu.

Luke 1:55

Me vaka sa vosa kina vei ira na noda qase, Vei Epara-ama kei na nona kawa ka tawamudu!”

Luke 1:72

A sa kaya ni na vakatakila na yalololoma sa yalataki vei ira na noda qase Ka me nanuma talega na nona veiyalayalati tabu.

Luke 24:27

Sa qai vakamacalataka vei rau o Jisu na veika e tukuni tu me baleti koya ena i Vola Tabu taucoko, me tekivu mai na i vola i Mosese eso kei na kedra i na nodra i vola na parofita kece sara.

Luke 24:44

Sa qai kaya vei iratou o koya, “Oqo ga na veika ka'u a dau kaya ni'u a se tiko vata voli kei kemudou: sa qai yaco vakaidina na veika kecega sa volai tu me baleti au ena Lawa i Mosese, kei na nodra i vola na parofita, kei na Same.”

Joni 16:13

Ia ni sa lako mai na Yalo Tabu, o koya sa vakatakila na dina ni Kalou, ena liutaki kemudou ki na veika dina kecega. Ena sega ni vosa o koya ena nona kaukauwa vakataki koya ga, ia ena tukuna na veika sa rogoca ka tukuna vei kemudou na veika era se bera ni yaco mai.

Joni 7:22

E a vakaroti kemuni o Mosese mo ni cilivi ira na luvemuni tagane (e dina ga ni a sega ni vu mai vei Mosese na veicilivi, mai vei ira ga na qase), ka o ni a mani ciliva e dua na gonetagane ena Siga ni Vakacecegu.

Joni 9:29

Keimami kila ni a vosa vei Mosese na Kalou. Ia, na tamata ga oqo, keimami sega ni kila se sa lako mai vei.”

Cakacaka 13:32

Keirau sa kauta mai kina vakaoqo vei kemuni na i Tukutuku Vinaka me baleta na yalayala sa vakayacora na Kalou vei ira na noda qase,

Cakacaka 2:30

A sa dua talega na parofita o koya, ka sa kila na veika sa bubului oti kina vua na Kalou: ni sa yalataka vua na Kalou ni na vakayacora e dua e kawa mai vei Tevita me tui, me vakataki Tevita ga.

Cakacaka 28:23

Era sa mani lokuca vua e dua na siga, ka ra sa lewe vuqa era lako yani kina ki na i tikotiko i Paula ena siga o ya. Sa qai vakamacala o koya ka tukuna vei ira na Matanitu ni Kalou, ka vakadinadinataki Jisu mai na Lawa i Mosese kei ira talega na parofita. E a vakamacala tiko o koya me tekivu ena mataka ka yacova na yakavi.

Cakacaka 3:21

Ia sa dodonu me na tiko mada ga mai lomalagi o koya me yacova na gauna sa na vakavoutaki kina na veika kece, me vaka sa vosa oti kina na Kalou ena gusudra na nona parofita yalo savasava ena gauna makawa sara.

Iperiu 11:18

ka dina ga ni sa tukuna vua na Kalou, “Na luvemu o Aisake sai koya o na vakawa mai kina me vaka na noqu yalayala.”

Iperiu 11:2

Ni sa vakadonui ira na tamata ena gauna eliu na Kalou ena vuku ni nodra vakabauta.

Iperiu 12:25

Ni qarauna vinaka mo ni kakua ni besetaka na vakarorogo ki vua sa vosa tiko vei kemuni. O ira vakayadua sa besetaka me ra vakarorogo ki vua sa vakadewataka na i tukutuku vakalou e vuravura era sa sega ni dro bula rawa. O ni sa nanuma li ni rawa mo ni dro bula kevaka o ni bese ni talairawarawa vua sa vosa vei kemuni mai lomalagi?

Iperiu 2:2

Sa vakatakilai ni sa dina taucoko na i tukutuku era a kacivaka na agilosi vei ira na noda qase, ka ra ciqoma kina na kedra i totogi o ira era a sega ni muria se talairawarawa kina.

Iperiu 2:3

Eda na qai bula rawa li vakacava kevaka eda sa vakawaletaka na veivakabulai levu oqo? E a tukuna taumada na veivakabulai oqo na Turaga, ka ra sa vakadinadinataka mai vei keda o ira era a rogoci koya.

Iperiu 3:5

A sa yalodina o Mosese ki na nona i tavi ni dauveiqaravi ena vale ni Kalou, ka sa vakaraitaka na veika ena qai tukuna emuri na Kalou.

Iperiu 4:8

Ia kevaka sa solia vei ira na tamata o Josua na vakacegu ni Kalou, ke a sega ni tukuna na Kalou e dua tale na siga emuri.

Iperiu 5:5

Sa vaka talega kina o Karisito, ni a sega ni vakacerecerei koya vakai koya me buli me bete levu, ia sa lesi koya ga na Kalou ka kaya vua: “Sa i iko na Luvequ; Sa yaco oqo edaidai me'u Tamamu.”

Iperiu 9:19

Sa liu taumada na nona tukuna o Mosese vei ira na tamata na i vakaro kece mai na Lawa. A sa qai kauta na dra ni luve ni bulumakau kei na me kei na wai, ka kureitaka ki na i vola ni Lawa kei ira na tamata kecega, ka sa vakayagataka na vutinisipi roka damudamu kei na isopi.