Dauvunau 8:16 - Vakavakadewa Vou kei na iVola tale eso

¹⁶ Ena gauna ga au vinakata kina me'u vuku ka kila na ka e yaco tiko e vuravura oqo, au vakila ni rawa ni o yadra tu ena bogi kei na siga,

Ai Vola Tabu (Vakadewa Makawa Vakavoutaki 2021)

¹⁶ E na noqu tovolea e lomaqu me'u kila na vuku, ka kunea na cakacaka sa ia e vuravura, na kena rawa ki vua na tamata me sega ni moce e na siga se na bogi,

AI VOLA TABU

¹⁶ Ni sa vakanananu na lomaqu me kila na vuku, ka kunea na cakacaka sa ia e vuravura: (ni sa tiko talega e sa sega se kei na siga se na bogi na moce e matana me sa kunea ko koya:)

Vakavakadewa Makawa

¹⁶ Ni'u a vakasara na lomaqu me'u kila na vuku, ka kunea na cakacaka sa ia e vuravura: (ni sa tiko talega na tamata sa sega ni moce e na siga se na bogi:)

Ai Vola Tabu Ena Vakavakadewa Vou

¹⁶ Ena gauna ga au vinakata kina me'u vuku ka kila na ka e yaco tiko e vuravura oqo, au vakila ni rawa ni o yadra tu ena bogi kei na siga,

Dauvunau 8:16 Iomraidhean Croise

Vakatekivu 31:40

Sa vuqa sara na gauna au vosota voli kina na katakata ni siga kei na batabata ni bogi; ka'u sega ni dau moce rawa.

NA SAME 127:2

Sa tawayaga na noda cakacaka vakaukauwa me da tiko vinaka kina, Eda yadra sara vakamataka ka qai moce ni sa bogi levu, Baleta ni sa dau solia na vakacegu na Turaga, Vei ira sa lomana o koya.

Dauvunau 1:13

Au a nakita e lomaqu me'u dikeva matua sara ka vulica na veika kece e caka ena vuravura oqo. Sa cakava tu na Kalou na ka dredre oqo me baleti keda na tamata.

Dauvunau 1:14

Au sa raica na veika kece e caka e vuravura oqo, ka'u sa tukuna kina oqo vei kemuni ni sa sega kecega ni vakaibalebale. Sa tautauvata ga kei na vakacemuri cagi.

Dauvunau 1:17

Au a nakita e lomaqu me'u vulica na kedrau duidui na kila-ka kei na yalowai, na yalomatua kei na lialia, ia au sa qai kunea ni sa vaka talega na vakatobo cagi.

Dauvunau 2:23

Na veika kece o cakava ena gauna kece ni nomu bula e sega ni kauta mai e dua na ka, na nuiqawaqawa ga kei na mosi ni yalo. E sega sara mada ga ni vakacegu rawa na yalomu ena bogi. Sa sega kecega na kena yaga.

Dauvunau 4:8

E dua na tamata e tu taudua voli ga. E sega ni bau dua na luvena se dua na tacina, ia sa cakacaka tikoga ka sa sega ni mamau rawa na yalona ena i yau sa tu vua. Sa cakacaka vakaukauwa ena vuku i cei o koya ka sa vakuai koya kina mai na marau? Sa sega talega na kena yaga na ka oqo ka sa dua na i vakarau ni bula vakaloloma.

Dauvunau 5:12

E dua na tamata cakacaka ena rawa ni tu se sega ni tu vua na ka me kania, ia ena rawa ga me moce vinaka ena bogi. Ia na tamata vutuniyau, e dina ni sa levu na ka e tu vua, ena sega ni moce rawa ena nona nuiqawaqawa.

Dauvunau 7:25

Ia au sa vagolea na noqu bula ki na kila-ka vata kei na vuli; au sa nakita me'u kunea na vuku kei na i sau eso ni noqu taro ka me'u kila na ca kei na sesewa ni lialia.

Dauvunau 8:7

E sega ni dua vei keda e kila na ka e yaco mai; o cei e tiko kina me na tukuna vei keda?

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.