Dauvunau 7:7 - Vakavakadewa Vou kei na iVola tale eso

⁷ Sa vaka na i vukivuki ni tamata lialia e dua na tamata vuku ena gauna sa vakaisina kina e dua na tamata. Ni o taura na ka o saumi kina mo cakava na ka ca sa na vakacacana na nomu i vakarau.

Ai Vola Tabu (Vakadewa Makawa Vakavoutaki 2021)

⁷ Na veivakasaurarataki sa vukica vakaidina na tamata vuku me tamata lialia, ka sa vakacataka na loma ni tamata nai solisoli ni veivaqumi.

AI VOLA TABU

⁷ E dina, ai valavala kaukauwa sa cakava na tamata vuku, me lialia; a sa vakacataka na loma ni tamata nai solisoli.

Vakavakadewa Makawa

⁷ E dina, na veivakasaurarataki sa vukica na tamata vuku me tamata lialia; a sa vakacataka na loma ni tamata nai solisoli.

Ai Vola Tabu Ena Vakavakadewa Vou

⁷ Sa vaka na i vukivuki ni tamata lialia e dua na tamata vuku ena gauna sa vakaisina kina e dua na tamata. Ni o taura na ka o saumi kina mo cakava na ka ca sa na vakacacana na nomu i vakarau.

Dauvunau 7:7 Iomraidhean Croise

Lako Yani 23:8

Mo ni kakua ni taura na i sau ni veivaqumi, ni sa vakamatabokotaka na tamata na veivaqumi me vakaseva kina na soli ni lewa dodonu vei koya sa caka dodonu.

Vosavakaibalebale 17:23

Na dauveilewai ca sa dau ciqoma na veivaqumi sa caka vuni, ka sa sega ni vakatauci vakadodonu kina na lewa ena mataveilewai.

Vosavakaibalebale 17:8

Eso na tamata era nanuma ni sa vaka na cakacaka mana na cakacaka ni veivaqumi se na nona saumi e dua me cakava na ka e sega ni dodonu; era sa vakabauta ni sa rawa ni vakayacori vakaoqo na ka kecega.

Dauvunau 4:1

Ia au sa qai vakasamataka lesu tale na veika ca kece sa caka tiko e vuravura. Era sa tagi na vakararawataki ka sa sega ni dua e bau via vukei ira. Sa sega ni dua e via vukei ira baleta ni sa tu na kaukauwa vei ira era vakasaurarataki ira.

Dauvunau 5:8

Kakua ni kurabui ni o raica ni sa vakasaurarataki ira na dravudravua na matanitu ka cakitaka vei ira na lewa dodonu kei na nodra dodonu. Na tamata vakailesilesi yadua sa taqomaki koya o koya sa liu cake vua ka sa taqomaki rau ruarua o ira era sa cecere cake.

Dauvunau 8:9

Au sa raica na ka kece oqo ena gauna au vakasamataka kina na veika sa caka ena vuravura oqo, na vuravura era sa kaukauwa kina eso na tamata, ka ra sa vakararawataki ira na tani ena vukudra.

Aisea 1:23

O ira na nomuni turaga era sa dau talaidredre, Ka ra nodra i tokani na daubutako. Era sa dau taleitaka me soli vei ira na i loloma, Ka taura na ka era saumi kina me ra cakava na ka ca. Era sa sega ni taqomaki ira na luve ni yali, Ka sega ni via rogoca na ka e baleti ira na yada.

Aisea 33:15

O koya ga e vosataka na ka dina Ka cakava na ka dodonu sa rawa me bula. Kakua ni vakayagataka na nomu kaukauwa Mo veidabuitaka kina na dravudravua; Mo kua talega ni ciqoma na veika o vaqumi kina. Kakua ni lala vata kei ira era navuca na laba Se cakava na veika tawa dodonu.

Vakarua 16:19

Me ra tamata dodonu, me ra kakua ni veitotaki ena nodra vakatulewa; me ra kakua sara ni taura e dua na i lavo ni veivaqumi, se, dua tale na mataqali i yau, baleta na i loloma vakaoqo sa dau vakamatabokotaki ira na tamata vuku ka vakavuna me ra vakatauca na lewa tawa dodonu.

Vakarua 28:65

O ni na sega ni kunea e dua na vakacegu ena dua na vanua, ka na sega ni bau dua na vanua o ni na vakatoka me nomuni. Ena vakasinaiti kemuni o Jiova ena nuiqawaqawa, yalolailai kei na veilecayaki.

1 Samuela 12:3

Sai au oqo. Kevaka au sa vakayacora e dua na cala, mo ni beitaki au ena gauna sara ga oqo ena mata i Jiova kei na mata ni nona lumuti, na tui. Au a kovea beka li na nona bulumakau e dua na tamata, se na nona asa? Au a lawakitaka beka li e dua na tamata? Au a taura li mai vua e dua na tamata e dua na ka ena sala dukadukali? Ia kevaka au sa vakayacora e dua vei ira na ka oqo, au na sauma lesu tale vei kemuni.”

1 Samuela 21:14

A sa kaya vei ira na nona tamata o Akisa, “Ni raica mada, sa lialia na tamata oqo; a cava oqo o ni kauti koya mai kina vei au?

1 Samuela 8:3

E rau a sega ni muria vakadodonu na i valavala e dau kitaka o tamadratou ia e rau a vuki me guta na i yau ka taura na i solisoli me rau vakatanitaka kina na lewa.