Dauvunau 9:8 - Vakavakadewa Vou kei na iVola tale eso

⁸ Dau daramaka tikoga na i sulu vulavula ena veigauna kece ka me kakua ni mamaca na i lumu mai na ulumu.

Ai Vola Tabu (Vakadewa Makawa Vakavoutaki 2021)

⁸ Me vulavula ga na nomu i sulu e na gauna kece; ia nai lumu ni ulumu me kakua ga ni yali.

AI VOLA TABU

⁸ E na gauna kece me vulavula ga na nomui sulu; ia nai lumu ni ulumu me kakua ga ni yali.

Vakavakadewa Makawa

⁸ Me vulavula ga na nomu i sulu e na gauna kece; ia nai lumu ni ulumu me kakua ga ni yali.

Ai Vola Tabu Ena Vakavakadewa Vou

⁸ Dau daramaka tikoga na i sulu vulavula ena veigauna kece ka me kakua ni mamaca na i lumu mai na ulumu.

Dauvunau 9:8 Iomraidhean Croise

2 Samuela 14:2

A talatala ki Tikoa o Joape, ka kauta mai kina e dua na yalewa vuku, ka kaya vua, “Mo vakalecaleca mada me vaka e dua sa yasovaka na mate, mo la'ki tabuisulu, ka mo kakua ni lumuti iko ena waiwai, ia na nomu i tovo me vaka e dua na yalewa sa vakaloloku vakadede.

2 Samuela 19:24

A lako sobu o Mefiposeci na makubui Saula me tavaki koya na tui. E a sega tu ni vui na yavana, koti na kumina; se sava na nona i sulu me vakatekivu mai na siga ka a lako tani mai kina na tui o Tevita, ka yacova na siga ka a tale bula mai kina.

Esiteri 8:15

Ni lesu mai vua na tui o Motekai, a daramaka tu mai e dua na kote balavu vakatui, karakarawa ka vulavula na rokana, kei na dua na i tiniyara roka lokaloka ka tali ena lineni matailalai. A ka levu sara na marau kei na kaikaila vei ira ena koro levu o Susa.

NA SAME 23:5

O ni sa vakarautaka na kequ magiti Ena matadra na kequ meca; O ni sa lumuta na waiwai ki uluqu; Sa vuabale na mequ bilo.

Taniela 10:3

Au a sega ni kania e dua na kakana uro se dua na lewe ni manumanu; ka'u a sega ni gunu waini se bau seruta na uluqu ka yacova ni sa sivi e tolu na macawa.

Emosi 6:6

O ni sa daugunu waini ena bilo lelevu ka vakayagataka na i lumu boi vinaka, ia o ni sa sega ni tagicaka ga na rusa i Isireli.

Maciu 6:17

Ia o iko, ni o sa lolo, lumuta na ulumu, ka tavoya na matamu,

Luke 7:46

O a sega ni bau lumuta na uluqu ena waiwai olive, ia sa lumuta o koya na yavaqu ena i lumu sau levu.

Vakatakila 16:15

“Rogoca! Au na lako yani me vaka na daubutako! Sa kalougata o koya sa yadra tiko ka maroroya tiko na nona i sulu, me kakua kina ni veilakoyaki luvawale voli ka vakamadualaki ena matana levu!”

Vakatakila 19:14

Era sa muri koya ka vodo ose vula na mataivalu ni lomalagi, ka ra sa vakaisulu ena lineni matailalai sa vulavula ka savasava.

Vakatakila 19:8

A sa vakadonui vua na yalewa me vakawati me vakaisulu ena lineni matailalai sa sekavula ka savasava.” (Na lineni matailalai oqo sai koya na nodra i valavala dodonu na tamata yalosavasava ni Kalou.)

Vakatakila 7:9

Ia ni sa oti oqo, au sa qai rai yani ka raica e dua na i binibini tamata levu, sa sega ni wilika rawa e dua na tamata na kedrai wiliwili! Era sa lako mai oqo mai na veimataqali tamata kecega, na veiyavusa, na veimatanitu, na veimataqali vosa kece sara, ka ra sa tucake tu ena mata ni tikotiko vakaturaga kei na mata ni Lami, era sa vakaisulu ena i sulu vulavula, ka ra taura toka e ligadra na taba ni niusawa.

Ruci 3:3

Mo sisili mada, lumulumu vinaka, tokara na nomu i sulu digitaki, ka lako ki na nona rara ni samu witi, mo kakua sara ni vakatakilai iko vua me yacova ni sa kana ka gunu oti.