Dauvunau 9:3 - Vakavakadewa Vou kei na iVola tale eso

³ Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Ai Vola Tabu (Vakadewa Makawa Vakavoutaki 2021)

³ Oqo na ka ca e na ka kece sa caka e ruku ni mata-ni-siga, ni sa duavata ga na ka sa yacovi ira kecega. Io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

AI VOLA TABU

³ O qo na ka ca e na ka kece sa caka e ruku ni siga, ni sa dua vata ga na ka sa dui yacovi ira kecega: io, na lomadra talega na luve ni tamata sa sinai e na ca, a sa tiko na lialia e lomadra ni ra bula tiko, ka oti o qori era sa qai lako kivei ira na mate:

Vakavakadewa Makawa

³ Oqo na ka ca e na ka kece sa caka e ruku ni mata-ni-siga, ni sa dua vata ga na ka sa yacovi ira kecega: io, na lomadra talega na luve ni tamata sa sinai e na ca, a sa tiko e lomadra na lialia ni ra bula tiko, ka oti oqori era sa qai lako kivei ira na mate.

Ai Vola Tabu Ena Vakavakadewa Vou

³ Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Dauvunau 9:3 Iomraidhean Croise

Vakatekivu 6:5

Ni sa raica o Jiova na vakasisila ni nodra i valavala na tamata ena dela i vuravura kei na ca ni nodra vakanananu ena gauna kece sara,

Vakatekivu 8:21

A sa boica na i soro ni veivinakati o Jiova ka sa kaya e lomana, “Au na sega tale ni cudruva na vuravura ena vuku ni ka ena cakava na tamata. Ni'u kila ni sa tekivu ca na vakanananu ni tamata mai na gauna e a gone kina. Au na sega tale ni vakarusa na veika bula kecega me vaka na ka au sa vakayacora oqo.

Jope 15:16

Sa nodra mesamesa na tamata na cakava na i valavala ca; Ka sa vaka wale tu ga na gunu wai vei ira. Io, sa tauvi dukadukali na tamata; Ka sa tawa yaga sara ga o koya.

Jope 21:26

Ia era sa tautauvata ga ni ra sa mate ka bulu; Ka robota na yagodra kecega na baca ni qele.

Jope 9:22

Sa veitalia na ka kecega; Se da cala se da dodonu Ena vakarusai keda ga na Kalou.

NA SAME 51:5

Raica, au a sucu vata ga mai kei na i valavala ca, A tamata daucaka cala mai na gauna e kunekunetaki au kina o tinaqu.

NA SAME 64:7

Ia sa vanai ira na Kalou ena nona gasau ni dakaititi, Ka ra sa mavoa sara vakasauri.

Vosavakaibalebale 14:32

Na nona ca e dua na tamata sa vakavuna ga na nona rusa, ia na tamata vinaka sa taqomaki koya na nona i vakarau vinaka.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 12:7

Sa na lesu tale na yago me kuvu ni qele me qele tale me vaka e liu, ia na yalo ena lesu tale vua na Kalou, o koya sa solia.

Dauvunau 2:14

Sa rawa vei ira na vuku me ra raica na vanua me ra lako kina, ia era sa sega ni raica rawa na tamata lialia. Ia au sa kila talega ni sa tautauvata ga na ka dredre era na sotava vata kecega na vuku kei na lialia.

Dauvunau 7:2

Sa uasivi cake me da lako ki na dua na vale e caka tiko kina na vakaloloku, mai na vale e caka tiko kina na kana magiti baleta ni na rawa me ra vakasamataka kina na tamata era bula tiko ni sa waraki keda kece tu ga na mate.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 8:11

Sa dau rawarawa na nodra cakava na ka ca na tamata, baleta ni sa rui dau berabera na kena dau vakatauci na nodra i totogi.

Dauvunau 9:11

Au sa qai raica tale ni ra sega ni dau liu tu ga ena veitau cici e vuravura oqo na daucici, ka ra sega talega ni dau qaqa tu ga ena valu na tamata qaqa. E sega talega ni dau levu na nodra i yau na tamata kila-ka, ka ra sega ni dau toso cake ki na veitutu cecere na tamata nuitaki ka rawa ka. Ia sa dau yaco ga na kalougata ki na tamata yadua.

Dauvunau 9:2

Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Dauvunau 9:4

Ia o koya e sa bula tiko ena nodra vuravura sa bula tu eso na nodra i nuinui; e vinaka e dua na koli bula mai na dua na laione mate.

Jeremaia 16:12

Ia sa ca vakalevu cake sara na ka o ni sa kitaka mai vei ira na nomuni qase. Raica, o ni sa dui muria kece na yalomuni kaukauwa, kei na nomuni i tovo ca ka sega ni vakarorogo vei au.

Jeremaia 17:10

Oi au o Jiova, Au sa kila na vakasama, Ka vakatovolea na yalodra na tamata. Au sa sauma na tamata yadua Me vaka na nona i valavala Na ka e veirauti Kei na nona i vakarau.

Jeremaia 17:9

O cei e kila rawa na yalo ni tamata? Sa ka e dau veivakaisini duadua Mai na veika kecega; Sa tauvi mate vakaca sara.

Luke 15:17

Ia ni sa qai vakilai yalona tale, sa kaya, ‘Sobo! Era sa lewe levu na tamata cakacaka nei tamaqu era sa kana ka mamau ka mai vo tu yani na kedra, ia ka'u sa mai mate ena viakana tu eke oi au!

Luke 6:11

Era sa qai cudru vakalevu sara, ka ra veivosaki vakai ira se cava me ra cakava vei Jisu.

Cakacaka 12:23

Sa qai samuti Eroti vakasauri e dua na agilosi ni Turaga ka ni a sega ni vakarokorokotaka na Kalou o koya. A sa kanilaka na yagona na baca ka mani mate sara kina.

Cakacaka 26:11

Au a dau vakaitotogitaki ira vakavuqa ena veivalenilotu, ka vakasaurarataki ira me ra cakitaka na nodra vakabauta. Na kena levu na noqu rarawataki ira, au a lako sara kina ki na veikoro lelevu eso mai na veimatanitu tani ka la'ki vakacacani ira kina.”

Cakacaka 26:24

Ni sa tukuni koya tikoga vaka o ya o Paula, sa kaya mai o Vesito ena domo levu, “Sa ca na ulumu o iko, Paula. Sa vakalialiataki iko na levu ni nomu kila-ka!”

Vei Taito 3:3

Ni oi keda vakai keda eda a lialia ka dau talaidredre e liu. Eda a vakacalai ka vakabobulataki ena gagadre kei na veimataqali marau e vuqa. E a sinai na noda bula ena veiqati ca kei na vuvu. Era a cati keda na tamata ka da a veicati vakai keda.

2 Pita 2:16

ia sa qai cudruvi ena vuku ni nona i valavala ca. A sa vosa vakatamata na nona asa ka sa tarova kina na nona cakacaka vakalialia na parofita.