Dauvunau 7:16 - Vakavakadewa Vou kei na iVola tale eso

¹⁶ Mo kakua ni yalododonu sara se mo vuku sara. Na cava mo vakarusai iko kina?

Ai Vola Tabu (Vakadewa Makawa Vakavoutaki 2021)

¹⁶ Mo kakua ni yalododonu sara vakalevu, mo kakua talega ni vuku sara mai. Mo vakarusai iko e na vuku ni cava?

AI VOLA TABU

¹⁶ Mo kakua ni yalododonu vakalevu; mo kakua talega ni vuku sara: mo luveniyali mai e na vuku ni cava?

Vakavakadewa Makawa

¹⁶ Mo kakua ni yalododonu vakalevu; mo kakua talega ni vuku sara mai: mo luveniyali mai e na vuku ni cava?

Ai Vola Tabu Ena Vakavakadewa Vou

¹⁶ Mo kakua ni yalododonu sara se mo vuku sara. Na cava mo vakarusai iko kina?

Dauvunau 7:16 Iomraidhean Croise

Vakatekivu 3:6

Ni sa raica na yalewa na vunikau kei na rairai vinaka ni vuana, ka ni sa rui talei vakalevu na vuana me rawati kina na vuku, a sa qai tauca eso na vuana ka kania. E a solia talega eso na vuana vua na watina, ka sa kania talega.

Jope 11:12

Kevaka sara era sa manoa na luve ni asa ni veikau ni ra Sa qai sucu mai, era sa na qai yalomatua rawa na tamata lialia.

Jope 28:28

A qai kaya na Kalou vei ira na tamata, Mo ni rerevaka na Kalou kevaka o ni vinakata na yalomatua. Mo ni gole tani mai na ca kevaka o ni vinakata na kila-ka.

Vosavakaibalebale 23:4

Mo yalomatua ka kakua ni vakaocai iko wale ga ena nomu saga na vutuniyau.

Vosavakaibalebale 25:16

Kakua ni kania vakasivia na oni, kevaka e sivia sa na rawa ni o lualua tale kina.

Dauvunau 12:12

Na luvequ, e dua tale na ka au via vakarota vei iko. Na kena volai na veivola e vuqa e sega ni vakaiyalayala, ia na sivia ni vuli lesoni ena kauta mai na oca ki na yago.

Maciu 23:29

“Dou na kalouca dina na daunilawa kei na Farisi, dou dauveivakaisini! Ni dou sa tara na kedra i bulubulu na parofita, ka vakaiukuukutaka na kedra i vakananumi na tamata yalododonu,

Maciu 23:38

Ena ka oqo sa biu wale tu ga kina ka laladidi na nomu Valenisoro.

Maciu 23:5

Era dau cakava na nodra cakacaka kecega me ra raici ira kina o ira na tamata; era daramaka e ligadra na nodra kato ni masu ka tu kina na tiki ni Vola Tabu, ka vakabalavutaka na wa-talitali ena i tutu ni nodra i sulu.

Maciu 9:14

E ratou sa qai lako mai vua o iratou na tisaipeli i Joni, ka kaya, “Na cava sara mada keimami lolo ga kina kei ira na Farisi; ia, e ratou sa sega ni lolo na nomuni tisaipeli?”

Luke 18:12

Au dau lolo vakarua ena veimacawa, ka'u dau solia na i katini ni veika kece au rawata.’

Roma 10:2

Au sa rawa ni vakadinadinataka ni ra sa dau gumatua dina sara ena nodra qarava na Kalou, ia sa sega ga ni yavutaki ena rarama dina na nodra veiqaravi vakayalo.

Roma 11:25

Kemuni na veiwekani, oqo e dua na ka vuni ka'u vinakata mo ni kila, ka ni na vakabulai kemuni mai na nanuma ni o ni sa tamata vukei. Na kaukauwa ni lomadra na Jiu ena sega ni ka tudei sara; ena yacova ga ni ra sa lako kece mai vua na Kalou na i wiliwili ni kai matanitu tani ka a dodonu me ra vakabulai.

Roma 12:3

Ena vuku ni loloma-savu ni Kalou vei au, au sa kaya kina vei kemuni kece sara me kakua ni dua vei kemuni me raici koya cake vakasivia mai na kena e veiganiti kaya. Ia me yalomatua ga ena nona vakanananu, ka lewa vakavinaka na nona bula me veirauti kaya kei na i vakarau ni vakabauta sa vota vei kemuni yadudua na Kalou.

1 Korinica 3:18

Me kakua ni dua me vakaisini koya vakai koya. Kevaka e dua vei kemuni sa nanuma ni sa vuku ena vuravura oqo, e dodonu me lialia taumada, me rawa kina vua me qai vuku dina.

1 Korinica 3:20

Sa volai talega vakaoqo ena i Vola Tabu, “Sa kila na Kalou ni sa tawayaga walega na nodra vakasama na vuku.”

Filipai 3:6

Ena veika me baleta na kena cuqeni vagumatua sara na vakabauta vaka-Jiu, au a vakacacana kina na i soqosoqo lotu Vakarisito. Ena veika me baleta na nona vakadonui e dua mai na kena muri na Lawa, au a sega ni beitaki rawa ena dua na cala.

Kolosa 2:18

Ni kakua ni vakatara e dua me vakacalai kemuni ni tukuna ni sa uasivi cake ena vuku ni nona dau raivotu ka viavia yalomalumalumu ka vakabibitaka na qaravi agilosi. Sa sega ni yaga na veika oqo baleta ni sa sinai ga na lomana ena gagadre vakayago.

Kolosa 2:23

E dina ga ni vaka me yavutaki ena vuku na veivakaro oqo ena kena vakaukauwataki na qaravi agilosi, kei na yalomalumalumu, kei na vakararawataki ni yago; ia sa sega ga ni ra yaga oqo ena kena lewai rawa na gagadre ni yago.

1 Timoci 4:3

Era sa vakatavuvulitaka ni tabu na vakawati kei na kena laukana na kakana eso. Ia sa bulia ga na Kalou na kakana kece oqori me ra vakayagataka o ira sa vakabauta ka kila na ka dina, ka me vakayacori oqo ni oti e dua na masu ni vakavinavinaka.

Vakatakila 18:19

Era na qai biuta na kuvu ni qele ki uludra ni ra sa tagi ka qolouvaka tiko: “Sa vakadomobula dina! Sa rui vakaloloma na koro cecere oqo! Oqo ga na koro levu sa vakavutuniyautaki ira na i taukei ni waqa kecega sa sokowasa voli na nodra waqa! Ia sa qai vakayalia na nona veika kece ena loma ga ni dua na aua!”