Dauvunau 9:11 - Vakavakadewa Vou kei na iVola tale eso

¹¹ Au sa qai raica tale ni ra sega ni dau liu tu ga ena veitau cici e vuravura oqo na daucici, ka ra sega talega ni dau qaqa tu ga ena valu na tamata qaqa. E sega talega ni dau levu na nodra i yau na tamata kila-ka, ka ra sega ni dau toso cake ki na veitutu cecere na tamata nuitaki ka rawa ka. Ia sa dau yaco ga na kalougata ki na tamata yadua.

Ai Vola Tabu (Vakadewa Makawa Vakavoutaki 2021)

¹¹ Au a qai lesu, ka kunea e ruku ni mata-ni-siga, ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.

AI VOLA TABU

¹¹ AU a qai gole, ka kunea e ruku ni siga, ni sa sega ni ira na daucici sa tauca na cere, ka sega ni ira na qaqa sa gumatua e nai valu, a sa sega talega ni nodra na vuku na kakana, a sa sega talega ni nodra na yalomatua nai yau, a sa sega talega ni nodra na matai me vinakati; ia na gauna kei nai yacoyaco sa lutuki ira na tamata kecega.

Vakavakadewa Makawa

¹¹ Au a qai lesu, ka kunea e ruku ni mata-ni-siga, ni ra sa sega ni tauca na cere ko ira na daucici, ka ra sega ni gumatua e nai valu ko ira na qaqa, a ra sa sega talega ni kana ko ira na vuku, a ra sa sega talega ni vakaiyau ko ira na yalomatua, ka ra sa sega talega ni vinakati ko ira na matai; ia na kena gauna kei na kena rawarawa sa yaco vei ira na tamata kecega.

Ai Vola Tabu Ena Vakavakadewa Vou

¹¹ Au sa qai raica tale ni ra sega ni dau liu tu ga ena veitau cici e vuravura oqo na daucici, ka ra sega talega ni dau qaqa tu ga ena valu na tamata qaqa. E sega talega ni dau levu na nodra i yau na tamata kila-ka, ka ra sega ni dau toso cake ki na veitutu cecere na tamata nuitaki ka rawa ka. Ia sa dau yaco ga na kalougata ki na tamata yadua.

Dauvunau 9:11 Iomraidhean Croise

2 Samuela 17:14

A sa kaya o Apisalome kei ira kece na Isireli, “Sa vinaka cake na ka sa vakavulica o Usaia na Ariki mai na kena a dusimaka o Eitofeli.” Ni sa lewa o Jiova me vakawaletaki na i vakavuvuli vinaka i Eitofeli, ka me kauta o koya na ka ca vei Apisalome.

2 Samuela 17:23

Ia o Eitofeli, ni raica ni sega ni vakabau na ka a tukuna, a qai vesuka na nona i dabedabe ni asa, cavutu, ka lako yani ki na nona vale, ki nona koro. Ia ni tautaunaka na veika kece, a qai kukunataki koya; a mate ka bulu ena i bulubulu i tamana.

2 Veigauna 20:15

A sa kaya o koya, Ni rogoca oi kemuni kecega na Juta kei kemuni na kai Jerusalemi, kei kemuni Josefati na tui: Sa vosa vakaoqo vei kemuni o Jiova, Ni kakua ni rere se taqaya me baleti ira na lewe vuqa oqo, ni sa sega ni nomuni na i valu, ka sa nona ga na Kalou.

Jope 34:29

Kevaka e lewa na Kalou me sa laivi ira tu mada ga, Ena sega ni vakalewai koya rawa kina e dua na tamata. Kevaka e tabonaka tani na matana o koya, Era na vakaloloma sara ga na tamata.

NA SAME 76:5

Sa kau tani na nodra i toki ni valu na nodra sotia qaqa Ka ra sa davo matemate tu; Sa sega tale ni dua e vo me vakayagataka na nodra i yaragi.

Vosavakaibalebale 1:5

Na veivosa vakaibalebale oqo sa na rawa talega me vakuria na nodra kila-ka na tamata vuku kei na veituberi vei ira era vuli vinaka;

Dauvunau 2:12

Ia e muri au sa qai raica ni dua na tui ena rawa wale ga ni cakava na veika era sa cakava oti na tui e liu. Ia au sa mai tekivu vakasamataka yani se cava na i balebale ni vuku, se na lialia se na sesewa.

Dauvunau 3:14

Au sa kila ni veika kece sa cakava na Kalou ena tudei ka sega ni mudu. E sega ni rawa mo kuria tale e dua na ka se mo kauta tani mai kina e dua na ka. Sa dua na ka sa cakava na Kalou, o ya me vakavuna me da rerevaki koya.

