Dauvunau 9:1 - Vakavakadewa Vou kei na iVola tale eso

¹ Au sa vakasamataka sara vakavinaka vakabalavu na ka kece oqo ka'u sa qai raica ni sa lewa na Kalou na nodra cakacaka na tamata yalododonu. Sa vakakina na nodra loloma kei na nodra veicati. Sa sega sara ni dua na tamata e kila na ka e waraki koya mai muri.

Ai Vola Tabu (Vakadewa Makawa Vakavoutaki 2021)

¹ E na vuku ni ka kece oqo ka'u a nanuma e lomaqu ka me'u tukuna na ka kece oqo, ni ra sa tiko e na liga ni Kalou na yalododonu, kei na vuku, kei na nodra cakacaka. Sa sega na tamata sa kila na loloma se na veicati; sa tu ruarua ga e matana.

AI VOLA TABU

¹ E NA vuku ni ka kece o qo kaʼu a nanuma e lomaqu ka meʼu tukuna na ka kece o qo, ni ra sa tiko e na liga ni Kalou na yalododonu, kei na vuku, kei na nodra cakacaka: ia na nodra loloma kei na nodra veicati, ni sa sega na tamata sa kila e dua na ka ena yacovi ira.

Vakavakadewa Makawa

¹ E na vuku ni ka kece oqo ka'u a nanuma e lomaqu ka me'u tukuna na ka kece oqo, ni ra sa tiko e na liga ni Kalou na yalododonu, kei na vuku, kei na nodra cakacaka: sa sega na tamata sa kila na loloma se na veicati; sa bera vei ira na ka kecega.

Ai Vola Tabu Ena Vakavakadewa Vou

¹ Au sa vakasamataka sara vakavinaka vakabalavu na ka kece oqo ka'u sa qai raica ni sa lewa na Kalou na nodra cakacaka na tamata yalododonu. Sa vakakina na nodra loloma kei na nodra veicati. Sa sega sara ni dua na tamata e kila na ka e waraki koya mai muri.

Dauvunau 9:1 Iomraidhean Croise

Jope 12:10

Na Kalou ga sa lewa na i lakolako ni nodra bula Na manumanu kei na tamata; Ka tu sara ga ena nona kaukauwa na bula ni tamata yadua.

Jope 27:12

Ia na veika oqo dou sa sarava oti. A cava tale na vuna Me qai ia kina na i vakamacala vakaoqo Ni sa sega ni yaga?

Jope 5:8

Oqo ga na noqu i vakasala: Gole sara ga oqo vua na Kalou ka tusanaka vua na nomu cala.

NA SAME 10:14

Ia, o ni sa raica; O ni sa kunea na rarawa kei na vutugu, Ka vakarau tu mo ni veivuke. Sa soli koya taucoko na tamata malumalumu vei kemuni Baleta ni o ni sa dau vukei ira tikoga na dravudravua.

NA SAME 119:109

Au sa dau vakarau tu ga me'u taqomaka na noqu bula; Au sega sara ni guilecava na nomuni lawa.

NA SAME 31:5

Au sa laiva tu na noqu bula ki na nomuni veitaqomaki, O ni sa vakabulai au Jiova Sa i kemuni na Kalou yalodina.

NA SAME 73:3

Baleta ni'u a vuvutaki ira na viavialevu, Ka raica ni ra vutuniyau na tamata ca.

Vosavakaibalebale 16:3

Kerea vei Jiova me vakalougatataka na nomu i tuvatuva, o na qai rawata vinaka kece ni o sa qarava.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 10:14

Sa dau balavu na nona vosa na lialia. E sega ni dua e kila na ka e yaco tarava na ka oqo, ka na sega ni dua talega e kila na ka e yaco ni da sa mate.

Dauvunau 7:15

Sa sega na kena yaga na noqu bula, ia au sa raica kina na ka kecega. Sa na mate beka e dua na tamata yalododonu, ka bula tikoga mai e dua na tamata i valavala ca.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 8:14

Ia sa sega na kena yaga na ka oqo. Raica mada na ka sa yaco tiko e vuravura: ena so na gauna sa tau vei ira na yalododonu na nodra i totogi na tamata ca ka soli na tamata yalododonu. Au sa kaya ni sa sega sara ga na kena yaga.

Dauvunau 8:16

Ena gauna ga au vinakata kina me'u vuku ka kila na ka e yaco tiko e vuravura oqo, au vakila ni rawa ni o yadra tu ena bogi kei na siga,

Dauvunau 8:7

E sega ni dua vei keda e kila na ka e yaco mai; o cei e tiko kina me na tukuna vei keda?

Dauvunau 9:6

Era sa mate vata yani kei na nodra loloma, nodra veicati kei na nodra vuvu. Era sa na sega tale ni vakaitavi ena dua na ka e caka e vuravura oqo.

Aisea 26:12

I Jiova, o ni sa solia vei keimami na tiko vinaka; Na veika kece keimami rawata, Sa vua ga ni nomuni cakacaka.

Jeremaia 43:6

na tagane, na yalewa, na gone, kei ira na luvena yalewa na tui. Era a kauti ira kece sara na tamata a biuti ira tu mai o Nepusaratani na turaganivalu liu ena ruku ni lewa i Kitalaia, ka rau wili kina o Jeremaia kei Baruki.

Vakarua 33:3

Sa lomani ira na nona tamata o Jiova, ka taqomaki ira era sa nona. Ia eda sa cuva e yavana ka muria na nona i vakasala.

2 Timoci 1:12

Sa i koya oqo na vuna ka'u sa sotava kina na veika dredre oqo. Ia ka'u sa sega ni madua baleta ni'u sa kilai koya au sa vakabauta, ka'u vakadinata ni sa rawa vua me maroroya vinaka tiko na veika sa solia vei au me yacova na Siga o ya.

1 Pita 1:5

A veika oqo era sa nomuni, oi kemuni ka sa taqomaki tiko ena kaukauwa ni Kalou ena vuku ni vakabauta, me na nomuni kina na veivakabulai sa vakarau me vakatakilai ena i otioti ni gauna.

1 Samuela 2:9

“Sa dau maroroi ira na tamata yalosavasava o koya, Ia era na yali ena butobuto o ira na i valavala ca; E sega ni gugumatua na tamata ena nona kaukauwa ga.