Dauvunau 8:9 - Vakavakadewa Vou kei na iVola tale eso

⁹ Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Ai Vola Tabu (Vakadewa Makawa Vakavoutaki 2021)

⁹ A ka kecega oqo ka'u sa kunea, ka vakasara na lomaqu ki na cakacaka kece sa caka e ruku ni mata-ni-siga, ia sa dua na gauna sa lewa kina na tamata vua na tamata tani ka sa mani ca kina.

AI VOLA TABU

⁹ A ka kecega o qo kaʼu sa kunea, ka vakasara na lomaqu ki na cakacaka kece sa caka e ruku ni siga: ia sa so na gauna sa lewa kina na tamata vua na tamata tani ka mani ca kina.

Vakavakadewa Makawa

⁹ A ka kecega oqo ka'u sa kunea, ka vakasara na lomaqu ki na cakacaka kece sa caka e ruku ni mata-ni-siga: ia sa dua na gauna sa lewa kina na tamata vua na tamata tani ka sa mani ca kina.

Ai Vola Tabu Ena Vakavakadewa Vou

⁹ Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Dauvunau 8:9 Iomraidhean Croise

2 Tui 25:7

Ni rai tu ga o Esekaia, era a qai vakamatei iratou na luvena tagane; ka ra leuta tani na yaloka ni matana ruarua; era qai vesuki koya ena sinucodo parasa ka kauti koya ki Papiloni.

Lako Yani 14:28

A sa suka lesu tale mai na wai ka ubia na kareti na mataivalu ose, kei ira kece na mataivalu ni tui, era a muri ira yani ki na loma ni wasawasa; ka sega sara ni bau vo e dua vei ira.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 3:10

Au sa kila na veika dredre sa lewa na Kalou me da sota kaya.

Dauvunau 3:16

Me kuria, au sa raica talega ni sa rawa mo kunea ena vuravura oqo na i valavala ca ena vanua e dodonu me kune kina na lewa dodonu kei na ka dina.

Dauvunau 4:1

Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 5:13

Sa i koya oqo e dua na ka rerevaki au raica ena vuravura oqo era sa dau maroroya na tamata na nodra i lavo ka qai vakayagataka ena gauna era qai vinakata kina,

Dauvunau 5:7

Veitalia ga na veika kece o tadra, na nomu cakacaka kecega e sega na kena yaga kei na nomu vosa e vuqa, sa dodonu mo rerevaka tikoga na Kalou.

Dauvunau 5:8

Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 7:7

Sa vaka na i vukivuki ni tamata lialia e dua na tamata vuku ena gauna sa vakaisina kina e dua na tamata. Ni o taura na ka o saumi kina mo cakava na ka ca sa na vakacacana na nomu i vakarau.

Vakarua 2:30

Ia sa sega ga ni vakadonuya o Sioni na tui Esiponi me keimami takoso. O Jiova na nomuni Kalou sa vakaukauwataka na lomana me bese kina, ka sa rawa kina me da vakadrukai koya ka taura na nona vanua me yacova na siga edaidai.