Dauvunau 9:12 - Vakavakadewa Vou kei na iVola tale eso

¹² O na sega ni kila na yaco mai ni nomu gauna me vaka na manumanu vuka e coko vakasauri ena dai, ka vaka na ika e coko ena lawa, eda dau coko talega ena so na gauna ca eda sega ni namaka kina.

Ai Vola Tabu (Vakadewa Makawa Vakavoutaki 2021)

¹² Ni sa sega talega ni kila na tamata na nona gauna. Me vaka na ika sa tagavi e na lawa ca, ka vaka na manumanu vuka sa coriti e nai cori, era sa coriti vakakina na luve ni tamata e na siga ca, ni sa yaco vakidacala vei ira.

AI VOLA TABU

¹² Ni sa sega talega ni kila na tamata na nona gauna: me vaka na ika sa lawavaki e na lawa ca, ka vaka na manumanu sa coriti e nai cori; era sa coriti vakakina na luve ni tamata e na siga ca, ni sa yaco vakidacala vei ira.

Vakavakadewa Makawa

¹² Ni sa sega talega ni kila na tamata na nona gauna: me vaka na ika sa lawavaki e na lawa ca, ka vaka na manumanu vuka sa coriti e nai cori; era sa coriti vakakina na luve ni tamata e na siga ca, ni sa yaco vakidacala vei ira.

Ai Vola Tabu Ena Vakavakadewa Vou

¹² O na sega ni kila na yaco mai ni nomu gauna me vaka na manumanu vuka e coko vakasauri ena dai, ka vaka na ika e coko ena lawa, eda dau coko talega ena so na gauna ca eda sega ni namaka kina.

Dauvunau 9:12 Iomraidhean Croise

NA SAME 11:6

Ena tala sobu mai o koya na bukawaqa kei na sulifure Ka sa waqa tu vei ira na tamata i valavala ca.

Vosavakaibalebale 24:22

O sa bau kila li na leqa e rawa ni vakavuna na Kalou se na tui?

Vosavakaibalebale 29:6

Na tamata ca ena tacori ga ena nona i valavala ca, ia na tamata yalododonu ena reki ka marau.

Vosavakaibalebale 6:15

Ena vuku ni ka oqo, ena yacovi ira kina vakasauri na leqa ka ra na mavoa vakaca sara.

Dauvunau 3:19

Ni sa tautauvata ga na ka sa yacovi ira na tamata vata kei ira na manumanu, sa mate o koya me vakataki ira talega na manumanu. E rau sa tautauvata ga. Sa sega ni vinaka cake na tamata mai na manumanu baleta ni sa sega ni vakaibalebale ruarua vei rau na bula.

Dauvunau 8:11

Sa dau rawarawa na nodra cakava na ka ca na tamata, baleta ni sa rui dau berabera na kena dau vakatauci na nodra i totogi.

Dauvunau 8:8

E sega ni dua na tamata ena tarovi me kakua ni mate, se me na tarova na siga ena mate kina. Sa i koya o ya e dua na i valu eda sega ni rawa ni drotaka, eda na sega ni kunea e dua na sala me da na galala mai kina.

Dauvunau 9:13

Au a raica talega e vuravura oqo e dua na i vakaraitaki ni yalomatua.

Aisea 24:18

O koya ena dro ena nona domobula, Ena lutu ena qara. O koya ena drotaka na qara, Ena coko ena dai. Ni sa na tadola na katubaleka kei lomalagi, Ena yavala sara ga na yavu kei vuravura.

Aisea 30:13

O sa cala dina. O sa vaka e dua na bai cecere, Sa kaca me yaco sara ki ra; Ka na bale vakasauri.

Isikeli 32:3

Sa kaya vakaoqo na Kalou o Jiova: Ni sa vakasoqoni vata mai e lewe vuqa na tamata, au na coriti iko ena noqu lawa ka laivi ira me ra yarataki iko yani ki vanua.

Osea 7:12

Ia ni sa ra lako, au na qai tevuka na noqu lawa ni veicoriti ka vesuki ira me vaka na manumanu vuka. Au na kanakuitataki ira ena vuku ni veika ca era sa vakayacora.

Osea 9:8

Sa talai au mai na Kalou, na nona parofita me'u vunauci ira na nona tamata, o ira na Isireli. Ia ena veivanua kece au sa gole kina, o ni sa via coriti au voli ga me vaka e dua na manumanu vuka. O ira sara tale mada ga na tiko ena Valenisoro ni Kalou era sa kena meca na parofita.

Luke 12:20

Ia sa qai kaya vua na Kalou, ‘Tamata lialia! Ena bogi ga edaidai ena tarogi kina vei iko na yalomu, era na qai nei cei na ka o sa vakarautaka tu?’

Luke 12:39

Ia mo dou kila oqo, kevaka e kila na i taukei ni vale na gauna ena lako mai kina na daubutako, ke a yadra tiko, ka sega ni laiva tu ga na nona vale me mai basuki.

2 Korinica 6:2

ni sa kaya na Kalou, “Ena gauna vinaka au a sa rogoci iko; Ena siga ni veivakabulai au a vukei iko.” Raica, sai koya oqo na gauna vinaka, ka sai koya oqo na siga ni veivakabulai.

1 Cesalonaika 5:3

Ena gauna era na kaya kina na tamata, “Eda sa qai vakacegu ka tiko vinaka,” ena qai yaco vakidacala vei ira na rusa me vaka na kena yaco na mosi ni kete vua e dua na yalewa bukete sa taratara, ka na sega ni dua e dro tani rawa kina.

2 Timoci 2:26

ni ra sa kilai yalodra tale mai ka dro bula mai na dai ni tevoro, o koya ka sa vesuki ira tu me ra cakava na lomana.

1 Pita 2:12

Me vinaka tikoga na nomuni i tovo ena kedra maliwa na tawa lotu, ka veitalia ga kevaka era se beitaki kemuni tikoga ena caka cala. Era na qai vakarokorokotaka ga na Kalou ena Siga ni veilewai ni ra sa sarava na nomuni cakacaka vinaka.

2 Pita 2:12

Ia o ira na tamata oqo era sa dau cakava ga na ka sa takoso e matadra, ka sega ni bau vakasamataka mada vakavinaka. Era sa vakataki ira ga na manumanu kila sa sucu mai me ra na qai vesuki ka vakamatei. Era sa dau vosavakacacataka na veika era sa sega ni kila. Era na vakarusai ga me vakataki ira na manumanu kila,