Dauvunau 3:17

Au a qai kaya e lomaqu, Na Kalou ena lewai ira vakatautauvata na i valavala ca kei ira na i valavala dodonu, baleta ni ka kecega kei na ka kece e vakayacori era na dui yaco ga ena kena gauna sa lewai oti tu.

Dauvunau 4:1

Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 4:4

Au sa kila talega na ka era sa cakacaka vakaukauwa kina na tamata me ra rawa ka: na vuna ga sai koya na nodra gadreva me levu cake na ka e tu vei ira mai na ka era rawata na tani. Ia sa sega talega na kena yaga. Sa vaka ga na via vesuka na cagi.

Dauvunau 7:13

Vakasamataka mada na veika sa cakava na Kalou. E rawa vakacava vua e dua na tamata me vakadodonutaka na ka sa vakavevea na Kalou?

Dauvunau 9:2

Sa sega na kena duidui. Sa tautauvata ga na ka ca sa yacovi ira na yalododonu kei ira na i valavala ca, vei ira na vinaka kei ira era ca, vei ira era lotu kei ira era sega ni lotu, vei ira era dau qarava na Kalou kei ira era sega ni dau qarava na Kalou. Sa sega ni uasivi cake na tamata vinaka mai na tamata i valavala ca, sa sega talega ni uasivi cake o koya sa bubului vei koya sa sega ni bubului.

Dauvunau 9:3

Sa dua na ka ca sa yaco vei ira kecega, ka sa cala na ka oqo me vaka na kena cala na ka kecega sa yaco e vuravura. Sa sinai na vakasama ni tamata ena gauna kecega sa bula kina ena veika ca kei na veika lialia, ka ra mai mate yani vakasauri.

Jeremaia 46:6

O ira era cici vakatotolo sara Era na sega ni dro bula rawa na sotia Ka ra na sega ni vakabulai ira rawa na qaqa. Mai na yasana vaka ki na vualiku, Ena bati ni uciwai na Uferetisi, Era la'ki tarabe kina ka bale.

Jeremaia 48:14

Kemuni na tagane ni Moapi, A cava o ni kaya kina Ni o ni tamata qaqa ena i valu?

Jeremaia 9:23

A sa kaya o Jiova, “Me kakua ni dokadokai koya Na tamata vuku ena nona vuku, Me kakua ni qaciqacia na tamata kaukauwa Ena nona kaukauwa, Me kakua ni dokai koya na tamata vutuniyau Ena nona i yau.

Taniela 4:35

Sa sega ni wilika o koya me dua na ka na tamata; Sa lewai ira na agilosi ni lomalagi kei ira na kai vuravura kecega o koya. Sa sega ni dua e saqata rawa na nona lewa Se me liaca na ka sa cakava.

Sakaraia 4:6

Sa qai kaya vei au na agilosi me'u tukuna vei Serupepeli na vosa i Jiova oqo: ‘O na rawata, ka sega ena vuku ni kaukauwa vakaivalu, se na kaukauwa vakatamata, ia ena Yaloqu ga, sa kaya o Jiova ni lewevuqa.’

Malakai 3:18

Era na qai raica tale na noqu tamata na duidui ni veika ena yaco vua na tamata dodonu kei koya e ca, vei koya sa qaravi au vata kei koya sa segai.”

Efeso 1:11

Ni sa caka na ka kecega me vaka na i naki kei na lewa ni Kalou; ka sa digitaki kemuni na Kalou mo ni nona tamata ena vuku i Karisito me vaka na nona i naki, ka sa yavutaki na i naki oqo mai na veika sa vakatulewataka mai na i vakatekivu.

Vakarua 8:17

Qarauna sara mo ni kakua ni kaya e lomamuni ni o ni sa yaco mo ni vutuniyau ena nomuni kaukauwa kei na nomuni i gu ga vakataki kemuni.

Vakarua 8:18

Mo ni nanuma vinaka ni sai Jiova ga na nomuni Kalou ka sa solia vei kemuni na kaukauwa mo ni vutuniyau kina. Sa kitaka oqo baleta ni sa yalodina tiko edaidai ki na veiyalayalati sa vakayacora kei ira na nomuni qase.

1 Samuela 17:50

A sa rawata na qaqa o Tevita vua na kai Filisitia ena i rabo kei na vatu ni sa vakamatea; a sa segai na i seleiwau e ligana.

1 Samuela 6:9

Mo ni qai sarava na kena i lakolako: ni kevaka sa muria na sala ki na koro o Pecisemesi, eda na qai kila kina ni sa cakava vei keda na ka ca levu oqo na Kalou ni Isireli. Ia kevaka e segai, eda na kila kina ni a sega ni vakavuna na mate ca o koya; a ka ga sa dau yaco ena veigauna eso ki na tamata.”